الفرح .............الحزن .

مساكم الله بالخير يأخواني النداويه .

عذراً على قلة المشاركه ولكن الغايب عذره معه.

صفحه من قصيده ارجوا ان تحوز على رضاكم .

بسم الله ابتدي................


الفرح يالعاصمي ماله وجود في الحقيق
::::::::::::::::::::::::::::::::: وين ما أمشي ألاقي هالحزن واقف بطول


الحزن اصبح ظليلي هو ملاذي والرفيق
::::::::::::::::::::::::::::::::: الحزن فرحٍ تلالا وسط كونٍ به يجول



بالحزن اثبت وجودي هو حنان لي دفيق
:::::::::::::::::::::::::::::::::كني ارضعته من امي يوم يشغفني الفضول



عبدالله أحلف بالذي أوجد لنا بيت عتيق
:::::::::::::::::::::::::::::::::لا نقول افرح .. ترى الدنيا حلاها مايطول



كيف افرح والفرح ماهو بلبسي مايليق
::::::::::::::::::::::::::::::::لبسي هو معطف حزين ما أزيله للكهول



كيف افرح والحزن مستعمر القلب الخفيق
:::::::::::::::::::::::::::::: كيف أفرح والبلاوي بالزمن مالها حلول



أشتكي همي ياعمري والالم فيني عميق
:::::::::::::::::::::::::::::: اشتكي واحزان قلبي مثل جرفات السيول



هم نفسي ..هم اهلي..هم جاري والرفيق
::::::::::::::::::::::::::::: هم أمة .. ماتلاقي .. إلا.. ذلٍ .... مايزول



بن بطي را ضى بواقع واقفٍ وسط الطريق
::::::::::::::::::::::::::::: واقع مرٍ .... أليمٍ .... بالبشـــر يلقى قبول



عزوتي أرضى بحزني خلني عايش في ضيق
:::::::::::::::::::::::::::::المضيق اهون عليا من اراضي بلا سهول


وســــــــــلامتكم

اخوكم / ناصر بن بطي

معذور وصح الله لسانك

يا ناصر بن بطي

بيض الله وجهك


تقبل التقدير

ناصر بن بطي
"
"
"
لاهنت يالقرم
"
وصح لسانك .....سجل اعجابي هنا
"
"
تحياااتي لك

"
"
نايف بن عيفاااااان

أخوي الكبير / سعد براك

الله لايهينك على الرد وتقبل العذر.


وحنا ماناتي الا من بعدكم لاعدمتك .



والله العالم انا نريد ان نشارككم في كل حين بس الظروف لاتسمح .



تقبل تحياتي .


اخوك / ناصر بن بطي

نايف بن عيفان

اسم احترمته كثيرا‘

وطربت له كثيرا‘


ويسعدني ويشرفني ان القصيده لامست ناظريك .


ولاهنت يالقرم .


اخوك / ناصر بن بطي

ناصر بن بطي


صح لسانك وبيض الله وجهك

قصيده طيبه من شاعر اطيب

تسلم يمينك يالقرررم

لك تحياتي وتقديري لاعدمتك

الأخ الغالي / ناصر بن بطي


صح السانك ياسنايدي



بيض الله وجهك



ابيات جزله من راس جزل

















سنجار ( محمد بن عبدالله )

أخي العزيز عكاشه

مرحبا مليون ولا يكفون



ارحب تراحيب المطر.




صرنا على طريق الطيب يوم انك لفيتنا يالقرم .







صح بدنك لاعدمتك .




مانغرف الا من بحركم .





اخوك الصغير / ناصر بن بطي

سنجـــــــــــــــــــار

وللشعر وقع مثل وقع البلاجيك




لاعدمتك يالقرم



طيب وتحب سلوم الطيبين





الله يبارك فيك ياسنايدي واطلب عزك ازهمني طول اجيك عرض وازهمني صاحي اجيك مجنون .




والجزل من لامست عينه بيوت القصيد وشرفت به .






تقبل تحياتي .



اخوك / ناصر بن بطي

اخوى الغالى ناصر

صبحك الله بالخير يا عصابة راسى



حقيقه كنت محظوظا وانا اتصفح الصفحات القديمه للمنتدى واهتديت الى نص رائع




جميل كجمال شاعرية كاتبه وانبهرت لحلاوة معانيه ورقى الفاظه




واثرت ان اضع تعليقى فى خانة الردود حتى يعود من الصفحة الثانيه والثلاثين



الذى وجدته فيه وان يكون فى صفحة الصداره الاولى لانه يستحق هذا المركز


رغم انف قليلو البصيره ومن لا يملكون حسا راقيا ويضعوا تعليقاتهم بالمكان الصحيح




اخوى ناصر صح السااانك وبيض الله وجهك يا تاج راسى على هالنص الراقى



والى الامام دائما ارقااااااااااااااااا سنووووووووود يا عضيدى



تقبل تحيات اخوك



// مطلق العبيسان

الله لايهينك ياعزوتي يابعد حي .

اخي واستاذي العزيز / مطلق العبيسان




شرفني وزادني فخراً ان أرى التعليق الذي يدفع بصاحبه لروئيه ومعنويه أقوى الى الامام .






وزادني فخراً ماشرفت به من حضورك الى هذه الصفحه .








لاهنت يالاجودي مانغرف الا من بحركم .







اخوك الصغير / ناصر بن بطي

ناصر الله يعمي العدو

و الله اني ما شفتها الا ذلحين

صح لسانك مليوووووووووون في مثله

و ابدعت لا عدمتك

وتقبل ازكى تحيات مغليك

فيصل العاصمي

أخوي وعصابة راسي / فيصل العاصمي.

ماهيب بالشكات فيك .



عزيز وغالي والشرف لي يوم انك سيرت علينا .






الله لا يهينك على كل حال .










اخوك الصغير / ناصر بن بطي