لغز 00000 وجائزة كبيره

هذا اللغز كتبته منذ حوالي عشرة أشهر وعلى الرغم من إنتشار اللغز وطرحة على كبار الشعراء إلا أنه لم يتوصل لحله أحد حتى هذه الساعه . وهناك جائزة مرصوده للغز لمن يتمكن من حله

جاني خبر وأبغى أنشدك عن مفاده
00000000000000 وليا فهمت اللغز وضح معانيه

الساحقه! والماحقه! والجراده!
00000000000000 ميراث عودٍ شايباتٍ نواصيه

وإم الزمام اللي زهتها القلاده
00000000000000 تقول والله لأنشده وأنت توحيه

وتقول ماينكر وعندي شهاده
0000000000000 0 ولو يحلف الأيمان والله ماأخليه

المنتدى ماهوب عندي عباده
00000000000000 لوك تقول المنتدى فيه مافيه

إضحك وتضحك للضحوك السعاده
00000000000000 واللي يجيب العلم بكره يوديه

كل الثلاث لهن علينا سياده
000000000000000 وإم الزمام اللي سترها توطيه

وإن قلت عيب تقول قل للعواده
000000000000000 إبوي وصاني وجدي موصيه

والعود لو تضبط عليه الإفاده
000000000000000 والله ليضرب بالعصا في علابيه

وحل اللغز موجود مع كل إنسان لمزيد من التوضيح

وسلامتكم
أخوكم حمدان الدلبحي

يالربع مافيه رمعةٍ طيبه

وينكم

لغز ثمين وجائزه ثمينه

الاخ حمدان العتيبي


مساك الله بالخير

انا ابرمع رمعه وعساها تصيب وتعتبر فتحت باب وانا متأكد ان فيه شعراء افهم في الالغاز مني


الساحقه الساعه والماحقه الدقيقه والجراده الثانيه والعود اللي شايبةٍ نواصيه هو الوقت وام الزمام


جرم الساعه نفسها والقلاده سير الساعه او الصنقل والثلاث اللي لهن علينا سياده هن الثلاث المذكورات


وسيادتهن ان الوقت محسوب علينا ، هذا وعسى ان يكون الحل والشرح واضح



تقبل تحياتي


شبيب

[طائر الشوق]

دام الصلاه اكبر فروض العباده
................ اللي يخليها عسى الله يخليه

ويحرمه فيها مناه ومراده
................ وفالاخره يعرف نهاية تسليه



انا اضم صوتي لمن سبقني

تحياتي
اخوووووووووووووووووووووووووك