[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
رسمت الماضي بعيني في ذكرى الخل ودياره = أمني حاضري فيها وألون رسمها بدمعه
تسوق أقدامي الخطوه وقلبي مكتوي بناره = أبرجع والهوى دايم يشوقني على الرجعه
وصلته والفكر يسبق أثاري فكرنا زاره = وشفته مظلم وطافي ألا يا وينها الشمعه
وقفت وانظاري تحوفه أبسمع همسة جداره = أحس إنه يكلمني مريض وطالب الفزعه
يا بندر أمسح بكفك جدارك احتوى غباره = يا بندر وينها ايامك تغيب وتترك الجمعه
وينزف حزنه بيدّي وجَرَحها ابّاقي احجاره = يقول أنزف أنا بجرحك جدارك عارفن طبعه
تذكّر والذرى شاهد حبيبك تاخذ اخباره = أنا سامع كلامك لا تقول احجار ومجتمعه
أنا جلمود ولكني أحفظ العشق وأسراره = مضالي في الهجر سادس وأنا مقبل على السبعه
نسيت إني أنا بيتك في ليلن يفرش ستاره = ولا منك شكيت الليل تكون احجاري مستمعه
أنا في الأصل أصلك وربي مقدر أقداره = خلقني جامد وطينك بنفخ الروح منتفعه
بكيت ودمعتي تسأل لو أنك تقبل اعذاره = ولو أن العذر ضايع ما بين العين والدمعه
[/poet]
[/align]
تعليق