( بن هضيبان يا مشكاي عطني رواياك )

[قحموم الحجرف]

السلام عليكم أخوانى وأخواتى الأفاضل ,,,


أخواتى الشعار وأخواتى الشاعرات الأفاضل ,, اتقدم فى هذي القصيده وأسندها علي أستاذي الكبير

الشاعر // محمـد بـن هضيبـان


اقول ,,,


[poet font="Simplified Arabic,14,purple,normal,normal" bkcolor="transparent" bkimage="http://nadawi.net/vb/images2/6.gif" border="none,2,gray" type=0 line=200% align=center use=ex char="" num="0,black"]
يالله يا داير هبوبـه والأفـلاك // يا رازقٍ وسـط البحـور الـدوابي



أنت الـذي نرجـي جنـابك وحسنـاك // يـا عالمٍ بـ البيّنه والغيابي


البارحه فى داخـل الجـوف دكـاك // والكبـد عـافـت زادها والشرابي


والـدمع من عيني على الخـد سفـاك // والعين عنها لـذة النوم غابي


يا ذيب وصل لى الرساله بـ يمناك // للقـرم ابن هضيبان وصل كتابي


أبشرح المـوضوع يـ القـرم وأنصاك // من زايد همـومٍ وعذابٍ جرابي


الحجرفي فى ضيقـة البال ينخـاك // أسـرع علينا في مـرد الجوابي


حالي خطيره واصله حوض الأدراك // ورمح الهوي بـ صندوق قلبي سطابي


بن هضيبان يا مشكاي عطني رواياك // يـ الحر ياللى ما كرك بـ النوابي


يا فـزعة المحتأر لا صار ينخـاك // فهيـم فى بـدع اللحون العجابي


أفخـر ليا من جابوا الناس طريـاك // حيثـك بـ وقت اللازمه ما تهابي


حلحـيل!! للصعبـات (فـولاذ فكـاك) // وحيـث إن قولك بين الأقوال نابي
[/poet]


وسلامتكم ,,,

ملاحظه : مجرد استفاده من استاذي واحب اتحرش فيه))


أخيكم الصغير // قحموم الحجرف

مساء الخير للشاعر العزيز: قحموم

الله يعطيك العافيه على هذه الابيات


جزله من جزل ...


والشاعر بن هضيبان كفو ويستاهل من يسند عليه


صح لسانك يارائع وبيض الله وجهك


تقبل تحياتي واعجابي

اخوك

بــو عــرب

الاخ قحموم الحجرف

مساك الله بالخير


صح لسانك والله لايهينك ومصافحه جميله


والشاعر بن هضيبان قدها وقدود




تحياتي


شبيب

قحموم صح السانك


قصيدة جزلة وسنتها على شاعر جزل وقدها بن هضيبان



والله لايهينك

الشاعر قحموم الحجرف
"
صح لسانك ولاهنت يالغللي على هذه المذهبه
"
وبيض الله وجهك ...

"
"

كفيت ووفيت....وبن هضيبان يستاهل كل علم طيب
"

تحياتي لك

الأخ الغالي / قحموم الحجرف






صح السانك ..... وبيض الله وجهك ابيات رائعه





عزالله انك نصيت يلأجودي






لله درك










سنجار ( محمد بن عبدالله )

اخي العزيز قحموم الحجرف


صح السانك ولاهنت


قصيده وافيه من راس وافي


محمد شاعر ويستاهل من يسندله وبانتظار رد محمد

لك تحياتي

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ماجور ياقحموم من شر ماجاك= الله يجيرك من عطيب الصوابي
فالك عسى الله في مناياك يجزاك= بالرشد والأخلاص جزل الثوابي
والله يعينك في حبيبٍ تمناك= والله يعينه فيك سمح النوابي

[/poet]


سامحني على القصور وصح السانك

[قحموم الحجرف]

ارحبوا يا هلا وغلا

يا مرحبا بالجميع

أحي الكبير وأستاذ الشعر// محمد هضيبان .. لاشك لا يوجد اي معرفه سابقه وانا نوهت بإرسال القصيده بأني ناوي اتحرش بس اتحرش على قصد نيه طيبه واتشرف بى معرفتك لأنك ثروه

صح بدنك وماجا منك قصور وصح لسانك على كل حال


اخي الكبير واستاذي // حسن الوطري ,, صح بدنك يا ابو على ولا خلا ولا عدم ,, تسلم على المتابعه لأخيك الصغير

اخي الكبير والمبدع // نايف بن عيفان ,, يكفيني مرورك على القصيده ,, هذا انجاز لى وشرف ووسام اتقلد به لا عدمتك صح بدنك ولا خلا ولا عدم

أخي الكبير وصديقي من خلف الشاشه // سعود العازمي ,, حي هـ الأحرف اللى انطبعت يا سعود صح بدنك ولا خلا ولا عدم الله يخليك لى

أخي الكبير وعزيزي // سنجار ,, وجودك عطا القصيده حياه تسلم على هالرد الطيب ,, وصح بدنك لا خلا ولا عدم يالامير

أخي الكبير // شبيب شاهر ,, لعلمك بس ترى وجودك يكفيني؟ تسلم يا بن شاهر وصح بدنك يالامير لا خلا ولا عدم

اخي الكبير // مروق الصواغ ,, المرحبا تاتيك من هنا ,, لــ هنااك ,, ارحب يا مرزوق صح بدنك ولا خلا ولا عدم يالامير من هالمتابعه


تقبلوا فائق احترامي لكم أخوانى الكبار

اخيكم الصغير // قحموم الحجرف