مصافحه أولى وتوجيه للقعبوبي ..؟

السلام عليكم ورحمة الله وبركاته .. أتشرف بالإنضمام لهذا الصرح الشامخ وشعراءه المتميزين

وأشكر الأخ الاستاذ حمد السحيمي لإتاحة الفرصه لي بالدخول والمشاركه ..


[poet font="Simplified Arabic,14,purple,normal,normal" bkcolor="transparent" bkimage="http://nadawi.net/vb/images2/43.gif" border="none,2,gray" type=0 line=350% align=center use=ex char="" num="0,black"]
مصافحه أولى وقصيده موجهه
لأخي الشاعر محمد القعبوبي

يوم شاقنىْ بيوت محمد القعبوبـــي = قلت مال الشعر خانه ينكتب فى غيره
باعتقادي لوكلام الصدق هو عذروبي = بس لاقلت الصحيح أعتز فى تعبيره
ويامحمد كان ثوبك قطعة من ثوبــي = وانحنى لك رأس قافي واتضح تفسيره
واحتواك الهاجس اللي داعبك من صوبي = بالله انك غير لوتسمح عطه تأشيــره
طالما انك يامحمد تعرف المـــاجوبي = والعزيز الضيف عندك ماجهل تقديره
وده انه يسئلك عن هاجس مســـلوبي = ثم بعده يستشيرك فى مواصل سيره
وله قضية والقضية وضعها منســوبي = للزعيم الفكر أبوه اللي بدع تصويره
اسمع القصة وشف وش غاية المذهوبي = خاف يأتي لك مسير فوق ضهر بعيره
جاء نديمٍ مستشيطٍ غيض من مكتوبي = مأثّرٍ فيه الغضب وأثّر على تفكيره
جاء يعدد لى خطاي ومعظلات ذنوبي = جايزن له مايقول وقانع بتدبيره
معتبر كل الكلام اللي ذكرت عيوبي = عنده انه هو أساس الحق مابه غيره
فاقد كل الثقة بالذات والاسلوبي = وجاء يحاول يستبد النقص في تبريره
يحسبن الناس منكبه وهو منكوبي = والبلاء انه عند ذاته عارف تقصيره
حطه الله عثرة لي فى جميع دروبي = وقلت يالله ياعسى فى تاليتها خيره
لكن اللى في خيالي عنه انا ما اتوبي = لين حتى أعرف وش آخر فصل فى هالسيره



وسلامتكم جميعاً

[/poet]

الاخ عبد الله ال مدله

ياسلام عليك

قصيده جزله وموجهه لشاعر جبل

تفعل الطيب ياعبد الله ومحمد يستاهل

صح السانك .. وتقبل تحياتي وعجابي

الشاعر عبدالله ال مدله

ياهلا فيك ويامرحبا بين ربعك واخوانك

وقصيده تعتبر مصافحه اولى للسحي وقمم الجبال

صح لسانك وبيض الله وجهك

وعزالله انك عرفت توجه


لك تحياتي وتقديري

[poet font="Arial,14,black,normal,normal" bkcolor="crimson" bkimage="http://www.nadawi.net/vb/images2/1.gif" border="solid,8,gray" type=2 line=200% align=center use=sp char="" num="0,black"]
اخي العزيز مجعد متعب تحية طيبه
صح بدنك ولاهنت
وهذا من طيبك طال عمرك
وانت تقدر وحنا نستاهل
وبيض الله وجهك واسعد الله مساك$ واسعد الله صباحك كل طلعة فجر
[/poet]

[poet font="Simplified Arabic,14,black,normal,normal" bkcolor="" bkimage="http://www.nadawi.net/vb/images2/4.gif" border="none,0,gray" type=0 line=200% align=center use=sp char="" num="0,black"]
الاخ عكاشه
المهلي مايولي
وصح بدنك
وانا أتشرف صراحة بشعر محمد القعبوبي الذي هو يعتبر بالنسبة لي استاذي الأول بالشعر
واتمنى ان تحوز على اعجابه واعجاب الجميع
وتقبل تحياتي وتقديري
[/poet]

اخوي الغالي / عبدالله ال مدله


هلا وغلا فيك بين ربعك



صح السانك على هذا الأبداع



واحسنت في توجيهها محمد كفو ونعم الرجل
















سنجار ( محمد بن عبدالله )

اخي العزيز سنجار
صح بدنك ولاهنت
كريم منسبه من نسب اكارم
لك حبي وتقديري

الاخ .... عبد الله ال مدله


اولا مرحبابك بين اخوانك والمحل محلك يالقرم


ثانيا صح الله لسانك علي هالجزله انت تفعلها ومحمد يستاهل



تقبل كل التقدير

اخي العزيز سعد براك
صح بدنك
ولاهنت اطال الله فى عمرك
لك مني كل الحب والتقدير
على هذا الاطراء الجيد وهي شهادة اعتز بها منك طال عمرك
تقبل تحياتي مرة اخري وشكرا لك

الاخ عبد الله ال مدله

ياسلام عليك

قصيده جزله وموجهه لشاعر جزل
"
"
"
صح السانك ..وبيض الله وجهك..

وتقبل تحياتي وعجابي....


تحياتي لك .....اخوووووك ..

نايف بن عيفااااااان

اخي العزيز / نايف بن عيفان
شكرا جزيلا لك
وصح بدنك
وتقبل تحياتي وتقديري

ياهلا يابن مدله


صح لساااانك يالغالي


انت كريم والقعبوبي يستاهل



لاخلا ولا عدم منكم يالاجاويد

الاختي العزيزة / الجامحة
صح بدنك
وشكرا جزيلا لك على هذا الاطراء الجيد وهذه
شهادة اعتز بها كثيرا من شاعره مثلك
هذا وتقبلي فائق شكري وتقديري

مرررررحياااا تراحيب المطر ياااابو يزيد


ياخي الغريب أنك شاعر وتدخل الانترنت من سنتين وماغير تدوّر الشعر بالأيرسي والشات ولا دريت عن النداوي .. تدري أبرك الساعات ولادريت انك تبي توجه لي مثل هالبونه كان قلت للسحيمي يقفل عليك من بدري


لكن مررررحبا مرررحبا والله وأبرك الساعات والله يعينني على الرد انت والله مأنت لقوة خيّر ههههههه


ياهلاااا والله بابو يزيد صح السااااانك طال عمرك


ولك تحياتي والرد اقريب بإذن الله تعالى

لاهنت

الاخ عبدالله أل مدله

حياك الله بين اخوانك وربعك النداويه


وصح السانك ولاهنت


قصيده رائعه من شاعر اروع

والقعبوبي يستاهل


وبدايه طيبه وموفقه انشاء الله

لك تحياتي