Tweet
ليلة القريه سكون او فجْرَها همس اوْ مَخافَتْ
ــــــــــــــــ الصَخَبْ لـيــلْ المدينه والضجيج اللي قـبضها
اللـيالي ذكـــريات آلام وأحلام ٍ تـنافـت
ــــــــــــــــ إحتواها إحساس مكنون الحنايا مارفـضها
المشاعر بشت شاعر ضافي وللحرف اضافت
ــــــــــــــــ حرفنة واتقان عقل ليا فتلها وان نقضها
ارتوت شعر( النـفـيعي)* من ضماء أو فهد عافت
ــــــــــــــــ بـلسم الجرح ودواء الروح العليله من مـــرضها
إذن ماسمعت محمد غير والا عين شــــافــت
ــــــــــــــــ أوفهد عافت إستاذ إو بـَصْمة ْإبداعه فرضها
ضحكة محرم بدايه وانحسار اعوام طــافــت
ــــــــــــــــ من ربيع العمر وآخر غاية النفس اوغرضها
إبتسامه في ثغر حسرة جروح ٍ ماتشافت
ــــــــــــــــ حزن ، قسوه ،هم ، غربه ،طعنة ،أصحاب لبعضها
الفرح لص أجمل أوقات القلوب ليا تــصــافــت
ــــــــــــــــ ساعة الفرحه ثواني تمضي ويصعب عوضها
الحسد سقم الضمائر من سعيره مـاتـعافـــت
ــــــــــــــــ يــهــد م صروح الموده والتألف مــا نـهــضها
السهركحل العيون اللي لذيذ النوم عـــا فــــــت
ــــــــــــــــ العيون أسرار كتب الــعـشق فيها وَ تــحـفــظها
العقل ستر النساء ، ملـح الحياء للعين لافــت
ــــــــــــــــ السلوم رسوم قانون الحضاره ماقــرضها
اللقاء قوت القلوب اللي من الفرقاء تجافـت
ــــــــــــــــ تــثـــمر أغصان المحبه والجفاء ريح ٍ نـفـضها
تعليق