عطر القصيد

قـ(صيده) اتمنى ان تحوز على اعجابكم








بالغرام البارحه كني على جمر المليله
……………………..………قام يطويني بيّدينه مثل طي الشـناني
قام يعطيني ثقال الهم من صاعه وكيله
………………………..……وقمت أعد الهم وآعد الدقايق والثواني
كني البارح غريب ٍ سكته سكه طويله
………………………..…...سج رجله لاعزم ســجة غبا والا بياني
وويش أسوي دام قلبي غيره قلوبٍ عليله
…………………………قد خذاها الحب وان كانه خذاها ماخذاني
وقد سمعت اللي يقول الغايه تبرر وسيله
…………………………..…وانجبرت أحيا بمبدا خلها والعمر فاني
قلبي أخضر والحمام اللي هدل واسمع هديله
……………………….…فز له قلبي على طاريك وطيوفك وزاني
ويش اقول ان كان مالي عن بياض الطرس حيله
………………....لاابتديت أسمع صدا الهاجس وهو بين المحاني
ولابديت اضما رعود الغيث والبرق ومخيله
……………..…….ولاانجبرت أرقب نجوم الليل وســهيل اليماني
ولابديت اذكر خليل ٍ ماتجمل مع خليله
……………………..……….لاغزاه الدمع وجروحه بخفاقه ثماني
والقصيد اللي تمادا في الورق لو شد حيله
………………..……….والله انه غارق في الحب وعيونك مواني
ووالله انه مايضيّع سكته دامك دليله
…………………..….…والأكيد اختارك ويرفض معك واحد وثاني
ولو يجيله يسترد الحب مره مايجـيـله
…………………...…..يسترد الخافق اللي راح معك ولابـكـاني
ووالله ان الحب صعب ٍ معك اباحصل بديله
……………………...ولو لقيت الغير بستانه ثمر والقطف داني
ماذكرت الا انت ياعطر القصيد وياخميله
……………………..…..لو تذكرت الرفيق اللي بلاسبه جفاني
الرفيق اللي يصب الحقد لويربط صميله
……………………..…….قد عرفته قبل يرميني وياليته رماني
راح واقفا يمكن انه لاابتعد يبرد غليله
……………………..والا انا صوب الفعول الناقصه قلبي ثناني
وعادة الدنيا ولوتعطي عطاياها هزيله
…………….….ولاانتظرت الطيب من شخص ٍ مغفل او اناني
كل رجال ٍ بدرب المرجله يطرق شليله
………………..….والردي يبقى ردي لو عاش بـ كبار المباني
ودامها ميدان كل ٍ يمتطي صهوات خيله
…………….….والرجل عينه على المشراف لو وقته طمـاني
وأنت ياللي ماقدرت انساك والخافق مقيله
………………….في عيونك لارويت الشوف رمشك مارواني
لاتصدق فـ الف ليله بين يوم وبين ليله
……………………….…الليالي مايله لو جا بها بعض أتزاني
ولو يفوح من الفناجيل الغلا بنه وهيله
……………………….شرط لاعن لمداه وريحته لو ماسقاني
ومن لساني خذ قراح الشعر والا سلسبيله
……………….خذ قراح الشعر والا سلسبيله من لســـاني
والا انا دوم الغريب اللي مثل عابر سبيله
…………..….…….غير غربة عينك الحورا بقت غربة زماني
لاتخليني مادام الوقت صافط لي قليله
…………….….وأن عطاني ماعطيته وان عطيته ماعطاني
يمكن اني مارضيت الأخذ من يد ٍ بخيله
………….ولارضيت اركض ورى المقفي عجل واترك مكاني
صابر ٍ وآعرف وقتي زين واشيل الثقيله
………..………والصبر ماعاب جوع الذيب والهرش العماني
والحياه دروب واللي واطي ٍ درب الفشيله
………………..…….لايلوم النفس ويعـّود بعد فـوت الأواني
وان سقط تمر الرجا مااسد جوعي من نخيله
………..….ولاهويت أخضع رجا لو جرت الصـوت الســواني
لي لياضاقت عليّ الأرض سجده وتـهْليله
………………والعزا أني مانطقت الزيف ولسـاني حصاني

بندر المحيا

اخي الغالي بندر المحيا الف شكر على امتاعنا بهذه الرائعه لك مني اجمل التحايا








المسعودي

بندر المحيا


مرحبا الف ياخوي ..

صح الله لسانك على ماقلت .. تحياتي


اخوك حمد السحيمي

بندر المحيا



صح لسانك يا القرم وبيض الله وجهك .


عزالله وفيت وكفيت وماذخرت شي .


واسمحلي بأن أسطر إعجابي بما نثرت أخي الكريم .



تحياتي لك



بندر المطيري

الاخ/ بندر المحيا


صح لسانك 00 وسلم جنانك

كتبت فابدعت لله درك


لك تحياتي وتقديري
ابو نوت

اخوي الغالي / بندر المحيا


صح السانك ...... وبيض الله وجهك



ابيات رائعه وجزله يالجزل




لله درك







سنجار ( محمد بن عبدالله )

بن محيّا بندر

او محيّا الشعر وبندره

من اين أبدأ من اسمك او من دسْمك

بل ابدأ من الروعه والادهاش والشعر الانيق والاسم العريق

لست ارى سوى عقد من جمان

واستطعت نظمه بجوده واتقان

يا لك من رائع

لا استطيع الاسهاب فكل المفردات تفقد بريقها مع هذا العقد المتلأ لأ بكل ثمين

لذا انتهي بما انتهيته انت




وان سقط تمر الرجا مااسد جوعي من نخيله
………..….ولاهويت أخضع رجا لو جرت الصـوت الســواني
لي لياضاقت عليّ الأرض سجده وتـهْليله
………………والعزا أني مانطقت الزيف ولسـاني حصاني



انا ايضا اقول (( العزا اني ما نطقت الزيف ولساني حصاني ))



لك اعجابي وتحياتي

الشاعر / بندر المحيا


الله الله عليك يا مبدع


عزالله مدري وش اختار من هالدرر الثمينه



ولكن اقول



صح الله السانك


وبيض الله وجهك



__________
تقبل تحيات اخيك
ابومبارك العجمي

بندر المحيا




او بالاصح محيــــــــــــــــــــــــــــــا الشعر


ياهلا والله ومرحبا فيك بين النداويه


قصيده سبق ان اطلعت عليها ولكن لجمالها اعد قرأتها مره واثنتين وثلاث


من القلب صح لساااااااااااااااااااااانك يابن محيا



اخوك / سلطان الاسيمر

اخوي الغالي / بندر المحيا


صح السانك ...... وبيض الله وجهك



ابيات رائعه وجزله يالجزل




لاهنت

وانا اشكرك

كثيراً ومراراً على حضورك في متصفحي

ياحسن المسعودي

تحياتي لك

هلابك يابندر المحيا



والله انك بهالقصيدة صرتطلق المحيااااا صح لسانك ولاعدمنااااك


وقد سمعت اللي يقول الغايه تبرر وسيله
…………………………..…وانجبرت أحيا بمبدا خلها والعمر فاني





جزااالة ياطلق المحيا بيض الله وجهك

المحيــــــــــــــــا بنـــــــدر صح السانك ولاهنت الله يطوّل عمرك

نابف صقـــر الجديــــد

لا..




بندر بن محيا.. ما تشبه احـــد..



سجلوني من اكبر المتعصبين لهذا الرائع..



يشرفني..

ودامها ميدان كل ٍ يمتطي صهوات خيله
والرجل عينه على المشراف لو وقته طمـاني

بندر
تدوم يا ابن محبا

صدقت
والرجل عينه على المشراف لو وقته طمـاني

اخوك
داهم العصيمي