من طول الغيبات جاب الغنايم

[frame="5 80"]السلام عليكم

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
برق دعاني من ورى البعد لمــاع =تقبل عليه العين عجل ندبها

له من زمان العام غيبات ماشـاع =ليالنا عقبه تروع عربـــها

يامرحبا شرّف على حدب الاضــــلاع =وابسط يمينك ويتساوى حدبها

يجي لروحي بين اصابعك مطــــلاع =وتبدي مواجعها على مغتصبها

تشكي عليك ومنك يا حلو الاطـباع =وتذوب من عينك وضافي هدبها

عين محاجرها ورى البرقع وســاع =ما تروي الناظر لو انه شربها

والعاشق اللي عاكست معه الأوضاع =ما عنده الا مهجة قد وهبها

واليوم يا مصياف الاحباب مربـاع =ورجع مجاهيم السحاب احتلبها

يمطر على قلب محس وملتــــــاع =النار كنها فيه تقرض حطبها

بدر مطاليعه مناصيف واربــــاع =يجلى هموم النفس مما كربها

جاني بعد ماغاب عاصي ومطـــواع =يبغى العزوم وشتت الله شعبها

بحر الغرام ومركب الــشوق شرّاع =جلاّب نفس عند خله جلــــبها
[/poet]

((( مــشــهــور )))[/frame]

كفو يا بو خيّال

طولت وجبت الدرر طال عمرك
انا طالبك ما تقاطع فينا تكفا يا مشهور

سلمت يا مشهور ,, وصح الله لسانك وماقصرت القصيده ماعليها كلام الحقيقه وان كان لي من ملاحظة الا وهو قلة مشاركاتك معنا ،، اتمنى ان ارى ردود وتعليق على قصائد الربع اللي معناهنا.

[السعوديه]

انت فنتاستيك

مشهور ابغي القيها على خوياتي واقول هذي لي .. تسمح
لا اكذب صدقت ؟؟

حلوه القصيده

مفردات الخيال.........مشهور

تذكرني بالربيع والحيا والمظاهير والذود..هنا الاصالة..تشم في قصائد الخيال(مشهور) النفل والخزامى والشيح والصفار والربل
وانت على جال ضوك وقدامك دلال رسلان..يفوح منها ريح الهيل والزعفران...مفردات هذا المبدع..قد لايفهمها بسهولة الامن..جرب
حياة البادية..ورعى (حرش العراقيب)لله درك يامشهور الخيال

صح لسااااااااااااااااااااااااااااااااااااااااااااااانك


اخوك الصغير/عبدالله بن فلاح الهاجري

مشكور يا مشهور

القصيده ممتازه الله لا يهينك

ياسيدي 000قلت فابدعت وقال الشعر ياسيدي

هذا القصيد الحر0 اللي ما خضع للميوعه0
مني لكل من لبس شعره ثوب النعومه اقول هذا شعر الرجال0


الغازي

صح لسااانك يا مشهوور ,,,

والله ان قصيدك طيب مثلك ,,,

تقبل تحياتي ,,,

اخوك ابو الاصاله

تذكرني بانسان عزيز علي ..عنده ولد اسمه فيه فروسيه

هو كان من المفروض يكون معنا.......بس مايعرف للانترنت لذا هو قال للاخ الخيال (مشهور) حطها في المنتدى وخل الواثق يرسلها لي مع الصبي فارس.....ابشر ياطويل العمر.

تشكي عليك ومنك يا حلو الاطـباع .... وتذوب من عينك وضافي هدبها

عين محاجرها ورى البرقع وســاع .... ما تروي الناظر لو انه شربها
جميل جميل

يابوخيال وين الغيبات0

كل عام وانت بالف خير000 بس وش قصتك انت والغيبه 0

الجماعه ينتظرونك على المحاوره 0 ترا حنا بدونك جسد من غير روح0

(شالح)

الله الله


لافض فوك يا مشهور

كلمات قمة في الروعة

لاتحسبني اجامل لاني احب هذه المفردات

صح لسانك وسلمت اناملك

في انتظار جديدك

صح لسانك والله

والله انك كفيت ووفيت

شاعر ولا هو اي شاعر

اتمنى لك التوفيق

[align=center]

مشهور الخيال


رائع ومذهله

رائع ومذهله

رائع ومذهله







يا سلالام عليك يا شايع العيافي
مذهله استحقت ان تعاد من جديد الى الصدراة فسمحلي على اعادتها
ومنك العذر يا السنااافي على تطفلي
فهي تستحق ان تقرأ من جديد لروعتها وجماهلها يا شايع
صح الله الساانك ملالالايين ولالالاهنت يا القرم









تحيااتي لك اخيك






















العجمـــ بـــدر ـــي.....@@






[/align]

مرحبا يابو فارس

وصح السانك وقلبك

جيت اسجل مروري ولا الشهاده ماهيب مجروحه الا مذبوحه

لك كل التحايا يابو فارس ولا عدمتك ,