الهوجاس - عضو جديد

[الهوجاس]

قالوا تمنى قلت شيٍ على البال
امفارق الانذال واهل النمامه
باختارلي عن دار الانذال محوال
عن مثلهم مثلي رفيعٍ مقامه
قالواتخيّر! قلت في نايف الجال
في مـاكـرٍ قايد عسيـرٍ مرامه
باجعله من عندي مقرٍ ومدهال
لاهل الشجاعة والشرف والشهامة
قالوا كبارة؟!قلت ماهي لنافال
لاشك أنا مااعيش عيشة رخامه
أنا عن الذلة على راس ماطال
ولايستوي لي كود مجلس زعامة
قالوا من انته ياولد؟!قلت رجال
ممسي ومصبح في محل الكرامة
ان عاش له في قمة العز منزال
وان مات تدفن بالعوالي عظامه

ولاعــلــيــكــم زود

مع تحيات الشاعر الهوجاس ( ابومناحي )

ياهلا ومية مرحبا بالهوجاس

شرفتنا يعلم الله
ياخوي وش ذا القصيده ماشا الله صاروخ يشق سماء الابداع ,,,, أهنيك من كل قلبي

مرحبا ملايين بالشاعر ابو مناحي اسفرت وانورت

ارحب يالهوجاس مرحبا والله ومسهلا بك بين حبابك وربعك

الحقيقه لنا الشرف ان تشاركنا

عزيزي اتصل بي الشاعر مشهور الخيّال يفيد انك تواجه صعوبه في الدخول قل عسى الأمور طيبه الآن ، إذا تامر شي البريد عندك.

بالمناسبه نذكر الجميع أن من متطلبات التسجل في منتديات النداوي وضع البريد الحقيقي وبعد تسجيلك يصلك رساله من الموقع يجب ان ترد عليها بالضغط على وصلة تنشيط الحساب وإلا لن يتم تفعيل حساب أي عضو

تقبل تحياتي

النداوي

مرحبااا مرحبااا ,,,

هلا بك الهوجااس وغلا بين اخواانك وفي منتدااك ,,,

وصح لساانك على القصيده الطيبه ,,,,

تقبل تحيااتي ,,,,

اخوك ابو الاصاله

[الهوجاس]

اشكركم شكراً جزيلاً على ترحيبكم بي ، وماقصرتوا يالنشاما
كما لايفوتني أن اشكر أخوي (مشهور الخيال )على تعاونه الطيب ، أخونا النداوي على استجابته ، كما اشكركم جميعاً أخواني
( سهم المنايا ، أبو الاصاله )على حسن استقبالكم وسعة صدوركم،
على فكرة لولا ان معرفتكم ربح وراس مال ماحرصت على المشاركة
معكم .

أخوكم/ الـــهـــــوجــــــاس

[راعي العوجا]

ارحبببببببببببببب جاااااااااااااي يابوووو مناااااااحي

هلالالالالالالا واااااااااااالله وغلا,حيااااااك الله بين اخووووانك
واخواتك,وصح لسااااااااااانك على القصيد الطيب,
وتقبل خالص تحياتي ومحبتي.

مرحبا ومسهلا يالهوجاس

هلابك وغلا وصح لسانك وان شاءالله انك تستاهل السبعين نعم على هالقصيدة...وشعرك ذكرني بيت مشهور للشاعر الكبير حمد الاسعدي
(شعري لياقلته تبينت كلي***ولاودي اكشف عن خفاياه وابديه) ان كان الذاكره ما خانتني..وانت شاعر شخصيتك..تبينت لنا من خلال ابياتك...مرحبابك الف.

اخوك /عبدالله الهاجري

المحل محلك...
تحياتي لك

بسم الله الرحمن الرحيم


صح لسانك .. ياصديقنا الجديد والعزيز ان شالله ..