(( المــلـــحــمه السلـــطــانـيه))

[poet font="Simplified Arabic,14,black,bold ,normal" bkcolor="" bkimage="" border="outset,9,deeppink" type=0 line=200% align=center use=sp char="" num="0,black"]

يالله ياهادي المسلم سواء السبيل=يا مقوي بحيلك كل عزم كليل
يالعضيم المعضم يالحكيم الجليل= اشهد الا اله الا انت ولا سواك
ياعليم السراير ياولي العباد=يا معيد الخلايق في نهار المعاد
لانفخ صاحب الصيحه ونادى المناد= لاجدى الا جداك ولا ذرى الا ذراك
يامكافئ هل الطاعة بحسن الثواب= ويا معاقب هل السيه بسوء العذاب
اكتب النا قبل وقت المنايا متاب=وانجنا من مواقيف الدرك والهلاك
يالله يارب تجعل مستقر النزول= في وسط جنة الفردوس جنب الرسول
مع هل الصدق واهل الحق واهل القبول= انت ياباسط ارضك يا معلي سماك
مالنا ياكريم الا الدعا والرجا=ورفع اكف الضراعه في ظلام الدجا
من طردته يضيع ومن قبلته نجا= وكلنا يا وسيع المغفره في رجاك
بعدها يالله انك اتحل عقد اللسان= ينطلق وايتخير من صنوف البيان
من جزال البيوت ومن سمان المعان= واستمع من رجال العرف لا فض فاك
يا خيالي وانا اعرفك فهيم لبيب = لاهداك الله اتجيب الكلام المصيب
غير ذاليوم قدامك طريق صعيب=مااعتقد لو بذلت الجهد تلحق مداك
خل عد المثايل مثل عد القروش=من سمعها وله قلب فطين يشوش
واجر في البحث عن الامثال جري الوحوش= لجل ما يلحق احقوق الكرام انتهاك
لا بغيت امتدح بالشعر رجل عزيز= مااقدر اوفيه حقه بالكلام الوجيز
كيف لا صار سلطان ابن عبدالعزيز= اهل الطاله اهنيا وهوه هناك
مرحبا الف يانسل المليك الامام= عد وبل تنثر من عتيم الغمام
وعد من زار بيت الله وصلى وصام=جعل ربي يابو خالد يثمن خطاك
التباشير عمت في نحايا الجنوب= مع زيارة زعيم غالي ومحبوب
الله اللي جعل لك منزل في القلوب = الله مااعز منزالك واكبر غلاك
مع مجيك عسى عمرك طويل مديد= صار معا عياد الناس عيد جديد
عيد الاضحى وعيد الفطر واليوم عيد= شعبك اللي وفا لك من زيادة وفاك
ياعقيد السرايا ياوزير الدفاع=ياوسيع النهايا ياطويل الذراع
شبر طيبك يساوي له ثمانين باع= في مجال المراجل عالي مستواك
الله اكبر تقول ان جود سلطان نوّ= يزهمه وايتحرى جيته كل جوّ
ولاهمل تنبت الازهار في كل دوّ= وتسمع العلم مع هذا وهذا وذاك
الله اكبر تقول ان كف سلطان يمّ=ماتقيس عطاياها بكيف وكمّ
جالبة كل خير وطارة كل غمّ= في يدين الرعايا دايما هاك هاك
الله اكبر تقول ان قلب سلطان دار= يتسع للصغار ويتسع للكبار
عــــامربالمحبه والــوفاوالوقار= عان سلطان ياشاكي زمانك وراك
انت حر تسلسل من سلاطين نجد=وانت وجد والذي مامعه في الوقت وجد
وانت نور يشعشع وانت عز ومجد= في جمام المراجل مستطيل رشاك
ياعزيز تعز ابك الرجال العزاز= ياقوي العزوم وياثقيل المراز
في المواقيف لك مرسى جبال الحجاز= جل رب بسربال الجمايل كساك
يانداوي تعلى في الطويل المنيف=للمعادين نار وللموالين ريف
في السماحه سميح وفي الصلابه عنيف=نادر يجتنب غيضك ويطلب رضاك
الله الواحد المعبود جل وعلا= حط لك في قلوب الشعب حب وغلا
وطاعه وهيبه ورحمه وصدق وولا=الله اللي قسم لك والله اللي عطاك
ياولد من على حكم الشريعه ملك=بعد ماكانت الدنيا ظلام حلك
عزه الله ومن عاداه ضاع وهلك=ياموحد بلدنا عطر الله ثراك
ماتعقب اسود الغابه الا اسد= الله يعمي عيون اهل الحقد والحسد
انتوا الروح ياسلطان واحنا الجسد= حن سيوفك وحن درعك وحنا فداك
لااصبح الذيب في اليوم العبوس يعوي= وجا لصوت المدافع والقنابل دوي
جعل ابو من توخر في لهيب الضوي= يا وطنا وحن سور يحصن حماك
قل لبو فيصل انا له عضود جنود=دون حد الوطن لااحتك عود بعود
تحت راياتكم ننقاد يال السعود= لاحصل عند جيلان الحدود اعتراك
وابغي اقول بعد اذنك كلام يسير = في مواقف وفي حضرة سمو الامير
خالد الفيصل امطور امارة عسير= وطيب خالد يابو خالد ترى ماخفاك
جعل عمرك على عز وسعادة يطول=ياعميد البلاغه يالحصان الصهول
ماخذ في فجوج الطيب عرض وطول= دايما في نحايا المجد يسمع نداك
يابو بندر لك البيضابروس الجبال= يامحقق بعد عون العضيم المحال
شف عسير اول بحال وصارت بحال= تثلج اصدور صدقانك وتزعل عداك
بعدها ارجع لسلطان الكرم والسخا= خير من يرفع احجاجه ومن ينتخى
واعتذر كان حبلي في القصيد ارتخى=اجزل الشعر ما يقدر يقوم بجزاك
والرجا والسموحه كان فيها قصور= يقصر الهيض ما يوفي طوال الشبور
حقهم وافي غير القدر في الصدور= ولاعصم عن وقوع في الخطا الا ملاك
والله اكبر وصلى الله على افضل شفيع=عد وبل المزون وعد نبت الربيع
يالحكيم الخبير والبصير السميع=اشهد الا اله الا انت ولا سواك




[/poet]

قصيده لم يحالفني الحض بالقاءها امام سمو سيدي الامير سلطان بن عبد العزيز اثناء زيارته واعرضها في المنتدى عسى ان تصله وتتشرف كلماتي باتعبير عما نكنه لسموه من حب وتقدير

هلا وغلا بخوي عبدالله الشهراني




قصيدتك رائعه وفي غاية الجمال





لله درك



ابيات جزله من جزل











سنجار ( محمد بن عبدالله )

الاخ الشاعر عبدالله الشهراني

الله...الله...الله..


بيض الله وجهك على القصيده الشامخه....


عزالله انها قصيده...


صح لسانك ولاهنت ...


تقبل اعجابي


اخوك بوعرب

الاخ العزيز عبدالله الشهراني

صـــــــــح لســــــــــــانك وبيض الله وجهك .. ماقصرت .. ومدح في محله

وسمو النائب الثاني يستاهل .. سلطان الخيــــــر ..


ياعقيد السرايا ياوزير الدفاع @@@@ ياوسيع النهايا ياطويل الذراع
شبر طيبك يساوي له ثمانين باع @@@@ في مجال المراجل عالي مستواك

اخوك
ابوسيف

ياسلام ياسلام ياسلام


قصيده محبوكه بالذهب من اولها لتاليها

وعزالله انّك ابدعت ياعبدالله وذي من عوايدك

يستاهل طويل العمر وانت تفعل


صح السانك ولاهنت


تقبل تحياتي

ابو هادي صح السانك هذه تعتبر من روائع الشعر وقد ابدعت فيها وهي في من يستاهلها


صح السانك


وتقبل تحياتي











المسعودي

اخوي القدير والشاعر الفذ/ عبد الله الشهراني

ماشاء الله تبارك الله................ملحمه وطنيه سلطانيه............حملت الابداع والجزاله والشعر والمشاعر الصادقه.

لا فض فوك...........ايها المعلم.

جمال وكمال وروعة هذه القصيده لاتكتمل الا بالقاءها امام حضرة سيدى صاحب السمو الملكي/ سلطان بن عبد العزيز.

ابو هادي امل الاتصال بي ليتم التنسيق لذلك ونتشرف سويا بفرصة لقاء الامير / سلطان فى قصره العامر بجده.

تقديري لك.

الاخ سنجار

انا اعتبرك صاحب الفضل في مرورك على قصيدتي وتكتابة تعليقك الغالي

الف الف شكر

الاخ الشاعر القدير عبدالله الشهراني


مساء الخير


صح السانك ولاهنت


قصيده رائعه ولا املك امام هذي الرائعه سوى التصفيق



لك تحياتي

ابو عرب

لاهنت والله على هذا الشعور الطيب ورضاك وشرواك عن ما نقوله يكفينا عن باقي المكافات

عبد الله الشهراني



قمه والله ياعبد الله




فعلا ملحمه كما اسميتها بيض الله وجهك

اخوي عبدالله اعلم اني مقصر بحقك ...
لكن العذر من الله ثم منك ..




اخوي صح صح صح صح ... الساااااااااااااااااانك ولاهنت ..
روعه .. ملحمه من الابداع لا خلا ولا عدم ..
أخوك الدائم


ارجو العذر على القصووووووووووور

شقران لاهنت وصح بدنك

حب ولاة امرنا شي فطري وليس فيه تصنع اسال الله ان يديم حكمهم على طاعته وتقواه وتحكيم كتابه وسنة رسوله

ولاهنت

الشاعر القدير فالح بن قشعم

هلا بك وبالكويت واهلها ولا عدمتك على هذا الكلام الحلو اللي يبهج النفس