السلام عليكم
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بديت بآسم مكون الأنس والجان = بأسمه يعاهد كل جنٍ مرودي
وردٍ على ماقاله فلان وفلان = ضعوف النفوس اللي تغث الكبودي
تاريخ متجرد وتأليف عميان = كنه على ظلم العباد محدودي
أخص من سطر بالاحقاد ديوان = حقود والمصدر كتابة حقودي
اليا أنعدم مبدى العقيده بالانسان = يقدر يسوي مايسوي اليهودي
ولأهل الوفا والصدق شكراٍ وعرفان = وتحيةٍ عطره وباقة ورودي
نعم رشيدي من بني عبس غطفان = من قيس ابن عيلان شجرة جدودي
تحت مسمى عبس واشجع وذبيان = تلقى عنا ويني ومجدي وجودي
هرجٍ على صدق وحقايق وبرهان = حقايقٍ تدمغ دماغ الجحودي
حقايقٍ تروي معاني خبر كان = بخطوط كوفيه بصم الحيودي
حصل المنافس والسبب سبة حصان = سبة فرس وحصان راحت فهودي
وجانا بغا التركي ودارن الاكوان = دون الكرامه والوطن والعدودي
ومر الجفاف وراحوا البدو فرقان = كل ٍ طوى بيته بظهر القعودي
وزاحوا لنا من غبر الايام فرسان = احدٍ حدر وأحدٍ توجه سنودي
شالوا على فلك البحر لأم درمان = يبون وديانٍ سقتها الرعودي
ثم استقروا بين كسلا وحلفان = يتلون شف مطيرات البدودي
ونزلٍ نزح للسيف راضي وقنعان = من البحر للدبدبه للنفودي
قوم ٍ لهم في ساحة المجد ميدان = يوم ان كلٍ دون حده يذودي
صالوا وجالوا واستقروا بهدلان = دار الصباح اللي تلم الوفودي
ونزلٍ تورث منزلة عبس بأبان = ونزلٍ بوادي السر سوى السدودي
وفي كل دار ألنا موارد وعربان = وتاريخنا بارض العرب له وجودي
وحنا بقينا بالمنازل والاوطان = بأقسى الظروف مواصلين الصمودي
ترمز لنا الكفه هويه وعنوان = الناس تعرف والعواني ترودي
يوم الجزيره بين تسعين شيطان = نطعن ونطعن دون هاك الحدودي
من المدينه حدنا ضلع حبران = مايمرها الا من خضع للقيودي
ومن حرة الكوره لشرقي مرغان = بعد امرنا يردون ماها الورودي
ومن ذاق ضرب سهونا راح ندمان = يموت مافكر بلم الجرودي
اسلاحنا قو العزيمه والايمان = والا عددنا بالحساب معدودي
ودخيلنا ممن عن الضيم ما يهان = وسلامته نبذل وراها الجهودي
وخوينا مايكظم الغيض زعلان = وقصيرنا نعطيه حقه وزودي
حنا هل المعروف ورجال الاحسان = قومٍ نجود اليا أنعدم كل جودي
وأمجادنا غصبٍ على كل مرضان = شعاع ذري في عيون الحسودي
ويوم ارسل الله مسلما لم الاخوان = سرنا ورى صقر الجزيره جنودي
من ضمن جيش الفيصلي نسل عدنان = والله يشهد والخلايق شهودي
وننعم بحكم محاسبة كل غلطان = ولا عاش من يجرح كرامة سعودي
((((( تمت وسلامتكم )))))
((((( للشاعر / عيد بن عوض بن مربح الرشيدي [/poem]
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بديت بآسم مكون الأنس والجان = بأسمه يعاهد كل جنٍ مرودي
وردٍ على ماقاله فلان وفلان = ضعوف النفوس اللي تغث الكبودي
تاريخ متجرد وتأليف عميان = كنه على ظلم العباد محدودي
أخص من سطر بالاحقاد ديوان = حقود والمصدر كتابة حقودي
اليا أنعدم مبدى العقيده بالانسان = يقدر يسوي مايسوي اليهودي
ولأهل الوفا والصدق شكراٍ وعرفان = وتحيةٍ عطره وباقة ورودي
نعم رشيدي من بني عبس غطفان = من قيس ابن عيلان شجرة جدودي
تحت مسمى عبس واشجع وذبيان = تلقى عنا ويني ومجدي وجودي
هرجٍ على صدق وحقايق وبرهان = حقايقٍ تدمغ دماغ الجحودي
حقايقٍ تروي معاني خبر كان = بخطوط كوفيه بصم الحيودي
حصل المنافس والسبب سبة حصان = سبة فرس وحصان راحت فهودي
وجانا بغا التركي ودارن الاكوان = دون الكرامه والوطن والعدودي
ومر الجفاف وراحوا البدو فرقان = كل ٍ طوى بيته بظهر القعودي
وزاحوا لنا من غبر الايام فرسان = احدٍ حدر وأحدٍ توجه سنودي
شالوا على فلك البحر لأم درمان = يبون وديانٍ سقتها الرعودي
ثم استقروا بين كسلا وحلفان = يتلون شف مطيرات البدودي
ونزلٍ نزح للسيف راضي وقنعان = من البحر للدبدبه للنفودي
قوم ٍ لهم في ساحة المجد ميدان = يوم ان كلٍ دون حده يذودي
صالوا وجالوا واستقروا بهدلان = دار الصباح اللي تلم الوفودي
ونزلٍ تورث منزلة عبس بأبان = ونزلٍ بوادي السر سوى السدودي
وفي كل دار ألنا موارد وعربان = وتاريخنا بارض العرب له وجودي
وحنا بقينا بالمنازل والاوطان = بأقسى الظروف مواصلين الصمودي
ترمز لنا الكفه هويه وعنوان = الناس تعرف والعواني ترودي
يوم الجزيره بين تسعين شيطان = نطعن ونطعن دون هاك الحدودي
من المدينه حدنا ضلع حبران = مايمرها الا من خضع للقيودي
ومن حرة الكوره لشرقي مرغان = بعد امرنا يردون ماها الورودي
ومن ذاق ضرب سهونا راح ندمان = يموت مافكر بلم الجرودي
اسلاحنا قو العزيمه والايمان = والا عددنا بالحساب معدودي
ودخيلنا ممن عن الضيم ما يهان = وسلامته نبذل وراها الجهودي
وخوينا مايكظم الغيض زعلان = وقصيرنا نعطيه حقه وزودي
حنا هل المعروف ورجال الاحسان = قومٍ نجود اليا أنعدم كل جودي
وأمجادنا غصبٍ على كل مرضان = شعاع ذري في عيون الحسودي
ويوم ارسل الله مسلما لم الاخوان = سرنا ورى صقر الجزيره جنودي
من ضمن جيش الفيصلي نسل عدنان = والله يشهد والخلايق شهودي
وننعم بحكم محاسبة كل غلطان = ولا عاش من يجرح كرامة سعودي
((((( تمت وسلامتكم )))))
((((( للشاعر / عيد بن عوض بن مربح الرشيدي [/poem]
[/align]
تعليق