حـــــــــادي البــــــــــال

قبل كل شئ لكم سلامي ولهفتي على مصافحتكم

ولكن للظروف احكام

عذرا على الغياب

واهلا وسهلا بأعضاء النداوي الجدد

واليكم هذا الحداء




يا حـادي البـال ليـل الســالفه طـال
ـــــــــــــــــــــــــــــ والصبـح بانـت تباشيـر لوصــوله

والنـور قلب الرفيـق ولون الآمـال
ـــــــــــــــــــــــــــــ والليل قلب الحسـود وفعل زوله

والناس بقلـوبها ما هـي بالأزوال
ــــــــــــــــــــــــــــــــــ وبأفعالها وإرم نصف اللي تقوله

وان عادل الفعل الابيض بيض الاقوال
ــــــــــــــــــــــــــــــــ صافح بقلبك يميـن اللي يطـولـه

للطيب فيّـه .. وفالفيّـات مقيـال
ـــــــــــــــــــــــــــــــــــ وألاّ الردى واهج الرمضاء فصوله

ما فالغصـون العرايا يذكـر ظـلال
ــــــــــــــــــــــــــــــــــ والغصن الاخضر يصير الظل حوله

وان حدّك الضيم الأقصى وأشهب اللال
ــــــــــــــــــــــــــــــــــــ عليك بالدوله اللي وسط دولـه

النـاس فيهم حـزوم وفيهم جبـال
ـــــــــــــــــــــــــــــــــــــ وفيهم ولا شي والدنيـا مهـوله

واصابع إيديك بين قصـار وطـوال
ــــــــــــــــــــــــــــــــــــ والفـرق للي عريض وغير طوله

وايامك السـود تفـرز كل رجّـال
ـــــــــــــــــــــــــــــــــــــ وهنـاك تعريف مفهـوم الرجوله

من عاش شاف العجايب كوم واشكال
ــــــــــــــــــــــــــــــــــــــ لا في يـدينه ولا في حـول حـوله

رسم الدوايـر خيـال وكل خيّـال
ـــــــــــــــــــــــــــــــــــ يشـره على مهرته يسـرج فضوله

والظـن ما يستوي مع واقع الحـال
ـــــــــــــــــــــــــــــــــــ والعـوج فالشكـل ماهيب إمعدوله

والراحـله نفس والانسـان جمّـال
ـــــــــــــــــــــــــــــــــــــ والرابـح اللي قـدر يعسف ذلـوله

والارض مدهـال شر وخير مدهـال
ـــــــــــــــــــــــــــــــــــ دربين لأقـدام الانسـان وميـولـه

والعقل مركـب نجـاه لبحر الاهوال
ــــــــــــــــــــــــــــــــــــ يوم الجهـل مركـب التيـه ورسوله

والصبـر ما يسكن ألاّ في سعة بـال
ـــــــــــــــــــــــــــــــــــــــ ومفتاح للبـاب وإمحكّـم إقفـوله

يا كثـر ما نال راع الصبـر ما نال
ـــــــــــــــــــــــــــــــــــــ ويا كثـر ما شال متفرعـن حمـوله

ويا كثـر ما شفْ للنشوات فنجال
ـــــــــــــــــــــــــــــــــــــــــــ بعد الكلافـه مـا جاتـه بالسهـوله

والضيق في صـدر ماهو حل في حال
ـــــــــــــــــــــــــــــــــــــــــ والهــم والغــم للنفــس الملــولــه

والصيـت والذكر راس المال والمال
ــــــــــــــــــــــــــــــــــــــــــ ياللـه ياللـه فـي ماسـه ولـولـه

لا صـار عند اسمك الأنعام تختـال
ـــــــــــــــــــــــــــــــــــــــ تستاهـل الفخـر هامـاتٍ تنـولـه

الذكـر يبقى وراع الذكـر رحّـال
ــــــــــــــــــــــــــــــــــــــــ والعمـر قوسين يا ناس افطنـوا لـه

بين الهلاليـن الاول وآخـر هـلال
ــــــــــــــــــــــــــــــــــــــــــ تشبيـه بيـن الطفـوله والكهـوله

وما بينهـن لإكتمـال البـدر منزال
ــــــــــــــــــــــــــــــــــــــــــــ وآخـر طلوعـه تـراه اول نزولـه

ومن لا اغتنم في شبابه طيب الاعمـال
ـــــــــــــــــــــــــــــــــــــــــــــــ ما عاد يمديـه لا مالـت اعـدوله

والشعـر مـوزون مكيـالٍ بمكيـال
ــــــــــــــــــــــــــــــــــــــــــــ يقـوله اللي قبـل قولـي يقـوله

ماهـو بقـولة فلان ! فلان وش قـال
ــــــــــــــــــــــــــــــــــــــــــــ وأخبل من فلان ناسٍ صفقـوا لـه

يا راحة الكـف لا راحـه ولا فـال
ــــــــــــــــــــــــــــــــــــــــــــ تشابـه اصـوات في غـاده وخـوله

عمّـال بطّـال في بطّـال عمّـال
ـــــــــــــــــــــــــــــــــــــــــــ تجمعـوا ليـه يـمكـن للعمـولـه

والريح يا كاتـب المكتـوب برمـال
ـــــــــــــــــــــــــــــــــــــــــــ لا هـب ترحـل كتاباتك خجـولـه

وألاّ انت يا ناحـت الامثـال تمثـال
ـــــــــــــــــــــــــــــــــــــــــ يبقـى حجـارك ولا تقـدر تزولـه

صحيـح من لا حدا فالشامخ العـال
ـــــــــــــــــــــــــــــــــــــــــــ مالـه ومال الرجـوم ان طـق جـوله





تقبلوا اصدق تحياتي

مرزوق العتيبي


الحمد لله على السلامه



وصحيح من طول الغيبات جاب الغنايم


صح السانك ولاهنت


قصيده رائعه من شاعر اروع


لك تحياتي

اخوي العزيز مرزوق العتيبي ..



وألاّ انت يا ناحـت الامثـال تمثـال
@@@@@@@@@@@ـ يبقـى حجـارك ولا تقـدر تزولـه


صح لســـــــانك .. نهجك متميز .. ولك بصمتك الواضحه في القصيده . سعيد بتشرفى بالقراءه والرد على الجزله

كل التحايـــــــا لك

اخوك

ابوسيف

اخوي الغالي / مرزوق العتيبي


حياك الله بعد هذا الغياب



ونتمنا ان تكون الأمور التي اعاقتك عن المشاركه قد انتهت



صح السانك يالقرم ..... وبيض الله وجهك



ابيات جزله يالجزل









تحياتي لك








سنجار ( محمد بن عبدالله )

"
"
"
هلابك اخوي مرزووووق

"
"
قصيدتك اكثر من رائعه ومصافحه جدا جميله

"
"
تقبل تحياتي لك




اختك


أمســــــــيه

ومن لا اغتنم في شبابه طيب الاعمـال
ـــــــــــــــــــــــــــــــــــــــــــــــ ما عاد يمديـه لا مالـت اعـدوله

والشعـر مـوزون مكيـالٍ بمكيـال
ــــــــــــــــــــــــــــــــــــــــــــ يقـوله اللي قبـل قولـي يقـوله

ماهـو بقـولة فلان ! فلان وش قـال
ــــــــــــــــــــــــــــــــــــــــــــ وأخبل من فلان ناسٍ صفقـوا لـه

يا راحة الكـف لا راحـه ولا فـال
ــــــــــــــــــــــــــــــــــــــــــــ تشابـه اصـوات في غـاده وخـوله


رائع كالعاده

الشطر الاول راسي
الشطر الثاني مائج

ماهـو بقـولة فلان ! فلان وش قـال
وأخبل من فلان ناسٍ صفقـوا لـه

هذا البيت فيه حساسيه
خايف احد يفهمه غلط

\\\\\
والشعـر مـوزون مكيـالٍ بمكيـال
يقـوله اللي قبـل قولـي يقـوله

هذا ابن عمك بديوي الوقداني
حفظت حقوق الطبع يا مرزوق


قصيدة اكثر من رائعة
صح لسانك وسلمت يداك

لاهنت

اخوك
داهم العصيمي

مرزوق




والله مالك حق تحرمنا من هالروائع







صح لسانك والله




والحمد لله على السلامه

السلام عليكم



مساك الله بالخير يامرزوق


ويامرحبا ومسهلا


من طول الغيبات جاب الغنايم



صح الله السانك



ولاهنت


_______________

يامرحبا باشعر
يا مساء الخير والعذوبة

بصدق تاتي مختلفا عن الكل

معك روح الشعر اعذب

لذا انت اميز

يسعد الشعر بوجود الاعذب الاروع
.
مرزوق العتيبي

ودي وتقديري لقلبك

الشاعر العذب والوافي وصاحب النفس الطويل / مرزوق العتيبي مرحبا بك وعذرك مقبول مدام اثلجت صدورنا بهذه الرائعه الف شكر وصح السانك وتقبل تحياتي







وعلى قول المثل من طول الغيبات جاب الغنائم














المسعودي

الاخ مرزوق العتيبي


اسعد الله مساؤك بكل خير


نعم لحضور الابداع وقوة المعنى نعم للشاعريه الصادقه بدون تكلف


قصيده قد سمعتها قبل مشاهدتها في المنتدى



واشدت بها مرارا عديده لانها فعلا ((قصيده ))


والان اعيد الاشاده في المنتدى واقول شاعر مبدع يا مرزوق

واعرف انك في غنى عن الاشاده

وقصيده اكثر من رائعه يتحفنا بها مرزوق العتيبي

ولاهنت يا القرم

الشاعر مرزوق العتيبي

صح لسانك عدد بيوت قصيدتك في مليون

و الله لا يهينك يا راعي الجزلات

اخوك فيصل

[الوحيد]

اخــوي مرزوق


رائـــع كعادتـــك .... مبـدع بكـل حالاتـــك

فعـلاً كـم نحـن متشوقيــن لهكـذا شعـــر


ألـف ألـف شكـر على اتحافنـــااا



صـح اللّه لسانــك ولاهنــــت



تقبل تحيات اخـوك الوحيـــد

الاخ الشاعر مرزوق العتيبي

قصيدة جزله من شاعر جزل

وصح السانك ولاهنت

الاخ / مرزوق العتيبي


اسعد الله مساك


صح السانك يالعتيبي علي ذا القصيده ولا هي غريبه منك يا مرزوق صح السانك الف


لا صـار عند اسمك الأنعام تختـال
ـــــــــــــــــــــــــــــــــــــــ تستاهـل الفخـر هامـاتٍ تنـولـه


البيت هذا عن ميه قصيده لاهنت وبيض الله وجهك


تقبل تحياتي



اخوك علي الهاجري