مل قلب صايعه ...

[poet font="Times New Roman,14,black,normal,normal" bkcolor="burlywood" bkimage="" border="none,2,gray" type=0 line=200% align=center use=sp char="" num="0,black"]
مل قلب صايعه دور الليالي والسنيين**ماتريث لو بعض ساعه بحاله تستدير
يوم ادير الفكر بالدنيا تحدر دمعتين**والرجى بالله كفيل الخلق معين قدير
والله انا من حلاها من كدرها شاربين**ونتسلح بالصبر واسلاحنا صبر البعير
ايه ..سلمى ذيك عادتها تشيّن كل زين**والفراق اقبل عقب جمعاي بالوجه السفير
واوقفتني حكمة العقال والعقل الرزين**يوم قالت صاحب ماينصحك مافيه خير
دق ناقوس الخطر يشر على القيفان وين **وينها عن صاحب وجهته يمة عسير
قلت يادنيا الفنا ماني على الدنيا حزين**مكسبي هي طاعة الله ثم طيب مستنير
وصاحبي ماني ردي فيه ولاارضاله مهين**صاحبي محشوم عندي حشمته مثل القصير
والنصيحه ماتخص موجهه للسامعين**لوبها خصيت شخص غالي وقدره كبير
والنصيحه مكسب اللي قلبه وعقله فطين**فاهم الدنيا وسيع العرف فالعالم بصير
الصلاه اول كلامي هي ترى عمود دين**من تركها كافر ماله ولاحبة شعير
لاتهاون في صلاتك صلها في كل حين ** لاتعمد تركها وتروح في نار السعير
بشر اللي فالمساجد راكعين وساجدين**بالجنان وحورها وشوفة الله القدير
وشف لدنياهم تراهم بالسعادة عايشين**يحمدون الله ولو هم فوق فرش من الحصير
وغيرهم يالله عفوك بالحزن هم غارقين**ضايق صدره على طول الوقت حاله خطير
لو ضحك مسكين حاله داخله دايم حزين**وهمه وغمه بليله كل مامرح له سمير
وان نشدته قال انا في كل ليله لي ونين**وكم مره سوت الدمعات في خدي مسير
مادرى المسكين ان اللي بصلاته مستهين**وسط دنياه يتغربل والنهايه زمهرير
بعدها راقب لربك لاتسج لو طرف عين**من نسى ربه نساه الله فاليوم الكبير
ربك اللي مطلع في كل ما للعالمين**ماخفاه من الحوادث لاصغير ولاكبير
عالم النيات في قلوب عليها ساكتين**مطلع سبحانه الله الأحد عالم خبير
والملوك اللي تسجل عن يسار وعن يمين**ارجع لنفسك وقلي من كتب فيهم كثير
واعتصم بالله وحبله وخلك من الغانمين**اغنم الدارين تكفى لاتكون انت الخسير
واستعن بالله ماخاب الذي به يستعين**واسئله من فضله وجوده ومن خير وفير
وذكره يرطب لسانك وان قسى قلبك يلين**وتخشع نفوس بذكره ويامن اللي مستجير
وعذ بربك من بليس ووسوساته هاللعين**كل ماعوذت يرجع عاقب خاسي كسير
وعقب ذا إذهن وانا خابرك رجال ذهين**صالح الرفقات رافق والحذار من الدشير
المصلي النصيح الوفي طلق اليمين**السعد هي رفقته والمواري له بشير
وهيبة الرجال في صمته وبالعلم الثمين**ومشترى الرجال بأخلاقه وطيب له خشير
والمراجل والمعالي ماهي والله بالهوين**تطلب الرجال واجد ماتبى الشي اليسير
قلتها ياخوك والله والوفا فيها يبين**صادق مافيه زيف ومنبعه صافي ضمير
تمت وصلوا على اللي مرسل في خير دين**عد مارفت جناحين الطيور اللي تطير

[/poet]

اللهم اصلي وسلم على سيدنا محمد

اخووي مشعل ماشالله عليك

قصيده جزله

ونفس شاعر طويل

تمكن شاعر من ادوات الشعر

اخووي صح لسانك مليووون ولا يكفوووون

لك تحياتي وتقديري يسبقها الاعجاب

سيف السيف

اخي مشعل

صح السانك ولاهنت


قصيده رائعه وجميله



لك تحياتي

الشاعر مشعل..............

صح السانك .. مليون ولاتهون


قصيده ماتحتاج منا الا التصفيق الحار لشاعرها المبدع مشعل

سجل اعجابي وتقبل تحياتي

الأخ الغالي / مشعل



صح السانك ..... وبيض الله وجهك يالقرم




ابيات جزله يالجزل وكلمات اكثر من رائعه













تقبل تحيات










سنجار ( محمد بن عبدالله )

اللهم صلي وسلم وبارك على سيدنا محمد واله وصحبه اجمعين ومن تبعهم باحسان الى يوم الدين ..

صح لسانك اخوي مشعل .. وجعلها في موازين اعمالك .. قصيده نحتاجها وتذكير طيب .. من وجه طيب


تحياتي لك

اخوك

شقران

الأخوة الأعزاء اشكركم على هذا الإطراء
شكرا عكاشه


شكرا حسن


شكرا مجعد


شكرا سنجار


شكرا شقران


والف شكر للجميع

اخوكم القديم الجديد مشعل

الاخ مشعل

صح لسانك يالقرم......



قصيده طيبه من شاعر طيب..



لاهنت ياخوي ..



تقبل تحياتي وتقديري


اخوك بوعرب

السلام عليكم
اتشرف بأن يكون توقيعك اخي سعود في هذه المشاركه المتواضعه