مرثيتي في والدتي رحمها الله

هذه مرثيتي في والدتي رحمة الله عليها الانسانه التي تربية في كنفها منذ توفى والدي وعمري لم يتجاوز الثلاث سنوات فكانت الام والاب والاخ والصديق ..
الا ليت شعري يعيد ما اتمنى والله لن اسكت ليل نهار ولكن قدر الله وما شاء فعل .
اللهم لا اعتراض على قدر الله ..

انا لله وانا اليه راجعون ..[poet font="Simplified Arabic,14,black,bold ,normal" bkcolor="" bkimage="http://nadawi.net/vb/images2/47.gif" border="groove,9,black" type=2 line=200% align=center use=ex char="" num="1,black"]
لااله الا الله(ن)واحد(ن)بيده عصبها=
كل علم الكون بيده في سجلاته كتبها

عالم(ن)بخاينة لاعين وما تخفي الصدور=
الاوامر بين كاف ونون تصدع لا ومرها

احمد الله دايماُ واسترجعه واثني عليه=
يالله انك تدمح الزله وتستر عاقبتها

كانت امي في حياتي اجمل ايام السعاده=
جنة الفردوس تحت اقدامها واسفل كعبها

كانت امي في حياتي تلعب ادوار(ن)كثيره=
دور الام ودور الاب بكل دقه متقنتها

ويوم قوي العود كانت لي هي الاخ الوفي=
والصديق اللي بوقت الضيق وقفاته حفظها

اتذكر يوم اردد للاهل ما شفتو امي=
ودي اطلع قبل لا اطلع ودي اقبل قدمها

يوم اجيها تبتسم والابتسامه طبع فيها=
تبتسم في كل وقت ودايماً تخفي زعلها

ماتبي تجرح مشاعرنا ولا تطفي فرحنا=
شايله كل الهموم ولاجلنا نسيت تعبها

زهدة في كل شي وباعت الدنيا رخيصه=
نفسها في تربيتنا بكل همه جنّدتها

امي اللي في صباها ضمت ضعوف ويتاما=
وكفلة مقطوع ماله عايل(ن) يومه قصدها

لا سمعت الطفل يدعي يقول يمه فز قلبي=
قمت اردد مثل قوله وانشد امي من وجدها

كني المجنون شايلها واهدّي في خواتي=
ادعو الله بالثبات ادعوه يحسن خاتمتها

اشهد ان الموت حق وسكته كل(ن) وطاها=
مامعي حيله وانا اشوفه وهو توي خطفها

حيلتي في دمعتينن جت على خدي تبارا=
واتنهت واصفق الكفين وانظر في جسدها

ازهم الدكتور اقول بليز تل مي وت هبن=
قال ويت اوت بعينه دمعة الرحمه حبسها

اظلمت في عيني الدنيا تقول اعمى بصيره=
عندها تسمّرت رجلي ولا ابغى اروح عنها

قمت اقبلها من الجبهه الين اخمص قدمها=
والدموع تهل كنها مزنة هلت مطرها

وقف لساني وهو عاجز يقول امي توفت=
كلمةٍ شبت بجوفي نار ماتحمل لهبها

كيف احس بطعم هالدنيا بعدها كيف مدري=
الحزن جا والسعاده دبرت تسحب رسنها

يوم جيت البيت مدري كيف باوصّف شعوري=
كني بكابوس مرعب وانتظر وش تاليتها

الحزن خيّم على كل الوجيه اللي لقتني=
الرضيع اللي بمهده دمعته لاجلك نثرها

والكبير اللي بياض الشيب لاح بعارضينه=
الحزن يطويه والعبره قسا يخفي اثرها

جوني الاولاد مفزوعين شفقين وحيارى=
وين جده يايبه تكفا نبيها روح جبها

هز فيني كل شعره قولهم تكفا وتكفا=
اشعلت في داخلي نار(ن) تدمر من قربها

كيف ارد وكيف اجاوب ويش اقول اقول ماتت=
مكبر الكلمه ومثقلها علي كيف احتملها؟

رحت اقبل كل ماطا للقدم قد وقفت به=
ورحت اقبل كل مقبض باب لامسته بيدها

ورحت اناظر كل موقف وقفت فيه ودعتني=
واتخيلها وهي تدعي وانا البي ندبها

واتخيل لا دخلت البيت فزت بي وهلت=
كنها حازت على الدنيا وما فيها خذتها

واتخيل كل شي(ن) كانت تسويه معنا=
نفسها اللي لاجلنا من كل لذه حارمتها

مكبر الفجوه ومكبر حلمنا اللي ضاع منا=
اشهد انها يوم غابت فالبلد كلن فقدها

فاقدك يمه جميع الناس قاصيهم وداني=
كيف ينسى واحد(ن) لحمة كتوفه من وددها

الله اللي حط دفن المسلمين اكبر كرامه=
مابخت القبر العظيم اللي بطياته حضنها

جعل قبرك روضة خضرا على شوفك مداه=
يالله انك تغفر الزله وتحسن منزلتها

اخوكم اليتيم /// ابو مهدي


[/poet]

ابو مهدي يسعد صباحك0


رحم الله ميتكم وابقى حيكم هذي سنة الحياه وانا اخوك0


نسأل الله ان يتغمدها بواسع رحمته انه سميع مجيب0


وصح السانك0

حكيم الجامعه


صح السانك


واسئل الله ان يدخلها وسيع جناته


وان يلهمك الصبر والسلوان


والله يعظم اجرك


لك تحياتي

الله يغمد روحها الجنه


صح السانك يابو مهدي

الغالي ابو مهدي
صح السانك

الله يبيحها ويحللها ويسكنه فسيح جناته

دائما تعزف على مفردات الجمال والوفاء والطيب

لله درك يابو مهدي


لك اطيب تحيه

اخوك ابو فهد

صباح الخير

الاخ ابو مهدي


سلمت يمناك ورحم الله والدتك وغفر لها


لا سـمعت الـطفل يدعي يقول يمه فز iiقلبي
ii
قـمت اردد مثل قوله وانشد امي من iiوجدها


كـني الـمجنون شـايلها واهدّي في iiخواتي
ii
ادعـو الله بـالثبات ادعـوه يحسن خاتمتها





صح لسانك والله






دمت

الاخ : حكيم الجامعه


أعظم الله اجرك

واحسن الله عزاكم



وصح لسانك

يا الله انك تغفر الزله وتحسن منزلتها





الاخ حكيم الجامعه



الله يجبر مصابك وعظم الله اجرك



ومهما قلت لن توفيها حقها ولكن هو القدر والموت حق

اخوك السهلي

الله يرحمها ويغمّد روحها الجنّه




صح السانك ولاهنت



تحياتي

أخي الفاضل أبو مهدي

كلمات معبرة تحوي شحنات من العاطفة الحقيقية التي يكنها الأبن البار المحب

للقلب الحنون الذي تضيق الدنيا كلها ولا يضيق ولن يكون هذا القلب إلاّ قلب الأم

وحسبك بهذه الكلمة ( الأم )التي مهما قيل عنها فإن الكلام لن يفيها حقها .


غفر الله لوالدتك والهمكم جميعا الصبر



أخوك


تركي الغنامي

الاخ: حكيــم الجـــــامعـه :



الله يـــرحمهــــــا ويغمـــــد روحهــــا الجنـــــٌــه



صـــــــــح الله الســانك : ولاهنــــــــــــــت




اخــــــــوك / علي الهاجري

الاخ حكيم الجامعه


عظم الله اجرك يابو مهدي


نسا ل الله العظيم ان يرحمها ويغفر لها ولا موات المسلمين اجمعين


ويرحمنا برحمته الواسعه

هم السابقون ونحن اللاحقون

وانا لله وانا اليه راجعون

حكيم الجامعه......

الله يرحمها انشاء الله برحمته...

ويغمد روحها الجنه..

الله يتغمدها بواسع رحمته .......

وعسى الله يرحم اموات المسلمين ......


لاهنت يابو مهدي ...


اخوك:
عايض راشد

"
"
"
وقـف لـساني وهو عاجز يقول امي iiتوفت
ii
كـلمةٍ شـبت بـجوفي نـار ماتحمل iiلهبها
"
"

وقـف لـساني وهو عاجز يقول امي iiتوفت
ii
كـلمةٍ شـبت بـجوفي نـار ماتحمل iiلهبها
"
"
صح السانك اخوي ..

"
"
الله يسكنها فسيح جناته يارب ..

"
"
تقبل تحياتي لك


اختك


أمســــــــــيه