في مثل........هــــ.... اللــيلــــه......!!!

السلام عليكم..
يقولون الاخوه باني مقل بالمشاركه .فإليكم المشاركه الثانيه ..
*********************************************************

لالاتنامي... عاشقك..مابعد نـــام
............................سهران مع طيفك..واغنـي مواويـــل

دام السهر..بنا تحت رمشي خيــام
..........................والله لاهيــجن...واطرب الجـدي وسهيل

لك عاشقً مع وحشة الليل مقـــدام
............................يسبر عيونك....بالسهـروالتعاليل

يسعد مساك بنور..وعطور..وخــزام
............................ويسعد مسى ذكراك..ياريحة الـهيل

كلمة"احبك"..تعزف بقلبي انــغام
............................الشوق.. ولـع..في خفوقي قـناديل

اليــوم عيدك....يابعد كل الايام
...........................من مثل هالليله..وانا عاشق الليل

طفل المحبه كمل اليــوم له عـام
............................عربــد بصدري...حـدني للـمواصيل

طفلً تعلم كيف.. يعبث بالاقـــلام
............................بالليل يرسم... للقصايد مداهيـل

طفلً يناغي..للمشـاعر..والاحــلام
...........................في قلب شاعر.. ماقوى للشجن.. حيل

لاجيت ابوصف..ماهقى الحرف رسام
...........................يضيع حرفي .....بالرموش المظاليل

وحق الذي نزل..تبارك..والانعام
...........................والتين..والاخلاص..والطور...والفيل

والخير,واحساس الطهاره..والاسلام
..........................مع السما..والارض..والمزن..والسيل

لو هامت دموع الوله عندي هيام
........................ لأقضي حياتي بين.... دمعه...ومنـديل

مدي الخطاوي..باقي العمر قدام
......................... الشوق اشوفه... بالليالي المقابيل


دام القمرغنا..مع اشواقي ونام
......................... في عيد حبك... وش بقى....للمواويل

ودمتم ســـالـمين______________________________________
ليلة 3/4/1418؟؟؟
الفـــــــــارس.

[تم تعديل الموضوع من قبل الفارس بتاريخ 12-18-2000 الساعة 10:40 AM]

وانت سالم وغانم

صح لسانك وسلمت اناملك.

يجعل ربي عيد حبك دوووم مو سنة او يوم

الله واكبر عليك يالفارس

الفارس.. فارس..الكلمة المبدع..ياشيخ وش هالابداع الله عليك
(افديك عيني) يالفارس رائع بكل ماتعنيه كلمة رائع..صح لسانك
الله عليك عيني عليك بارده....تدري وش اقول هذي فوق فوق فوق
هناك احطها فوق الثريا واعلقها قناديل.



اخوك الصغير/عبدالله الهاجري

بسم الله الرحمن الرحيم

فيها حنيه واخلاص هالقصيده .. مؤثر ..
الله يعوده عليك اعوام كثيره .. وبالسعاده انشالله ..

[راعي العوجا]

صح لساااااااااانك

هذا هو الفارس يعدو بنا على ظهر فرسه في الوعوور والهضاب والصحاري يتعبنا ويضمينا.,.,.ولكن يسقينا عذب الكلالالالالالالالالام,
فقصائده تكفي عن الماء,
صح لسانك للمره الثانيه,
وتقبل خالص تحياتي ومحبتي أخوك الشاعر:

طفل المحبه كمل اليــوم له عـام
............................عربــد بصدري...حـدني للـمواصيل
طفلً تعلم كيف.. يعبث بالاقـــلام
............................بالليل يرسم... للقصايد مداهيـل
اخي الفارس

قصيدة تغنى الكلام فجمالها معنى ومبنى جعلها من الروائع
اخوك
الجازم

وين اخذك ....وين اوديك؟؟

اكد لها الحجز على الخطوط الجوية النداوية...فوق في الvip
هناك مكانها...وقدموا لها قهوة وتمر خلاص وسكري القصيم.




عبدالله الهاجري

بكم ..يدوم التواصل....شكرا

الاخ//راعي العوجا...شكراً لواصلك..ودمت سالماً.
الاخوات//الواثقه../هــــيـــفــــاء...
...... الف شكر على هذا التواصل الجميل..والف مليون شكر..على الدعوات الصادقه,,والذوق الراقي..ويسلم لكم غاليكم انشاء الله..

اما الاخوه الاعزاء //الواثق والجازم...
اشكركم على هذا الاطراء ....ولكن مهما قلتم فأنتم الاساتذه ونحن التلاميذ...ومنكم نتعلم كل ماهو جميل....والله يحفظكم..

اخوكم الفارس

صح لساااانك يالفااارس ولا هنت ,,,,

راائعه يا عزيزي ,,,

ما عندي تعليق اكثر واخاف ما اوفيها حقهااا .,,,

تقبل تحيااتي ,,,

اخوك ابو الاصاله

اخوي الفارس

صح لسانك بالغايب الحاضر.... يامرهف الحس شهادتي فيك مجروحه

يالفارس الي تقول وينطبق عليك ماقلت

الفارس اسمي والمعاني تباريه
************************** ولابد ماتنبيك الايام عني

للطيب في دمي حميا المشاريه
************************ وللشعر في راسى ثلاثين جني


ولازلــت في انتظار الثلاثيـــن جني وغيرهم


اخــــــــــوك

شقران

[تم تعديل الموضوع من قبل شقران بتاريخ 03-03-2001 الساعة 01:12 PM]

<
لو هامت دموع الوله عندي هيام
........................ لأقضي حياتي بين.... دمعه...ومنـديل


وش اقول اطربتنا ام ذكرتنا ام هيضتنا ام ابهرتنا

كلها لا تعني الشيء الكثير امام هذه القصيدة

سرد الحكاية .. من الفنون الراقية في الشعر

وتتطلب مناورة لفظية دقيقة

اجدت الابحار بنا فيها فشكرا


ذهب

العزيز الفارس ...

انا من يوم جيتك بمكتبك وانا داري انك سنافي ...

ولاهو بفعل المطاليق بس لا وبالشعر كذلك...
انت فارس الكلمه وانت الشاعر الفذ ..

لك مني كل تقدير واحترام...

اخوك:
امرىء القيس

كعادتك مببببببـــــــــدع دائماً..أشم في قصائدك رائحه لايام خوالي جميله لا زال وقعها في صدري فهل تذكزها انت