Tweet
[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/11.gif" border="none,2,gray" type=2 line=200% align=center use=sp char="1" num="0,black"]
شفتك على صفحة الناظر وطالعت التفاصيل=وامسيت اقبل جبينك وآتمنى من هبالي
يانايف الجال مدري ياصباح يفلج الليل= ياحشمة العصر الأول واستثارات التوالي
ياطعن روس الرماح وفزعة اهل الجيش والخيل=يانهمة البدو في شوف الكريم من الخيالي
ياهيبة الشيخ ابو عمه على روس الرجاجيل=ياكنة السر في صدر الشريف من الرجالي
يالفتت الحر في مرقاب عسرات المنازيل=ياسطوة السيف "ماضي" عند حامين التوالي
يادفوة الجمر بين وجيه مشقين التعاليل =يانكهة البن بين الذوق وعيال الدلالي
آلد للعين وابحر في بحر وآغازل النيل=وامسك حبال الرجا وآطيح فالغبه لحالي
وأقبل الكف وارسم بيني وبينه مواصيل=وآقول ساعتك غربيه وتوقيتي زوالي
وامر طرقي على مبسمك لو ماله دواليل=محجوب واللي يبي مبسمك اظنه مايبالي
حوض الضما منك واردني وصدرت المناهيل=ماغير اسلي بك الحسره واقول انك موالي
وامد لسوارتك قيدي واطفف لجلك الكيل=واقول صافق زماني من يمينك للشمالي
وأسهر معاكيف حجانك على روس المظاليل=يهوي لها النجم وآسمي بها قوس الهلالي
عليك مني نزيف الفكر وشفوفي مغاليل=اجمع لك العذب من قولي ويخجلني مقالي
انت اصفهاني هوى تمشي مابين العدل والميل=وانا عليك اتبع الرمضا واحود من الظلالي
اشره على الوقت هذا واتعض من غزوة الفيل=واشرب عنادك مطر واصبر مثل صبر الجمالي
شفني رهين الكلام العذب وطعون المراسيل=ومذير الريم وفواد الجزع في "" ربع خالي""
ياآية الحسن ياعزوة هل الفعل الحلاحيل=أسري مع زفرتي وامسي ليامن ضاق بالي
يكفيني اللي حصللي في زماني من غرابيل=وانتي صهاة الخطا ومن الردا في كل عالي
شفتك طرف حلم ليل ولذة من غير تاويل=ياحضرة الشيخ ابو الأمه مع اصحاب المعالي
ياسكرة الحلم نصحى في ليالينا المقابيل=اليوم سكره وبكره سامح الله كل غالي
صوره عليها رسوم الموت لقلوب المهابيل=وانا قبل شوفها بلشان من زايد هبالي
[/poet]
مــــشــهـــور
شفتك على صفحة الناظر وطالعت التفاصيل=وامسيت اقبل جبينك وآتمنى من هبالي
يانايف الجال مدري ياصباح يفلج الليل= ياحشمة العصر الأول واستثارات التوالي
ياطعن روس الرماح وفزعة اهل الجيش والخيل=يانهمة البدو في شوف الكريم من الخيالي
ياهيبة الشيخ ابو عمه على روس الرجاجيل=ياكنة السر في صدر الشريف من الرجالي
يالفتت الحر في مرقاب عسرات المنازيل=ياسطوة السيف "ماضي" عند حامين التوالي
يادفوة الجمر بين وجيه مشقين التعاليل =يانكهة البن بين الذوق وعيال الدلالي
آلد للعين وابحر في بحر وآغازل النيل=وامسك حبال الرجا وآطيح فالغبه لحالي
وأقبل الكف وارسم بيني وبينه مواصيل=وآقول ساعتك غربيه وتوقيتي زوالي
وامر طرقي على مبسمك لو ماله دواليل=محجوب واللي يبي مبسمك اظنه مايبالي
حوض الضما منك واردني وصدرت المناهيل=ماغير اسلي بك الحسره واقول انك موالي
وامد لسوارتك قيدي واطفف لجلك الكيل=واقول صافق زماني من يمينك للشمالي
وأسهر معاكيف حجانك على روس المظاليل=يهوي لها النجم وآسمي بها قوس الهلالي
عليك مني نزيف الفكر وشفوفي مغاليل=اجمع لك العذب من قولي ويخجلني مقالي
انت اصفهاني هوى تمشي مابين العدل والميل=وانا عليك اتبع الرمضا واحود من الظلالي
اشره على الوقت هذا واتعض من غزوة الفيل=واشرب عنادك مطر واصبر مثل صبر الجمالي
شفني رهين الكلام العذب وطعون المراسيل=ومذير الريم وفواد الجزع في "" ربع خالي""
ياآية الحسن ياعزوة هل الفعل الحلاحيل=أسري مع زفرتي وامسي ليامن ضاق بالي
يكفيني اللي حصللي في زماني من غرابيل=وانتي صهاة الخطا ومن الردا في كل عالي
شفتك طرف حلم ليل ولذة من غير تاويل=ياحضرة الشيخ ابو الأمه مع اصحاب المعالي
ياسكرة الحلم نصحى في ليالينا المقابيل=اليوم سكره وبكره سامح الله كل غالي
صوره عليها رسوم الموت لقلوب المهابيل=وانا قبل شوفها بلشان من زايد هبالي
[/poet]
مــــشــهـــور
[/align]
تعليق