واللــه اني شـــاربٍ فنجالهـــا

[راعي العوجا]

مساء الخير جميعاً وهذا راعي العوجا بينكم ويتمنى ان يحوز على رضاكم
قصيده قديمه لكن حبينا نضيفها لكم ,,,
_____________________________
قبل ماترقا.... الملامه للحدود
..........كانت الضيقه على مهيالها
وعقب ماهبّت من الشرهات.. نود
............والذهيبه شرّفت بعيالها
يارفيقي ..لو بعض صدّك.. جحود
..........خابرين اقصارها واطوالها
خابرين ان العرب.. فيهم حقود
.............لايغرّك هرجها وازوالها
ولا يلدك عن مراميك... اللدود
...........كانك اللي قادرٍ تشتالها
سايقٍ وجه الرضا.. واللي يكود
..............لا يجي بين الخطا عقّالها
خل عنك ....علوم ترفات الخدود
.............والسوالف دقها وجلالها
واخذ علمٍّ ....ماتلحقه النّقّود
...........يوم شمس الصبح مال ظلالها
ماطلبنا في مواقفنا..... شهود
..........فارقٍ طيب العرب بأفعالها
والليالي بيض ....وإلا شهب سود
................ماتحرينا يهل هلالها
ماعليك زود ولا على الايام زود
.............مير شف قيعانها وجبالها
والمراجل ...ورث جدٍ.. عن جدود
.............والله اني شاربٍ فنجالها
كلمةٍ مرّت وانا راعي سنود
............مانشدتك من اللي قالها
وسلامتكـــــــــــــــــــــــــــــــــم,,,,,
وتقبلوا خالص تحياتي وأشواقي أخوكم الشاعر:

كفو..والله..."يالبناخي"...؟؟؟؟

والمراجل ...ورث جدٍ.. عن جدود
.............والله اني شاربٍ فنجالها

والله اني ادري انك شارب فنجال الطيب والمراجل ...كفو والله ...على هالقصيده ..اييييه ...نبي مثل كذا... تكفي ..علوم الطيب...زينه..يالبناخي ..

ماخاب ظني فيك....نعم مثل ماتوقعت..
صح لسانك ..ولاهنت...
اخوك// الفارس

[راعي العوجا]

صـــح بد نك طال عمرررررك

ماعليك زود .,,وتسلم على كل كلمه نطقت بها شفاتك ,.,وهذا هو الفارس يغيب ......ولكن نرا بصماته تجتااااااز مخيلته.,
وصدق من سمااااك الفارس وتستاهل أكثر من كذاااااا بكثير والله,
و لا تقووول تكفى واخوووك راااااعي العوجااااا راسه يشم الهوا
انت تاااااامر أمرررر.
وتقبل خالص تحياتي وإعجاااااااااابي أخوك الشاعر:

[الكويتيه العنيده]

كفوووووووووووووو والله

مسيت بالخير والرضااا
****************
الغالي / راعي العوجاااااااااا

يمناك يا الخال .... وصح لسانك وهذى القصيده اللى ترد الروح تسلم يا الخال .. ويسلم خاطرك واحساسك .

ماطلبنا في مواقفنا... شهود
.......فارقٍ طيب العرب بأفعالها

انا اشهد ان العرب فيهم كل الطيب

تحياتى والى اللقاء

[ظـــل]

جــــــــــــدا خطير يا عتيبي

سلمت يا راعي العوجا ... وصح لسانك

المزيد المزيد فنحن بانتظار جديدك

لك مني كل التقدير وارفع راية الاعجاب بشعرك الجميل

[راعي العوجا]

عســـــى الله لا يحرمني منكم وااااااالله ومن زياراتكم اللي ترفع الراس

بيض ااااااااااااالله وجيهكم .
الكويتيه العنيده:اشكرك وانا خالك على الترحيب اللي رفع راسي
فووووق .,وسمي هذي يميني قبل يساري .,وياجعل روحك ماتروح.
_______
الظــــــــــل:ياحبني لك والله ماني قايل ياولد العم وبس
بل اكثر من اخو والله والعيـــن ماتعلى على الحاجب طال عمرك
ويشرفني زياااااااااارتك.
_______________
الواثقه:أشكرك من كل قلبي على زهورك الرائعه اللتي فجرت الصفحه
برائحه العطر والورد.,وعلى كلامك اللي ينقط عسل.,.,ولا تحرمينا
من جديدك طال عمرك.
____
ولكم مني خالص تحياتي وحبي الصادق لكم
أخوكم الشاعر: