Tweet
[poet font="Arabic Transparent,14,black,bold ,normal" bkcolor="" bkimage="" border="none,2,gray" type=1 line=200% align=center use=ex char="" num="0,black"]
رحمتك ياقاسم ارزاق العباد=ياعظيم وياكريم ويارحيم
جل شانك جاد خيرك يا جواد=اتوجد وانت في وجدي عليم
مد لي رحمتك والهمني الرشاد=ولاتواخذنا بما فعل الغشيم
قوم نوح وقوم لوط وقوم عاد=وقوم صالح واهل الاخدود العظيم
وآهل الايكه وارم ذات العماد=راحت الاقوام في يمنى القويم
كن ماركضوا على خد الحماد= اهلكوا واضحت معالمهم هشيم
العبر واجد والاجيال امتداد=والثنا لله حنا في نعيم
كل مامهدت عيني للرقاد=قام يردعها عن الغفوه خصيم
اتفكر في البياض وفي السواد=وابرم الافكار وافل البريم
لين اغيّب وابدع افكار جداد=الجديد اللي على الطرق القديم
والقصايد يافتى ماهي مراد=المراد الفكر في عقل الفهيم
بس قامت ترتعد وسط الفواد=الخفوق المستريب المستهيم
المزارع يرعبه شوف الجراد=وراعي البل يطمئن لاشاف غيم
والمود ان هام قلبه بالوداد=لاتلومه لو على الهايل يقيم
والصخي اصخى بما يملك وجاد=والردي بيموت من فعل الكريم
ياولد شفني على درب البعاد=الزمن صدره عليه مستضيم
لاتحسب اني غتير في البلاد=ولاتحسب اني معك دايم حليم
تقضب العده يميني والعتاد=من يخالف شرعنا يصبح غريم
لاني بلا فخر من روس اعتماد=من سلايل لابه تبري السقيم
حن بني هاجر متعبت الشداد=نصرم اللي تو ماجاه الصريم
كان طالت وقدحت راس الزناد=ننجي المظهود ويموت اللئيم
من يقول النار تاليها رماد=والله ان النار تاليها جحيم
استغفر الله نطق حتى الجماد=والقبايل كلن بفعله لزيم
والفعايل زود والايمان زاد=والحقايق تقنع الفكر السليم
والوكاد ان كان تسمع بالوكاد=ادع ربك واستعيذ من الرجيم
والا انا قد طال ليلي بالسهاد=بين ليت وبين سين وبين جيم
ماعطاني الصيف نفحات البراد=وماضواني البدر في الليل العتيم
ساهر وانظم ابيات جداد=الجديد اللي على الطرق القديم
عايض راشد
[/poet]
رحمتك ياقاسم ارزاق العباد=ياعظيم وياكريم ويارحيم
جل شانك جاد خيرك يا جواد=اتوجد وانت في وجدي عليم
مد لي رحمتك والهمني الرشاد=ولاتواخذنا بما فعل الغشيم
قوم نوح وقوم لوط وقوم عاد=وقوم صالح واهل الاخدود العظيم
وآهل الايكه وارم ذات العماد=راحت الاقوام في يمنى القويم
كن ماركضوا على خد الحماد= اهلكوا واضحت معالمهم هشيم
العبر واجد والاجيال امتداد=والثنا لله حنا في نعيم
كل مامهدت عيني للرقاد=قام يردعها عن الغفوه خصيم
اتفكر في البياض وفي السواد=وابرم الافكار وافل البريم
لين اغيّب وابدع افكار جداد=الجديد اللي على الطرق القديم
والقصايد يافتى ماهي مراد=المراد الفكر في عقل الفهيم
بس قامت ترتعد وسط الفواد=الخفوق المستريب المستهيم
المزارع يرعبه شوف الجراد=وراعي البل يطمئن لاشاف غيم
والمود ان هام قلبه بالوداد=لاتلومه لو على الهايل يقيم
والصخي اصخى بما يملك وجاد=والردي بيموت من فعل الكريم
ياولد شفني على درب البعاد=الزمن صدره عليه مستضيم
لاتحسب اني غتير في البلاد=ولاتحسب اني معك دايم حليم
تقضب العده يميني والعتاد=من يخالف شرعنا يصبح غريم
لاني بلا فخر من روس اعتماد=من سلايل لابه تبري السقيم
حن بني هاجر متعبت الشداد=نصرم اللي تو ماجاه الصريم
كان طالت وقدحت راس الزناد=ننجي المظهود ويموت اللئيم
من يقول النار تاليها رماد=والله ان النار تاليها جحيم
استغفر الله نطق حتى الجماد=والقبايل كلن بفعله لزيم
والفعايل زود والايمان زاد=والحقايق تقنع الفكر السليم
والوكاد ان كان تسمع بالوكاد=ادع ربك واستعيذ من الرجيم
والا انا قد طال ليلي بالسهاد=بين ليت وبين سين وبين جيم
ماعطاني الصيف نفحات البراد=وماضواني البدر في الليل العتيم
ساهر وانظم ابيات جداد=الجديد اللي على الطرق القديم
عايض راشد
[/poet]
تعليق