ياما حلا وقت محته الليالي........

ياما حلا وقت(ن) محته الليالي


..............................................وقت الطرابه والرفاهه والاوناس


وقت(ن) اليا منه ذكرته قبالي


.............................................يهل دمع العين والفكر ينحاس


حتى القلم ما طاوع اللي بالي


............................................كتبت انا المضمون في وسط قرطاس


وحتى نجوم الليل تشهد بحالي


............................................سهران لين الصبح شعشع بالانفاس


راح الزمان اللي به القلب خالي


............................................وجانا زمان يدوش الفكر والراس


من اول(ن) بالوقت داله وسالي


.............................................نتبع هوى الزينات ليا هب نسناس


قمت اتذكر ما مضى وما طرالي


.............................................أيام نقضيها مع جملة الناس


نمشي مع ناس(ن) تسمى رجالي


............................................ربع(ن) على الشدات للفعل نوماس


فيهم سنايدي وعزوتي وراس مالي


...........................................وبعض العرب فيهم عديمين الاحساس


ياعين يكفي ما جرالي جرالي


.............................................ذكرى عزيزه من ردى الوقت تنداس



وسلامتكم


اخوكم خالد البحيري

"
"
"
اسعد الله صباحك اخوي خالد..
"
"
وصح السانك مليون ..
"
"
كلمات كثير حلوه تسلم عليها ..

"
"
"
تقبل تحياتي لك




اختك




أمســــــــــــــيه

الأخ الغالي / خالد البحيري



صح السانك ....... وبيض الله وجهك


بالعون انها ابيات جزله من راعي جزله



لله درك






تحياتي لك




سنجار ( محمد بن عبدالله )

اخي خالد البحيري

صبحك الله بالخير ....


ياسلام على القصيده.....


ابدعت....وأجدت......فما أجمل ما قلت....


صح لسانك ولاهنت يالغالي .....


اخوك بوعرب

راح الزمان اللي به القلب خالي


............................................وجانا زمان يدوش الفكر والراس


الله يعين ياخالد

خالد البحيري

صح لسانك وبيض الله وجهك

وقصيده جزله من راس جزل

لك تحياتي وتقديري

سيف السيف

اختي امسيه

ياهلا ومرحبا فيك يا اختي ......


الله يسعد صباحك بالانوار........


اشكرك لمرورك وتعليقك الذي اسعدني ....


اشكرك مرة اخرى على الكلمات اللطيفه



وصح بدنك ولاهنتي ......


تقبلي احترامي وتحياتي ...


اخوك خالد البحيري

اخوي الغالي خالد البحيري

صح لسانك لا عدمتك

ياعين يكفي ما جرالي جرال ................ ذكرى عزيزه من ردى الوقت تنداس

ابيات جميلة جدا و رائعة المبنى و المعنى الله لا يخلينا من مثلها و من راعيها

تحياتي لك يا خالد

اخوك فيصل

الاخ : خالد البحيري


صح لسانك

ولا هنت علي القصيده الرائعه



اخوك : نواف ال مركوز

اخوي محمد بن عبدالله

ياهلا ومرحبا فيك ياخوي ...


اشكرك اولا لتواصلك معي دائما....


اشكرك لتشجيعك لي ....


اشكرك لمرورك واطرائك الجميل...

لاهنت ياخوي ..

تقبل احترامي لك


اخوك خالد البحيري

اخي سعود العازمي

هلا فيك يابوعرب...


سعدت لتواصلك معي ...


سعدت لتشريفك واطرائك الجميل ...


اشكرك ...

ولاهنت ياخوي


اخوك خالد البحيري

الاخ خالد البحيري


صح لسانك


وقصيده جزله من جزل


ولاهنت

الاخ خالد البحيري


صح السانك ولاهنت


قصيده رائعه


والله يعطيك العافيه


لك تحياتي

اخوي العزيز عكاشه(سيف السيف)

ياهلا ومرحبا فيك يالسنافي ...


والله انها ابرك الساعات مرور شاعر مقتدر..


اشكرك لتواصلك معي ...


تحياتي لك


اخوك خالد البحيري

الاخ الشاعر فيصل

ياهلا فيك يا اخوي فيصل ...


شرفني مرورك الكريم .....واشكرك على الكلمات اللطيفه..


وصح بدنك ولاهنت..



تقبل احترامي الخاص


اخوك خالد البحيري

الأخ : خــــالد البحيــــــري :




صـــــــــــح الســانك: ولاهنت على القصيــــــده الجــــــزله ياجـــــــــزل




وتقـــــبـــــــل تحيـــــــاتــــــي :



اخــــــــــوك عــلــــي الــهـــاجــــــــــــري ،