الرجا ل تفتل اشنابها0تركي الروقي

السلام عليكم ورحمة الله وبركاته

اخوووي ابوفهد 00 انا مادري وش طرى هالطاروق علي 000 بس اتمنى يكون عندك وقت

وانا الان مرتبط وابارجع بعد يمكن ثلاث ساعات وانشالله00 يجوز لك والقىردك

الله االه استلم يابو فهد


ياسلام(ن) بدى مثل نور القمر00 فوق قاع البسيطه غشانا ضياه

-------------------------------وين تركي يجي يوم زان المسير00 والليالي عرفنا وش احسابها



انت تذكر زمان(ن) قديم وعبر000 وقتنا اللي مضى يوم هذا وذاه

-------------------------------- يوم حرب الفضاء شرها مستطير00 والرجال اوقفت تفتل اشنابها

بسم الله الرحمن الرحيم

الاخ الشاعر عكاشه / اشكرك على الشعور الطيب ،،،ن

ومادام طرالك هالطاري انشالله طاري خير


تفضل


مرحبا ياهلا والقدر بالصدر & يسعد الله صباحه ويسعد مساه
---------------كلّ عام وعميلي عكاشه بخير & قبل نبحث دعاويه واسبابها

نذكر المبتدا لو نسـينا الخبر& وقتنا اللي مضا لا تبحّث خفاه
---------------ذاك وقتٍ مضا غير واليوم غير&والفتن نارهـا مات شبّابها

هلا يابو فهد واستلم طال عمرك


البقاء واحفظ العلم سمع ونظر00 والمواقف لها حق نحرص علاه

------------------------------وانت قلبك من الشوق ساقك عصير00حنّ قلبك على نجد واصحابها



يازمان القشر واعتزلت القشر00مالقينا من الطيب شي(ن) وراه

------------------------------ينشرح خاطري كل ماجت سعير00وانبسط يوم اشوفك على بابها

هلا والمعذرة عن التاخير

النظر يختلف باختلاف البشر 00والمواقف مع العزم تبغا جراه
--------------معك ربي جمعنا بوحدة مصير 00 خنجرٍ دايم الدوم وانصــابها
للحسا كيف نجلب لاهلها تمر؟؟00يوم تمر الحسا زايدٍ في غلاه
--------------واعتقد ماورا هجر حبّة شعير 00واهل مكّه لهم عرف باشعابها

استلم يابو فهد


انت تذكر من اللي علينا زمر 00 جاب طاروق شعره قليل(ن)حلاه

-------------------------------الخطا يزعل الناس لو هو صغير00والحبايب تنكر على احبابها



وانت قايد عصابه بيدك الامر00 منصبك منصب(ن)عالي(ن)مستواه

-------------------------------والمثل قال والحمل جاله بعير00حملته غصب يافلان يرضابها

هلا يا بو عبدالله ويسعد مساك والمعذرة عن التاخير




حدّه الموت مرغم وركب الوعر 00 وانت عند اللقا مايبالك وصاه
--------------------------------تقدح الراي ما تنتظر لك وزير 00 الحقــوق اثبتت عند طلابها


مركــــــزي واحمد الله بليّا فخر 00 معرفة مثل شرواك منصب وجاه
-------------------------------- وان مشــينا تولّم وحثّ المسير00 ازهل القافله وازهل اتعابها

هلا ابو فهد واستلم طال عمرك

الهقاوي لعينه بعضها يغر00تمهن اللي تخونه وتلعن ثواه

----------------------------- وابشر اني من العرف ماني غرير00يوم بقعا تلوح بمشعابها



ووالله اني بعد محتسيك ابخبر00 سعد عينك وغيرك يسبب عماه

---------------------------- وعدت للماكر اللي من اول عسير00 وجمرة(ن) في نحر من تهقوابها

بسم الله الرحمن الرحيم

الله يسعد مساك يابو عبدالله

ياوسع صدرك عليّ ياخوووك




تفضل /


هقوتي فيك يا سيف كلّ الدهر 00من هقا فيك ماخيّب الله رجاه
---------------------------- مضربك لا تسلّطت من زمهرير 00 فوق روس العدا تكسر حرابها

اثر يوم الك كم ليلةٍ تدّهر00بالخفا تدّرق من حســــــود ووشاه
---------------------------- اكتم السرّ والعلم حتى يصير 00 والســــمينه هل اللزمه اولا بها

هلا ابوفهد 00 ياما صبرت علينا يابو فهدواستلم طال عمرك


دارس(ن) تحت يدك الهجا والجبر00لين ميزت فرق الفقه من هجاه

-----------------------------اول العلم رفرف وكنه طوير 000واخر العلم عله وانا اطبابها




والله اني ما ابدل حسن بجعفر00ووالله اني مع اللي كريم(ن) نباه

------------------------------ راعي الطيبه يبشر اني خشير00جيت بالطيبه كلها اسعابها

بسم الله الرحمن الرحيم


يسعد الله صباحك ياعكاشه


تفضل /

كم حكيمٍ نجح مادرس واختبر00نالها بالشرف ماوصل للكفاه
-------------------------------اول العلم رفرف وتاليه خير 00ســـــــــــلعةٍ ماربح غير جلابها

كل علّة برت غير طعن الظهر00 صاحبٍ ماوفا لعنبو من غذاه
------------------------------ ادعله وان لقيته بحوس المرير 00 جعل ديرة هل البوق يغدابها

هلا ابو فهد 000 واسف على التاخير

لكن اللي اقووله صح لسانك يابوفهد 00 ومشكوور طال عمرك

وصدقني اني كل يوم استفيد منك الشي الكثير لاعدمتك

اخوك وتلميذك/ سيف السيف

بسم الله الرحمن الرحيم

الاخ ابو عبدالله ،،،، مع اني ماحب المحاورة في الشات الا ان الواقع يفرض علينا ان نرضى بما يستجد يمكن تتطور اساليب المحاورة مستقبلا وتصبح عن طريق النت كماهو حاصل الان
ولكن بما ان اللي طلبني للمحاورة اخ وعزيز وشاعر متمكن في فن المحاورة

وهو الشاعر عكاشه فلا يمكن ان ارفض له طلب ولم اتمنى الا ان اكون في المستوى الذي يرضيك ،،،،،

واشكرك على هالدعوة