Tweet
يا ممسك ٍ بالموت فك السبايا
.......... الموت بيدينك وهـمك تمسـّاك
لحف همومك منت قد العطايا
.......... لاتحرج اللي شال ستره وغـطاك
ثمن ّ جروحك قبل كسر المرايا
.......... واترك قديم الوقت وانساه ينساك
جرب تصب العذر فوق الشفايا
.......... حرر شعور الصدق يكفيك ماجاك
ارضى بنصيبك حلم خل الخطايا
.......... النار تـحـتك والمـسافه تحداك
لاتحسب ان الوقت كله هـدايا
.......... انا انا وان رحت .. هذاك هذاك
لو صفـقت لخطاك بعض الحكايا
.......... ماهتزت الدنيا على شان ماطاك
اركد تـركد لاتـضيع البـقايا
.......... امش وتنشد بين قربك وفرقاك
خل الظلام يـعـيش بين الزوايا
.......... واقطع كفوف الذنب ترتاح دنياك
ان كان لك بين النـوايا نـوايا
.......... اطو الدروب بكف واثبت بممشاك
وان كان نجماتك بتمسي عرايا
.......... فل الضياع وعش بتالي نواياك
..........
الباريسي
تعليق