هادي الرزقي 00 اقلط لاهنت

الشاعر / هادي الرزقي 00000 طابت اوقاتك

اتمنى انه يكوون عندك وقت 000 للطاروق هذا 00 واللي يشرفني اني العبه معك


يجيكم علمي الاول مع التهليل والتكبير

----------------------- سلام الله سلام(ن) ما نقله افلان وافلاني



على الرزقي ملام(ن) كبر ضلعان الهدى والنير

------------------------ وإلى منه حضر عندي عطيته علمي الثاني

الاياهادي الرزقي ليا جيتك وراك إتــنـير

-----------------------تعرّض من بعيد ابهرجتك كنك تحداني


انا ودي بطاوق(ن) خفيف انشوف ويش ايصير

-----------------------نبا نحسب على ماقيل كم الانس والجاني؟

الاخ عكاشه

لحظه وانا اخوك0ترى والله مادري عنك ولا امر منتدى المحاوره بس جيت بعد خبر محاورة ابن هضيبان وابن متعب شفت النداء الواجب ارسلت لي ايميل 0

الرد الحين والدرب طويل

هلابك ياعكاشه والمعاني بين شر وخير

00000000000على ماقدر المعبود دور لي وتلقاني

وانا ماني باسوق الموتر اللي لوحته تصدير

0000000000مدام ان السوالف بايته والعلم مجّاني

كلها بركه محاورة ابن هضيبان وابن متعب 00 والمقصد حضورك وحصل يابيض الوجه

واستلم


يدوم الك البقاء والعلم مابيني وبينك غير

--------------------- ادور حضرتك يومين والثالث علشاني



يبا يهديك رب الكون يارجال ثم اتسير

--------------------- وانا عارفك مسلم قبل لايدرقك نصراني

انا رجًال اقدّر من يحب الطيب والتقدير
000000000ليا عادك تسوم الهيّنه في سوق عمّاني


عقب رجلٍ يخلّي لحيته كنها خطام العير
00000000يسلّمها الرجال وقال انا للقوم قوماني

على سلم الرجال اللي على وضح النقاء تحذير

-------------------------- من العمله وراعي كيلة(ن) من دون ميزاني


وكالة واس إشارتها تراسل مركز الخرخير

-------------------------- ترى مافيه عود(ن) يشتعل من غير دخاني

اخوي عكاشه الله يعطيك العافيه ارجو ان تعذرني 0

لسببين الاول عدم وجود الوقت الكافي الثاني انا ماعرف احاور بالنت اصير انا والبيت في ورطه

والا اللعب معك انت وشرواك يشر فني واالله 0



شكراً لك واتمنى قبول عذري 0

الاخ / هادي الرزقي

هلا فيك

ولحيه ماتقبل العذر ماهيب كفوو له

لاوالله معذور يالغالي 00 والشرف حصل لي انا بمجاراتك

والشك زايل وانا اخوك

لك تحياتي وتقديري

سيف السيف