الجهـــات الأربعـــــــه

[راعي العوجا]

مساكم اااااااااالله بالخير جميعاً وياهلا وغلا.,.,.
_________________________
صاحبي لاضاق صدر الجهات الأربعه
.........وين اولّي ..همّ ...والجرح... الرفيق
آه ياذنبٍٍ وسعني ...وآنا.. أزريت آسعه
.........لعنبو صدرٍٍ ..على مثل هذي ..مايضيق
صاحبي قالوا ..ليا شفت لك مبلي.. دعه
..........لو يضيق الدرب جنب وخل له الطريق
همّله ..قدام ....لا يبتليك الله ....معه
.........ولينك اللي لامنعته ولاامسيت الطليق
ينثني بالحمل ....رجلٍ و رجلٍ ....يرفعه
..........والجمل ماله عن الصبر لو هو مايطيق
ماانت باوّل من خلابه.. رفيق ..المنفعه
..........واجد اللي ساعة الضيق ماحصّل صديق
طعني ...الحق مانثرته يمينك ....و اجمعه
.........لا تقف مكتوف الايدي ليا صرت الغريق
وان كتب لك عمر فـ.انته من الله في سعه
.........عن رفيقٍ ماينومس.. ودربٍ.. ما يليق
قالوا العرّاف ....ضرسٍ يجزّيك ...اخلعه
.........قبل ماتكبر ...وكلٍ على اوجاعك يويق
وقبل لاتشره على الطبع واللي... طّبعه
.........شف من اللي صايرٍ له مثل ثوبه لصيق
ياولد لابعث ابو الطيب واللي ..يصنعه
.........في زمانٍ مابقى فيه.. للطيّب ...رفيق
عابيٍ لك ....بومةٍ... ماتدان القرقعه
.........وتحسب انك لو تهدّه.. يعشّي لك ..فريق
لاتسمّي(حرّ).....قدّام تنطل .....برقعه
.........كم نحاسٍ فيه مثل الذهب لون ..وبريق
وسلامتكـــــــــــــــــــــــــــــــــــــــم,,,,,
وتقبلوا خالص تحياتي ومحبتي أخوكم الشاعر:

عاش راعي العوجا القصيده ذي واللي قبلها صراحه بمنتهى الروعه من غير قصور في قصايدك الاوليه , لاهنت ياطويل العمر .

صح لسااانك رااعي العوووجاااا ,,,,

لا هنت يالغاالي على هالقصيده الطيبه ,,,

دايماا نتوقع منك الابدااع والجماال الغير عاادي في القصاائد ,,,,

بس ودي تتاكد من البيت هذاا ,, لانك وااضح انك نااسي كلمه منه في الشطر الثااني ,,,,

صاحبي لاضاق صدر الجهات الأربعه
.........وين اولّي ..همّ ...والجرح... الرفيق


وتقبل خاالص تحيااتي واعجااابي ,,,,

اخووك ابو الاصاله

صح لسانك يا راعي العوجا...

وسلمت يمناك ... وصح لسانك ... وكاد عذالك




كم من صديق في الرخاء مساعد ** واذا اردت حقيقة لم توجد

راعي العوجا.........راااااااااااااااائع بالفعل

اخوي راعي العوجا ...صح لسااااااانك رائعه بالفعل رائعة
ننتظر الجديد والجديد من ابداعاتك..زدنا زدنا من هذه الروائع.


ولك منا جزيل الشكر والتقدير

اخوك/عبدالله الهاجري

[راعي العوجا]

يافرحتـــــي فيكـــــم واااااااااااااااااالله

أخوي سهم المنايا:تسلم وانا اخوك على متابعتك وأقولك انت الرائع
وابشر في كل اللي تبيه ,وياهلا فيك ومراح امل من زيارتك لي.
_________
أخوي ابو الاصاله:صح بدنك الله يحييك وانت الطيب ماهو قصيدي,
اما بالنسبه للشطر اللي ذكرت اشكرك على ملاحظتك:لكن تمعن فيه قليلاً ستجده كامل (وين اولّي..همّ ..والجرح..الرفيق)او أعد قرائته
واشكرك من كل قلبي.
________
أختي الواثقه:صح بدنك وأشكرك من كل قلبي والله على الكلام الحلو
وعلى الورد الذي لاتبخلين به في كل زياره واشكرك مره اخرى.
___________
أخوي الواثق:صح بدنك يالغالي واشكرك على الكلام اللي الصراحه
والله احرجتوني فيه وابشر يالواثق ,لكن تابعوا راعي العوجا.
___
وتقبلوا خالص تحياتي ومحبتي لكـــــــم جميعاً أخوكم الشاعر: