جوني ورجلي توها بالجباير

[الراهي]

ادري زودتها شوي بس ماكو شغل خلوني افيدكم شوي )))


هذا شامان بن مطلق - من الظهران من قبيلة السهول احم احم ونعم ))))
قد اصيبت رجله بكسر ووضعت في الجباير , فقام جماعته بحمله

على اكتافهم بعد ان وضعوا له عمدان يتكئ عليها وحملوه من

شقراء الى الصمان , فقال هذه القصيدة يمدحهم ويفتخر بهم لما

اسدوه من جميل معه وهم أهل للثناء والمدح يقول :

البارحة عيني تهنت بمنامها .. ليل على عيني عساه يعود

ظنيت في ربعي ولا خاب ظني .. جو فوق ظني كاسبين الجود

ما من هم اللي كثر الهرج واعتذر .. الكل منهم عقب المنقود

جوني على هجن من البعد ضمر .. شيب محاقبهن وفج عضود

جوني ورجلي توها بالجباير .. والحال مبري سواة العود

وقالوا تريح واترك الهم والغثا .. محمول فوق امتاننا بركود

وسووا لي العمدان فوق متونهم .. وقالوا تريح ما علينا كود

ما منهم اللي قال ثقلت منكبي .. ما ينهزع لو بان فيه لهود

ما فيهم الخايب ولا فيهم الردي .. ولا فيهم اللي هافي بجدود

لا قلت ذا الطيب والى ذاك مثله .. كل من الطايل يريد الزود

يتلون شيخ ماضيات فعوله .. ما هوب من شيل الحمول صدود

يتلون راعي الطايلات مناحي .. شيال حمل العدو والمشدود

يتلونه الظهران كسابة الثنا .. فحول الرجال وبالزحام اسود

ظهران يشقون العدا منهم الكدر .. ويحمون لا قيل البرا مردود

ظهران عز الجار والضيف والخوي .. ويفرح بهم اللي باللقا مضهود

اقول لي قول صحيح موكود .. عليه ربي والرجال شهود

اقول قول صدق ما هوب باطل .. مانيب نساي الجميل جحود

يستاهلون المجد والمدح ربعي .. عداد ما هبت هبوب النود

وسلامتكم

عشت يا الراهي

هلا اخوى الراهي

جميل ما كتبت

لك مني كل تقدير على ما خطيته

في انتظار جديدك .