غرااااااااااام سهيل

** السلام عليكم ورحمة الله وبركاته

** اخواني اود ان اشترك معكم بهذه القصيده عسى ان تنال اعجابكم وتكون عند حسن الظن انشاء الله .


** صرخ حرفي على بيض الورق واهتز لون الليل
************** ونزف عرق القلم دمه قصيد وهــــل عبراته

** نثر دم القصايد وانحـدر بأغلا المشاعــــــر سيل
************** تحــدر من على رجــم الغـــرام وبين تلعـــاته

** صرخ في داخلي قلب شكى ضيم الدهر والـويل
************** تحــلم وانهـدم حـــلم السنين وكــــل رغبــــاته

** وقـفـت بموقــفي خــــاشع خشــوع العبد للترتيـل
************** خشعت وفي دجى ليلي سرت بالقلب خفقاته

** اطيح وينتهض حرف يشيل اقصى المعالق شيل
************** امـــوت وينـولــد فيني طمــوح مــالحـق ذاته

** اصيــح وتبتهـج روح تبي تشرب قــراح النيــل
************** اهيـم وينغــرس فيني خيــال زانت اوقـــــاته

** غـــديت وساقني رب زرع فيني شموخ الخيل
************** خـفــوقي صفحته بيضا رفــــع بالعز رايـاته

** ابســرح بالشمــوخ اللي نقــلـته لو مــابي حيـل
************** انــا كـــايــد ومتعود على الكــايــد وحــــزاته

** غــدى طير الغلا مني وقــفـــابه غراب الجـيل
************** غدى وانا احسبه مطلع وصيد البرق عاداته

** درج حـــــومه وانــــا والله لاملـواح لا دربـيل
************** نـقـــلـت بعــلــــقــتـي عـــــز تمشيني معاناته

** عشقته والغـــلا يذبح عشقته عشق حـب الهـيل
************** وانا ما ادري عن اللي بالزمان وبين طياته

** زماني ما بسط كفه زماني كــل عــــدله ميل
************** زمن قــاسي ولي قلب عنـــا العشاق ما فاته

** تحير به العقول اللي تعرف المكحله والمـــيل
************** يـغـــر اللي نسى سلــمه وتـــايه في مساراته

**نظمت القيل بالفرحه ومن ضيقي نظمت القيل
************** شـــــــــــــاعر لانظم قيله توقف دونه ابياته

** تنحرت الجدي والقلب مولع في غرام سهيل
************** تـــيــمــمـــت الغمـام ويمـــة الرجال غاياته

---------------
*** وسلامتكم

*** اخوكم /

******* حمد القـنـيص

بسم الله الرحمن الرحيم

الاخ الشاعر بن قنيص

صح الله لسانك ابيات روعه وقصيده جميله جدا


ماقصرت وبيض الله وجهك

بن صح لسانك

والله لايهينك على هالقصيده الذربه

ياطويل الذراع

اخوك السيف

** الاخ / تركي فهد الروقي

** صح بدنك

** الف شكر لك على الاطراء الجميل وتفضلك بالرد والتوقيع هنا .

** اخوك /
******* حمد القنيص

** الاخ / السيف

** صح بدنك

** وشكر لك على تواجدك هنا .

** شهادتكم هي الدافع الحقيقي للاستمرار والتواصل عبر هذا المنتدى الجميل

** والف شكر على تواضعكم

** اخوكم /
****** حمد القنيص

الاخ ابن قنيص

صح السانك على هذي القصيده الجميله والطيبه





ننتظر جديدك

اخوك محمد

ياسلام عليك يابن قنيص


صح السانك ولاهنت


قصيده رائعه


لك تحياتي

اررررررررررحب
يابن اقنيص
وحياك الله انت وعلومك
قصيده جزله
وصح لسانك
يالقررررم
تحياتي


اخوك

نايف بن عيفان

الاخ ابن قنيص

صح السانك على هذه القصيده العذبه يالقرم

رائه وسلسه وجميله جدا




نظمت القيل بالفرحه ومن ضيقي نظمت القيل
************** شـــــــــــــاعر لانظم قيل توقف دونه ابياته
اخي العزيز

العجز في هذا البيت حسب رايي فيه خطا مطبعي

اتمنى ان يتم تصصحيح الخطا

شكرالك اخي العزيز

وتقبل تحياتي

ابن قنيص اللةيصبحك بالخير

ويمسيك جزلة ياشاعر

[marquee]صح لسانك مليون على هالرائعة[/marquee]

لي الشرف بتواجدكم هنا

** الاخ / محمد العزران

** صح بدنك

** شكر الك على الاطراء الجميل وابشر بالخير طال عمرك

** اخوك /
****** حمد القنيص

اطيح وينتهض حرف يشيل اقصى المعالق شيل
************** امـــوت وينـولــد فيني طمــوح مــالحـق ذاته

** اصيــح وتبتهـج روح تبي تشرب قــراح النيــل
************** اهيـم وينغــرس فيني خيــال زانت اوقـــــاته



ابن قنيص

صح لسانك قصيده شامخه ككاتبها


تحياتي

** الاخ / حسن الوطري

** صح بدنك

** يا مرحبا فيك والف شكر لك على تواجدك هنا يالنشمي

** اخوك /
****** حمد القنيص

** الاخ / نايف بن عيفان

** صح بدنك

** يا مرحبا والله

*** مشكووووووور مشكوووور على كرمك وكلامك الطيب هذا دليل على تواضعك

** اخوك /
******* حمد القنيص

** الاخ / مجعد بن متعب

** صح بدنك

** الف شكر لك على الاطراء الجميل والتنبيه على الخطأ وهذا كرم منك والشرف لي انك خصيتني بملاحظه حتى اتدارك ما سقط سهوا الف شكر لك مره اخرى .

** اخوك /
****** حمد القنيص