لاقلت شافي قصيدي نوخ ركابه!!؟

لاقلت شافي قصيدي نـــوخ ركـــــابه


................................. حتى القصايد تروم القرم من طيبه!


لو للســما سلــــــمٍ للــمجد يـــرقــابه


...............................لـــــقيت شــــافي مجود فــي كلالـــيــبه


ابوه ســــــــــالم امير الشـــمل والآبه


............................والجد شـــــــيخ الشــــيــــوخ اللي نهاذيـــبه


كم شيخ قومٍ يشد ويشلع اطـــــنابه!


.........................لاشـــاف شـــافي نزل عـــالـــي مراقـيـــبه



من ذلةٍ لايجـــــي يــــــــومٍ يطـــــرابه


.......................تـــالـــــــي نهـــاره يعيّد بالـــخــلا ذيـــبه !!



والسيف قضعان يشهد مقبض نصابه


......................يوم النــشـــامى تهــاوى من مضــــاريبه!!



جمد من الــدم في كــــفـه ولاذابه


....................إلا (الــــــودك) يوم لين به مقــاضــــيبه



وقتٍ مضى يوم عاد العيشه نهابه!


..................يــوم الظفــر والكرم تعرف معــازيبه !؟



اذْكره لاشفت شافي مشرعٍ بــابه


....................ويسمع على طول مد الشوف ترحيبه !



عصابة الراس لامن قالوا عصابه!


...................والمحزم اللي بني عمْي تمــاريبه!؟



لله درْه أمــير ودَر مــن جـــابه


..................ويا جعل الايام تبطي قبل تصخيبه



مالوم شعري ليامن نوخ ركابه


.................وقامت حروفه تسابقني على طيبه!




الواثـــــــــــــــق


صح لساااااانك والشيخ شاااااااااااافي بن ساااالم يستاااااهل


لاااااااااااااااااااهنت






اخــــــــــــــوك/الأصيـــــــــــــــــــــــــــــــــــــل

الاخ العزيز تركي الروقي الف شكر لك على هذا الاطراء ولاعليك زود يالقرم لاهنت يا بعدي .


اخوك الصغير/عبدالله بن فلاح الهاجري

ونعم ونعم ونعم به وبال شافي

قصيده وافيه ياعبدالله .. صح لسانك .. علم الحيا والطيبين يبنين .. ومادامه صديق لك ومن ال شافي اجتمع طيب على طيب .. ماتخاوي الا كل طيب ياعبدالله

هلا وغلا

اخوي القرم كحيلان يا بعد راسي والله اني احبك في الله واقدر سمو نفسك ونقاء سريرتك وصفا قلبك وطيبتك الزايده ومراجلك وشهامتك يا فالح بن صقر الله لايخليني منك وشهادتك وسام وتاج على راسي.


لك مني كل الشكر والتقدير

تقبل تحياتي

اخوك الصغير/الواثق