صحيح اغيب اغيب لكني ليا من جيت جيت

صح لسانك يابوفلاح .. واسعد الله ايامك بكل خير والحمد لله على السلامه .. مقاطع عذبه كالعاده وغير مستغربه منك ..

تحياتي لك ولمن يعز عليك .. وسلم على ابوسالم ...

اخوك

ابوسيف

مرحبا واللة ومسهلا بقبلة النداوى

ارحب ارحب يابو فلاح تراحيب المطر غالى والحمد للة على السلامة

اسفرت ونورت بوجودك وعلى فكرة سالت عنك وكلمت كم مرة

وارسلت لك ايميل مادرى عاد وصلك ولا لا بس لاعاد تغيب

نفداك مرحبا هيل عداد السيل وصح لسانك على الابداع يامبدع دائما

[البسيط]

هلا بالوائق ، والحمد لله على السلامة، وما تشوف شر ، وطهور ان شاء الله.

انت كما أنت ، شعرك دائما اكثر من الروعه ، وأحلى من العسل .

استمر ، ولا تسمع كلام خالك من هذه الناحية ، المناسبة بيجي معها ما يصلح لها ، اللي عندك اليوم هاته اليوم ، وبكره يحلها الحلال ، وفقك الله.

أخي مسعود اليامي,
تسلم والله يا مسعود تشرفت بردك لاهنت, وشهادتك وسام على صدري لاعدمتك.



تقبل سلامي

اخوك الصغير/الواثق

اخوي الفاضل ابن عجرمه هلابك وغلا اعداد السيل وثق اني اتشرف بوجود اسمك في هذا المتصفح لا خلا ولاعدم منك يا بعد راسي وشكرا لك على هذا التواصل.


مع تحياتي


اخوك الصغير/عبدالله بن فلاح الهاجري

اخوي العزيز احمد الخياط هلابك وغلا واعذرني على التاخير في الرد انت وبقيت الاخوان ظروفي الصحية كانت اقوى مني واخرت تجاوبي معكم لك صادق الود والاحترام.


اخوك الصغير/الواثق

اخوي المسافر تبقى والله يسلم حالك ويكفيني فخر مصافحة امثالك كمن النبلاء اطراءك وسام على صدري


لك كل الود والتقدير



تحياتي لك


اخوك الصغير/الواثق

الله الله يالواثق

[c]النداوي يكشفها والواثق يفجـّرها[/c]


[c]صح لســـااااااااااااااااانك[/c]


[c]يا سلاااام ، ماشالله عليك يابو فلاح ،، ودي نقراها أقرب وقت انشالله ، كل قصيدة في برواز مذهـّب[/c]


[c]ننتظر ابداعاتك وقصائدك[/c]



[c]أخوك / أبو محمد[/c]


.

ابو سيف تبقا يالغالي وهلابك وغلا ولاهنت على تواصلك وثق انك من الناس اللي لهم معزه في قلبي ...

تواصلك يعني لي الشئ الكثير



اخوك /الواثق

لحظـــــــــــــه /


وقبل كل شئ....





نزف اول*

1-والله اني اقدر الفنجال قبل العشرة!

......................ولعنبوي ان خنت رجلٍ قالطٍ في بيته؟

عاد بنه في فمي للحين اطعم قشـــره!!

.....................وذاك طيبه في شماغي كل ما شميته؟!


=================================================






نزف ثاني **

هو طلبني حاجتين وقلت له:: تستاهل!!

..............العطا لاهل العطاوصويحبي كفوٍ له

قال قلبك مملكه وابي اكون العاهل!!

.............قلت جعله فدوةٍ لك هاك عمري كله

==================================================






نزف ثالث ***



من لايدســـم شاربه في شبابه

............مادسمه في تالي العمر لاشاب

الذيب مايفرس لياطاح نابه

..........لاتحسب ان الذيب يفرس بلاناب

ومن لايتعب بالمساري ركابه

.........ياتيه حتفه ماقنى علط الارقاب

ومن لايشرع للمطاليق بابه

.........يموت مانشمي طرق له على باب!؟

============================================





نزف رابع *** *


القلب لو يشرب من كفوفك المزن


..............اخضر قاعه عقب قسوة يباسه


ياللي تهجى في تضاريسي الحزن


..............الله يسامح خافقك قو باسه


ظنيت نفسي مثل سيف بن ذي يزن!!


............واني بزعمي اقدراجيب راسه!؟


===================================




نزف خامس *** **

خص جداًللعملاق لشايع العيافي


سوابي الويل ياشايع ولاقصر

.......................سواه لاترضي المسلم ولا الكافر؟

عرض علي يالعيافي لابس مخصر!

......................وراني الويل لولا رحمة الغافر!


==================================




نزف سادس *** ***


غلاه ينبت بقلبي سنبله سنبله


..................واهداب عينه توعدني بسرب الجراد


واشوف موتي برمشه كل ماسبله


..................واسمع عصافيره تغرد لوقت الحصاد


يانحل كنك تمر شفاه وتقبله!!


................عزالله انه غلا سعر العسل فـ البلاد


==========================================





نزف سابع *** *** *

اسلم وسلم لي على رمشه الخدر


..............اللي على موتي يسوق البشاير


تقول كنه يوم سلهم على الصدر


.............ناويٍ على ذبحي باقل الخساير


========================================





نزف ثامن *** *** **

الشعر لامن عطيته وجه يستانس!!

...............وأليا بغيت اكتبه ذكرني بنوره!؟


كني به يقول طيب خاطر الآنس !

...............تكفى قصيدك تراها تعشق بحوره!!


===========================================






نزف تاسع *** *** ***

انت يامطبق سياسة الاحتلال الغاشم!!


............مابقى عضوٍ بــ جســمي ماغدى محميه!!؟


صار قلبي كلبوه وشوم وانت الواشم؟


..........مثل قطعة ثوب في (مراح ) بدوي مرميه!


اتعشم فيك خير وخاب ظن العاشم؟!


..........كنت متوقع!!! نوايا نظرتك ســـلميه؟!



====================================






نزف عاشر *** *** *** *


نفس العبارات !!نفس الصوت!! والبحه!!


...................للآن لازلت... متذكر ...سوالفها


حتى وهي تقول : كيف الحال ..والصحه!


...............هي نبرة الصوووووت والله ماتخالفها


================================

النزف الحادي عشر *** *** *** **

مثل ماتغفي الغيمه على صدر السما وتنام


..................تعالي وانثري ليلك على صدري وضميني!


تعالي لاعدمتك يابلح صنعا وتين الشام


................ولاقمت اتنثر.. لك غلا ...تكفين لميني؟




==========================================

النزف الثاني عشر *** *** *** ***



البنت هذي زينها ماله حصر


..............يعني على ماقيل عمله نادره!!


العود لين والخصر مابه خصر !


............وباقي حلاها في العيون الخادره!!



====================================




النزف الثالث عشر



هنا العلهّّّ%%%%%%%%%%%%


من قالي كيف حالك ؟؟ قلت له: طيب!


............اقول: طيب!! وانا فيني مية عله؟؟


يدرجني الموت!! قدهُ مني قريب!؟


...........كني برجلي وهي توطى على ظله!!



=============================

=============================

النزف الرابع عشر


ظاهرة تحتاج لدراسة مثل كل الظواهر

.................من غرابتها تجي فالعمر مره

سيدة كل الحلي وسيدة كل الجواهــر

.................درةٍ ما غيرها في الكون دره


=======================================

النزف الخامس عشر

اجلس هنا والاهنا والا على كيفك هناااااك!!

.............الدار دارك انت في صدري وقلبي مجلسك

يالغالي اللي غيبتك خلتني اعرف وش غلاااك

............تخيل انك هناااك وايدي فوق قلبي تلمسك

لايا بعد عمري فديت انفاسك وضحكة شفاااك

.............وفديت اول ساحل عيونك الى اخر اطلسك!


=============================

النزف السادس عشر

قال فارس زين؟ قلت الا يهبل!!

.................ياولد سالم ترى زينه هبال!!

انت ماشفته وهو رمشه مسبل؟!

.................كنه ينادي على قلبي تعال!!



===================================





(((((ملاحظه)))))

ابشركم الجديد واجد بس تعبت وانا اكتب نزف !! اعدكم ان يرى النور من خلال هذا المنتدى.








@@@@ ومضه @@@@


سكن في داخلي اسمى شعور وحرك الوجدان!!


..................وعرفت اني احبك بس مدري كيف حبيتك؟؟





الله الله ياااااااابو فلاااااااااااااااح


وش هالابدااااااااااااع


والله لو اكتب فبك وش اكتب اني ما وفيك حقك


بيض الله وجهك ولااااااااااهنت طااال عمرك




تقبل خاااالص تحيااااااتي

تلميذك/ الأصيــــــــــــــــــــــــــــل

اخوي الغالي حمد بن جمهور لك مني كل الود والتقدير


شكرا لك على هذا الحضور وهذه المصافحة التي اسعدتني


اخوك الصغير/الواثق

الواثــــــــــــــــق


اشهد انك نازف وعازف ..


صح الله لسانك على كل نزف ...

رائع .. بكل ما تحمل الكلمة من معنى ....



متألق .. ومتميز كعادتك ..... لا ترضى باقل من التميز والابداع درجه ............




لله درك من شاعر عذب ....




تقبل تحياتي واعجابي وانا اخوك ..........



محمد الشهري

هلابك اخوي البسيط وشكرا لحضورك وثق انني معك وبكم


اخوك الواثق

شكرا لك يا معزب الضيفان ولاهنت يا بعدي


تقبل اجمل تحياتي

اخوك الصغير/الواثق

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/41.gif" border="none,2,gray" type=0 line=200% align=center use=sp char="" num="0,black"]
صح لسانك ياشاعر مليون كلمات تدخل الى القلب

ابيات لاتخلو من الحكمه ووقفة وفا لمن يستحق الثناء

اختيارات غاية في الجمال والروعه

سجل اعجابي بسلاسة اسلوبك في الكتابة
[/poet]