خـلّك هنيــــــــــــــّا

[راعي العوجا]

مساء الخير جميعاً راعي العوجا يقول والله لا اغرقكم في القصيد
بنثر القصايد في منتدى النداوي,,
قبل كل شي أشكر كل من يتابعني أو منهو مهتم لراعي العوجا
مابي اضيع الوقت عليكم وخلّك هنيّا.
________________________
جابك اللي حابكك بالزين حبك
.....وعن عيون الناس سبحانه حماك
أبك وينك طوّل المرواح و ابك
.....خلّك هنيّا ترى روحي معـــاك
ودّي استقبلك واقدع من رطبك
.....وآتنعم في مرابعـــك وثــراك
وآتدفّى وآتصلّى من حطبــــك
.....وآتــبـردّ واتلــيّـن في ذراك
ياحلو هرجك ومبسـمك وهـدبك
.....والحداد السود(برمودا)الهـلاك
والجديل اللي ربك ليلتك ربك
....والشفاه اللي شهدها من نباك
ياالعذاب روحي تغذّاك وشربك
.....ياالحرير القلب في جوفه طواك
التّكدّر والتّغربل من سبـبك
.....والفرح يكمل بشوفتك ولقاك
والمحبه مثمره والكٌره شبـك
.....والغلا ماينحصد بارضٍ دكاك
والقصايد ..خيل تدبك دبك
.....أو كمـا غيثٍ تحـدّر من سماك
وسلامتكــــــــــــــــــــــــــــم,,,,,
تقبلو خالص تحياتي وأشواقي أخوكم الشاعر:

[راعي العوجا]

اشكــــــــر ملاحظتك واهتمامك

أشكرك من كل قلبي أختي ملاك لانك متابعه لراعي العوجا.
اللي احب اوضحه بس يااختي ملاك ان هذه القصيده
سبق وان نشرت في مجلة قطوف ولا يوجد عليها غبار كما اعجبت كثير
من الشعراء والمتابعين.
يمكن ماستطاعت هذه القصيده ان تاصل اليك لانها في اللهجه البدويه.
واشكرك من كل قلبي مره آخرى واقول انتظرو راعي العوجا
مع خالص تحياتي ومعزتي أخوك الشاعر:

صح لسااانك رااعي العووجاااا ,,,,

لا هنت على القصيده ,,,,

وبالنسبه للاخت ملاك ,,,,

الكسر اشووفه في بيتين بس وفي الشطر الاول من البيتين ,,,,,

ومداام بيتين ما اظنه يطلق على القصيده انها غيرموزوونه ولكن يقاال ان فيه بيتين فيها فيهن خلل بسيط وبسيط جداا ,,,

يمكن تكوون الطبااعه لهاا دوور في هالشي ,,,

والقصيده طيبه ومن شااعر طيب ,,,,

تقبلوا تحيااتي ,,,

اخووكم ابو الاصاله

[راعي العوجا]

صح بدنك والله وتسلم

اشكرك مره أخرى اخوي ابو الاصاله,لكن الصراحه ابي تعيد قرائت
القصيده وسوف تجدها موزونه انت وأختي ملاك لكن باللهجه البدويه.
كلمة (حبك )اللتي في الشطر الاول هي معناها الحبك وليس المقصود به
الحب او احبك..يعني محبوكه حبك مزينه تزيين .وكلمة (ابك)لااظن ان احد يجهل ماهي..هذا اللي تقصده اخوي لكن لما تقراها باللهجه البدويه كما ذكرت سابقا ساتجدها موزونه ...واشكركم مره ثانيه
من كل قلبي ,,وتقبلوا خالص تحياتي وحبي اخوكم الشاعر:

[ابو هاجوس]

ماتحتاج ميزان وزنها لسان قايلها

ياراعي العجوجا القصيدة موزونة ولافيها
شي وهذي شهادة ابو هاجوس
شاعر قلطة وشقر ونثر وقصة قصيرة وقصة طويلة
شهاداتي رخصة نقل مثقلة من الرياض
راعي العوجا تقبل تحياتي
شايبك المستلج ابو هاجوس

[راعي العوجا]

صــــــح بـدنـــك طال عمرك وتسلم يا ابو هاجــــــــوس

تسلم والله انت ذا الحين احرجتني مره والله ,وانا اشكرك من كل قلبي
بس مدري ايش اللي يعجبك واقدر اهديك اياه.
لكن اقبلني اخو لك وانا افتخر بشي هذا وياحبني لكلامك ولسانك والله
هاهاهاهاها.وان كان تقبل عمري فهو لك خذه هديه
وتقبل خالص تحياتي ومحبتي أخوك الشاعر:

[ابو هاجوس]

العتيبي عسى عمرك سالم

عسى عمرك سالم ياخوي انا معك ومع المجتهدين من امثالك
الله يديمك ياخوي
وارجوا ان تقبلني اخو لك
يالغالي وانا معك من هنا لاخر تفاصيل الزمان

رائع اخي قمة الجمال والوصف



صح السانك

[راعي العوجا]

صح بدنك الله يطولي في عمرك

الهارف أشكرك من كل قلبي وان كان يوجد شي رائع فهو انت واخواني
الذي وضعوا بصمتهم على صفحاتي.وأشكرك مره أخرى
وننتظر جديدك بـ..أحر من الجمر
وتقبل خالص تحياتي ومحبتي أخوك الشاعر:

صح لسانك ياراعي العوجا... وانا اخوك....

صح لسانك ياراعي العوجا.....وما عليك وانا اخوك من اللي يقال..
لذا اود التوضيح التالي للاخوه ,,, وترانا ياراعي العوجا مفطومين على القصيد يابوك والحين العمر يالله حسن الخاتمه...

اولاً:*** يجب ان نعرف ان حتى اللهجة البدويه تختلف من قبيلة الى اخرى حسب طريقة النطق ومخارج الحروف والمسحوب الذي وزن عليه, والادله على ذلك كثيره.( لمن اراد يقراء ديوان ابن لعبون).ويكون ذلك سبباً للاعتقاد بان القصيدة غير موزونة.

ثانياً: هناك فرق ..بل فرق كبير.. بين الكسر.. وبين الثقل ,, وهوالفرق بين الوزن(البحر) وبين الجرس الموسيقي لسرعة المسحوب, وصحيح ان الهفوة القوية تكسر ابو البيت, بينما الخفيفة لاتفعل.

فقصيدة اخي راعي العوجا ليست مكسوره ابداً. الا ان اللهجة كانت عاملا في (ثقل) صدر بيتين فقط ,, ويمكن تلافي ذلك بالبعد عن التعمق في اللهجة الخاصة(القبليه) عند..النطق فقط ..وليس في ...اختيار المفردة.. لذا قيل لسان الشاعر ميزان قصيدته..الا ان البعد عن ذلك افضل ...

يالعذاب القلب ماعافك شربك
.......................يالحرير القلب في جوفه طواك

القصايد دبكها بالروح دبك
......................او كما غيثن.. تحدر من سماك

واقبل خالص تحياتي

اخوك// الـــفـــارس

[راعي العوجا]

ياعسى عمرك طويل وانا اخووووووووك فديتك

والله ياالفارس وانا اخوك لو اتكلم عنك او ابي اشكرك والله ما اعتقد اني اوفيت في حقك يكفيني انك زرت صفحتي وهذا شرف كبير لي.
وصح بدنك وأشكرك من كل قلبي وانت فيك الخير والبركه انت وبقية اخواني الموجودين من شعراء وشاعرات.
______
اما عن موضوع اللهجه فهو صحيح ماذكرت لكل قبيله لهجه خاصه بها
ولا شك في ذلك القول.
وتقبل خااااااااالص تحياتي وسلامي ومحبتي ياالفارس من كل قلبي
أخوك الشاعر: