عـــلـــي الحـــــــرام ..........!!

اخواني النداويه مساكم الله بالخير0



السلام اختصاره بقولة سلام...قلتها كاش ماقلتها في خفا

---------------والله اللي على كل شي بصير... ياعسانا جميع(ن)من اهل السلام0



الحرام اجتناب السنن والنظام...من حضر يحتزم لايقول اضعفا

--------------- لو يجي تحت تصنيف شاعر كبير...ما انـثـني فالمواقف علي الحرام0

الله يمسيك بنور

ياخي وعزيزي


عكاشه


بحترام اتراحيب لك بحترام 000 اخذهاكاش ذلحين لك تصرفا


0000000000دون شكه وريبه بربي خبير000 وانت خذهاوجبهالنابحترام


الملام مانجي في دروب الملام 000 من يطالب حقوقه فلاله جفا


00000000000 انت سقت الركايب ودربك خطير000 وانتبه واتبه لا تمر الملام

[تم تعديل الموضوع من قبل محمد الحبابي بتاريخ 01-07-2002 الساعة 11:27 PM]

ارحب ارحب وحياالله ابو مطرف

واستلم لاعدمتك


إلك دام البقاء وأعتبرها تمام... لاجل خاطرك ابا اقول قافك ضفا


--------------- نّـقص شوي من سرعتك لاتطير... موترك لو تداريه كان إلك دام


إستقام الحدا لاتزود الكلام... مابغينا لكم زود ماجا كفا


--------------- والزيادات شلها وعطها الفقير ... لو تجي ثانيه قلت لا ماستقام0

البقاء يالقرم


الكرام انعطت ماتلام وانت رجال فيك الوفا


0000000000000000000 لو مشيتو بخط المسير كان بان الكرم والكرام



الغرام الموفا وسام بين ذولا وذولا ( نفا)


0000000000000000000000 قلتلك تم لنك خشير ذي سلوم الهوا والغرام


اخي عكاشه

صح لسانك وانا عدلت بعد رد اخي عكاشه[تم تعديل الموضوع من قبل محمد الحبابي بتاريخ 01-08-2002 الساعة 08:32 PM]

هلا ابو مطرف واسف على التاخير

استلم لاهنت

المنام إن غفا صاحبي في منام...اعتقد عذر شرعي لو انه غفا

--------------قلت نبغا المدينه وعانق سدير... علة(ن) ياحماعه سببها المنام



المقام أعتباره يفوق الهيام ...والخصوم ان بغيتوا يجون احلفا

--------------- ماستغل الزلل عند حوس المرير...والله اني لاقدر رفيع المقام0

ابو مطرررف صح لسانك وبيض الله وجهك

وابيك تسمح لي عن اتمام المحاوره لاني مثل مانت شايف هاليومين مانيب يم النت

لك تحياتي وتقديري

مرحبا عكاشه

والله يسلمك يالقرم


السنام الجزل من حق راعي السنام وانت وافي ولوطالت لحقك الحفا



00000000000 بنصحك كان تقدر ياعكاشه تطير قبل تشبع وتبلش في علوالسنام



الصرام انقدرت الصرم يوم الصرام في جبال الحجاز وقيضوفي الشفا


00000000000000 ماعلينا عضيله كان زعل المدير نعرف الصرم لماحل وقت الصرام



الي يريحك يالقرم

هلا ابو مطرررف

واستلم طال عمرك


الصيام ان جرحته وصلك انتقام... تمـم الشهر لا تحسب انه هـفا

--------------وانت لو ماتسرّع يقر القرير...كيف تفطر وحنا بشهر الصيام0


العرام ابتداء وانت راعي خصام ... شاري اللعمسه قبل تشري الصفا

-------------- باشحط الجيب حتى يجي له صرير... واعذروا واحد(ن) جاه راعي عرام

عكاشه - ومحمد الحبابي


الله يعطيكم العافية - واصلوا والليل على أوّله

ارررررررحب

صباح الخير


استلم يالقرم




ارحام بسماكم يرفرف وحام وانت اضنك ترفرف بقمت خفا


000000000000000 ضلع راسي بنجدالعذيه كبير ونتوفيت قلناعساك ارحام



مادام مولع الدهر روح ما دام مطفي النور واضح انوره طفا

0000000000000000 انت بعطيك رتبة وزيرو مشير عندنا العزوطيب صرحه مادام

هلا والله يا بو مطرف

واستلم طال عمرك


المرام السلامه تراها اغتنام...ماحسبناالخميني حساب اخلفا

-------------------- ضلع ذهلان وافي ولا تستعير...لاتسلف وهي ماتسد المرام



ارتطام الخشب في حدود الحسام ...سيف ساطي ليا شق ماحد(ن) رفا


--------------------وانت قلبك يقولون كلوة بعير...ويش رايك قبل يحصل الارتطام

هلا والله ياعكاشه

واستلم طال عمرك


ياغلام الثقافه تدل الغلام انشد انشد وتلقاجبال الدفا


000000000000 والله انها حلال ياطير الف طير العصاء فيدي لويضيق الغلام


العلام انت ماشفت كون العلام والسواليف بيني وبينه لفا


00000000000 شفت كلوه وقلب العرب يستدير بين برج الرقابه وبرج العلام







[تم تعديل الموضوع من قبل محمد الحبابي بتاريخ 01-09-2002 الساعة 02:08 PM]

استلام القياده بليا اهتمام...ما لقينا من القوم غير اعرفا

------------------- ماش ضابط ولا شفت حتى خفيير...مابقى غير حضرتك فيك استلام



واصتدام المركب يخلف هدام... خص الى صار قافيك خصمك قفا

------------------- يفّـرق الماء صفاء يفرق الماء غدير... لايجي في الصفاء والغدير اصتدام

الدوام انت لو ريسن في الدوام كان ماكان به صارفن يصرفا

00000000000000 اخر الوقت تهدر ولا لك هدير مير لك تجهز بوقت الدوام


الجام ان وضع في الفرس والخطام دلت الدرب وانته عليك شرفا

00000000000000000 وإشرف من رجال تخوس المصير لين ياتي مصيرك يطيع الجام

الله الله يابومطرف

استلم استلم


الهمام اغرف الجم واسق الحيام...وفالبدايه تحسفت واقول أأفا

--------------------انت فتحت والا من اول ضرير... انت وش علّـتك هاتها والهمام



جا تمام الحبابي بعد زل عام... والهوى فوق جرة خوييّ سفا

-------------------- وقام يصدم علوم(ن) بعضها مثير... وادري إنه علشان ماجا تمام

الشاعر / حسن الدوووسي

ياهلا والله

واسفين على التاخير وانت حضورك يشرفنا وانا ما اخرت الرد الا ابيه من ناحيتي يكون مسك الختام

ومشكووور يالقرم على حضورك

==================================================


اخوووي ابومطرف صح لسانك وبيض الله وجهك


وانا من ناحية هالطاروق اشوف انه ماعاد عندي شي اضيفه

لكن الطواريق واجد والوعد قدام والله يجيب الفرصه

اسعدني اللعب معك يابو مطرف حقيقه لاخلى ولا عدم

لك تقديري