الد نـــيـــــا مــكــاتــيــب !!!!!!

جيتك بطيب .. وارحل عنك بطيب

يمكن ..البعد ياسيدي تمناه ؟!!







قبل لاتفسد الحب العذاريب !!

وقبل تجبر بشي صعب تقواه !!!






اضيق الارض لي فيها تغاريب !!!

والسبب سهل بين الناس تلقاه !!






جيت ماكن لي بعدك مشاريب !!!

ورحت وانت الضما والجرح والآه !!





واوعدك لو نويت اصد وآغيب !!!

انك اقرب لقلبي من نواياه !!!





وانك اللي ملك روحي بلا ريب !!!

وان حبك كسى جرحي وعراه !!!





بس ! خل الفراق يكون بالطيب !!!

مثل مركب عطى ظهره لمرساه !!!






واترك العاشق اللي دمعه مصيب

يكتب الدمع لين الأرض تقراه !!





ولا تحسف ترى الدنيا مكاتيب !!!

اترك المبتلى يختار منفاه !!!






جا يلملم حطام العمر ويغيب !!

وانت الاول من اقصى القلب لادناه !!







شكرا لكم على لطفكم وكرمكم



[تم تعديل الموضوع من قبل مسعود اليامي بتاريخ 01-06-2002 الساعة 01:07 PM]

اخي وعزيزي وصديقي


مسعود اليامي المحترم


صح السانك وبيض الله وجهك


علي هذهي القصيده الجزله
يالقرم قصيدة وافيه من جزل

مساك الله بالخير يامسعود


وشلونك يالسنافي


مافيه شي غريب


ابداااع ومن عوايدك


قصيده حميله جدا جدا




جيت ماكن لي بعدك مشاريب
.....................ورحت وانت الظما والجرح والآه



واوعدك لو نويت اصد وآغيب
.......................انك اقرب لقلبي من نواياه



الله الله

ياسلام عليك مبدع



صح الله السانك



_________________
تقبل تحيات اخيك
ابومبارك العجمي

كأننا خلقنا للنوى وكأننا
حرام" على الايام ان نتجمعا

الصمه القشيري
_____________

ارحبووووووا مسعود اليامي موجود اذاً فيه ابداع ...

بيض الله وجهك وصح لسانك وسلمت يمناك ...

بس ! خل الفراق يكون بالطيب !!!

مثل مركب عطى ظهره لمرساه !!!

الله الله الله يستر عليه ماله نيه بالرجعه ياقو قلبك يامسعود ..؟؟



تقبل تحيات اخوك /// ابو مهدي

الاخ الشاعر مسعود اليامي






لاغرابة للابداع في القصيده اذا كان شااعرها


مسعود اليامي00










تقبل تحياتي وتقديري ي







عشــــــــــتتتتت

هلابك اخوي وماقصرت فعلا كتبت وابدعت قصيده روعه

وفعلا الدنيا مكاتيب .....؟

اضيق الارض لي فيها تغاريب !!!

والسبب سهل بين الناس تلقاه


والله رائع ويعيطك العافيه اخوي .....


اختك

أمســـــــــــيه

اضيق الارض لي فيها تغاريب !!!
والسبب سهل بين الناس تلقاه !!

جيت ماكن لي بعدك مشاريب !!!
ورحت وانت الضما والجرح والآه !!

واوعدك لو نويت اصد وآغيب !!!
انك اقرب لقلبي من نواياه !!!




الله الله يا مسعود ...



لامست مشاعرنا بهذا النص الصادق والمفعم بالشاعريه الحالمه...




لا هنت والى الأمام,....




أخوك,

ابومطرف


يشرفني تواجدك يالقرم جعلني ماخلا ولاعدم منك ومن شرواك




اعجابك بالقصيده محل تقديري واهنمامي





شكرا محمد

مسعود اليامي


بكل الصدق لايكتب هذا الشعر الهادي الجزل الا الجزلين امثالك


شكرا لك علي اتحافنا بهذه الرائعه


صح السانك

وتقبل التقدير


[تم تعديل الموضوع من قبل سعد براك بتاريخ 01-06-2002 الساعة 10:42 AM]

[nashama]

مسعود اليامي



قصيده جزله من شاعر جزل ومتمكن ولاغرابه ان يكون شاعرها مسعود اليامي .

صح لسانك ولاهنت .

تقبل تقديري .

واترك العاشق اللي دمعه مصيب

......................يكتب الدمع لين الأرض تقراه

الله الله يا مسعود .....
ابدعت وامتعتنا ....

صح لسانك ولاهنت ياغالي ...


تقبل اعجابي ..

اخوك:
عايض راشد

الاخ/ مســـــــــــعووود

تحت القصيده كتبت انت شكرا للطفكم وكرمكم


وانا اقول الكرم والله اللي انت بذلته وعطيته هالقصيده وخاصه هالبيت

انشهد انك بذلت من بنات فكرك وحلقت في خيالك فوق الثريا والمجره

لين جبت هالتحفه

صح لسانك مليون ولا يكفون

لك تحيات وتقدير اخوك

الأخ ابومبارك


شرفتني بهذه الزياره وهذه الإشاده التي تعتبر وسام فخر على



صدر قصيدتي. وانا في اتم صحه وعافيه والله يحفظك ذخر .





تقبل تحياتي

مسعود اليامي صبحك الله بالخير


قصيده جميله واسلوب اجمل


صح إلسانك يالقرم


تقبل تحياتي لك

البقا يابومهدي


وش اخبار الخطيبه عساها طيبه .

الله يستر على خلقه .



متابعتك محل اهتمامي وتقديري



شكرا على هذا الحضور البهي والإشاده التي اعتز بها.