الشبح xxxx الفكسار VX_R

بسم الله الرحمن الرحيم
..

.
اخواني اعضاء ومشرفي وزوار منتدى النداوي السلام عليكم ومن العايدين
.
.
وكل عام وانتم بخير لو انها متأخره
.

.

.
واهديكم هذه القصيده للشاعر عثمان الشهري وردي عليها
.
.
.
يقول عثمان
.
.
مـثل الـشـبح فـي جملة السـوق ما طب

********************* احـلف وانا صادق والله والله

سـحـره يحـوف القلب ما فاد به طب

******************** في بسرة المعلوق علته وادواه

يحبه الي ما عشق قلبه وحب

******************** ويفوق حبه حب مجنون ليلاه

منين ماناظرت اله ياخذك لب

******************** وصفه عديم وواصف(ن) فيه ما اوفاه

فيه الفخامه والوجاهه على تب ( TOP)

******************* منه العجب يولد والاعجاب ف اسراه

مناجمه بالمانيا صبته صب

******************* في قالب الالفين واثرت مزاياه

من شافه مقفي يقل اب اب اب

******************* ويقول لااقبل ويل ويلي ياويلاه

من حد صدامه وحتى اخره هب

******************* تطيح بالسانك يالبي يالباه

تقول نوره شبت الشمس به شب

******************* اجلا الظلام ولا انعرف وين وداه

ان شافه المومن يقل معجزة رب

****************** وان شافه الكافر يصلب بيمناه

منقوش كله من تكلف ومن عبء

***************** في ظاهره فتنه وتفتن خفاياه

رفارفه ردف الهنوف الذي نب

****************** منتوقة من طين يوسف مسواه

مستخلصه من فل وادي بنا واب

***************** من راسها لاقدامها اه ثم اه

واليا اشتغل حسه حمام على حب

**************** من يسمعه يطرب لحسه ومغناه

ومرايته واصطبها وصف وجب

**************** كفا خلقه الله من النور يزهاه

الخاتم الي عد الالماس به صب

**************** ماجاب شوف الا ومعلوقه اغواه

واليا فتحت الباب تحسبك من جب

***************** ظاهر بعد ماكنت الاعمى بدنياه

فتحت عينك في خمايل وفي خب

**************** شي ولا في الحلم تحلم وتلقاه

في مجلسه تنسى من الام والاب

*************** كل الذي غيره تلاشى وتنساه

قبة بساط الريح والنعم من قب

*************** كل المصانع ما انجبت مثل شرواه

وصفه مع غيره تقل انه الدب

************** اللي تزبر شحم متنه وغطاه

ووصف غيره عند وصفه كما الضب

*************** ياقل بخت اللي تطاول وجاراه

في مشيته ذعذاعةالغربي ان هب

************** كنه على الما في مسيره وممشاه

واليا نهج طرقه وفوق الوطا دب

*************** يلوح برقا يحبل اقصاه بادناه

ينكب كنه ناوي مقدمه كب

***************** الوابل الي ضاق سيله بمنحاه

وحده ومن قال ان غيره اقل (تشب)

***************** والله ما مثله لقى الجاه به جاه

يسرح به المندوب في حزة(ن) نب

***************** ويوجهه للي من الطيب مجناه

يبدي على بالحارث الي من السب

**************** تكرم وفيها الطيب شامخ محياه

واخص عيد اللي على المرجله شب

****************** نشمي ينومس في علومه ومبداه

اليا وصلته يانديبي فقم حب

******************* خشمه وهو مضمون خطي ومعناه

واللي حداني للمناديب ما غب

******************* من يوم يابن سعود شفت القدا تاه

المذنب اذنب وانت ماقلت له تب

****************** واليوم معدالي يجيك وتلفاه

ياعيد لو ما الطيب في النايفه ذب

****************** ان كان خلا الذيب مرقبه للشاه

.
.
.
عثمان الشهري
.
.
.
وهذا ردي على قصيدة عثمان
.
.
.
.
قم يانديبي وانت قرم مذرب

***************** شهم تجيب العلم دايم وتحماه

من فوق منجوب يجوب الوطا جب

****************** جيب ثلاث ايمان ماالقاء حلاياه

حاز الزعامه والفخامه والاعجب

***************** ياماحلا ذكره مع اسمه وطرياه

مالك بعد شوفه يكود التعجب

****************** وتدير عينك منذهل من زواياه

مهما وصفته بالتواصيف واسهب

***************** عزالله انه ناقص الوصف ما اكفاه

مدحه على من ينقد الشعر يصعب

***************** مهما مدح مهما وصف فيه مااجزاه

لودار بافكاره وشرق وغرب

***************** يحسبه تمه عزتيله ياعزاه

من وارد التويوت جيب مشبب
**************** داخ المصمم لين صمم مزاياه

ودور على اسم له ينومس معرب

**************** حتى لقاء الفكسار واسرع وسماه

منقوشة في موخره بالمذهب

**************** علامة الجوده تّزين مقفاه

له في بلاد الشرق مربي ومنسب

***************** مقطوع سره عندهم مع خوياه

وقمت اتفكر والتفاكير تتعب

**************** دورت حل فالتفاكير ماالقاه

ياكيف من صمم هذا الجيب غيب

**************** عن احتكارة في بلاده ومرباه


وعرفت من يومين مدري على غب

**************** مصنعه عن خدمته ربي اعماه

خلاه من سو البخت بس مجلب

**************** يصممه ويكمله ويتحاشاه

مثله مثل من طاف عمره ولا انجب

**************** عشرين عام من زواجه ولا اضناه

ومن عقب ياسه طاوع ابليس في النهب

**************** ونهب ولد شيخا قطامي من حماه

واستغفر الله عقب ما اوثم واذنب

**************** ونوى يتوب ويمسح الله خطاياه

وراح بيرجع كل فيده من السلب

**************** وضيع مكان الشيغ من سو بلواه

وعود على داره مريضا ومتعب

*************** والورع من فقدة هله يزعج بكاه

ودموع عينه فوق خده تصبب

*************** لا مانلومه مختلف عن براياه

ومن عقبها كنه على نار تلهب

*************** الورع معه وديرت الشيخ مغداه

قال الله يعين وكيف عنه اتهرب

**************** وعزم على ظم الصغير وتبناه

وخلاه من زين السوم يتدرب

*************** علم الشكاله في شرابه ومغذاه

ويجنبه عن كلمة العيب والشذب

*************** ويخاف من كلمة زهوف تلقاه

وربي على الطاعه خدوم مهذب

*************** مافيه مخلوق شجر فيه واذاه

حتى غدا قرم شجيعا مشورب

*************** يعرف علو الطيب يوم الله اقداه


وشاف التحاقر والكراهه وجنب


*************** عزيز لولا عزته كان ما اجلاه

مثله مثل جيب عليه امتعصب

**************** عاف الديار وسموة الشرق خلاه

مصنوع لزحول الرياجيل مركب

***************** ولاداج فيه السرسري والخونداه

هو عشقت الي فالمدينه ومرغب

**************** وهوغايه الي يسكن البر ومناه

اليا مشى مشيه ينومس ويطرب

*************** مثل الملك في مشيته واثق خطاه

واليا وقف له هيبة تسلبك سلب

***************** عينك تناظر يمته ماتعداه

ماكنك الا عسكريا مصلب

**************** وهوقايدك وانته تدور على ارضاه

وبين المواتر هيبة الذيب الاشهب

*************** ذيب طوى بطنه مجاعه وسراه

لونه مثل برق الحيا يوم ينقب

*************** في مدخل الوسم اسود الليل ضواه

ومن مخزن البنزيم يروى ويشرب

*************** وجم الرديتر يبرد الحر من ماه

ومن داخله ماقدم عينك مخشب

*************** خشيب عاج ابدع انسان سواه

ان جيت احلى لونها كنه الرب

*************** ابداع ما ظني يجارى مجاراه

ومكيفه مع حالة الطقس يقلب

************** براد وقت القاض وفالبرد ما ادفاه

والا المرايا تحت سقفه ومن جنب

*************** طخمة هنوف من نظرها فتح فاه

لكنها مع كل لفه ومهذب

**************** رادار يكشف عن خفايا مخفاه

وكن كفراته وجه عبد معصب

**************** يبي الاماره لكن الحر يعصاه

وجنوطها وسط التواير تجاذب

***************** بدر القمر في منتصف شهر شفناه

والا المراتب من حرير مقصب

**************** مطرزه حرفه تزينه وتزهاه

ماكنها الا مقعد لوالي الشعب

***************** يامر وينهى منجضع عند مركاه

وياكن تمثاله ونوره والاصطب

**************** جواهر على جبينه مغراه

واستبنته والونش واكياس تنصب

**************** لوقت الحوادث واللوازم مخلاه

والا الوقود بمخزنينه مزهب

*************** ياطول مسرى صاحبه كان عباه

وياكن طبلونه من اللول يحسب

*************** والا من كنوز الغناوي شاه شاه

وجناح كنه ريش شيهان منصب

************** من ماكره على الحبارى بمفلاه

وفي فزته اليا عطا نازح الدرب

*************** ودريوله عجل بمشيه ولقاه

طلقت كلاشنكوف في ساحة الحرب

**************** من يد شقردي ما تكذب رماياه

وصوت كفراته لا عطا القايد ستبstop))

**************** حنت خلوج اوجرت الذيب لعواه

واليا شلع له بالدبل يم مرقب

**************** من فوق طعس عجز القير مرقاه

كن الطعس تحت التواير مطبطب

**************** وهو يتمخطر مثل عارضت الازياه

وياكنها انواره كبوس تكهرب

****************** ومن ليزره كن ازرق اللون يطلاه

ثمانيه اسلندر بعد ماتناوب

***************** مزمار بانغام الموسيقى مغناه

ومساحتينه لاهمل الوابل وصب

**************** قامت تمايل لين ينضب وتمحاه

ودعامته درع المقاتل من الضرب

**************** ورفارفه مع فتحة السقف اويلاه

انا اشهد انه خوش مقنا ومكسب

**************** حتى ولو قرر وكيله وغلاه

يامن يلوم الي بحبه تعذب

**************** حبه ملك قلبه وبيح خفاياه

والا الشبح لو كان منظر ومنصب

**************** يامال فرقا العين يامال مالاه

وسط المدن وما على القار ينحب

*************** وفالبر لا تحسب حسابه وتنخاه

ماكنه الا شيخ قوم مغرب

**************** اقاموا عليه الحظر في وسط منفاه

مهوب مثل الجيب مع كل مذهب

**************** وفي كل درب تنتخيبه وتهقاه

اليا نخيته للمواجيب وجب

**************** واليا نصيته حي ابو من تنصاه

واليا بغيته فالمطاريش صاحب

**************** من صاحبه هو ضايق الصدر سلاه

واليا سمع طاري النوايب توهب

**************** قال اتكل بالله ودربك عرفناه

تسلمه يادريوله واصلبه صلب

*************** صلبة حشيم في طرفها مداراه

هاود عليه وبعدها طالبك طلب

**************** تنصّ به عثمان واحرص تعداه

الصاحب الشغموم السيف الاحدب

*************** من روس قوم بالمراجل مضراه

نسل الرجال بساعة العسر والكرب

**************** ياكم وكم من نايد الناس ذراه

جاني جوابه من نديبه مرتب

*************** صحة لسانه وبدنه وسلمت يداه

ساعه لفاني قمت اهلي وارحب

**************** ومن ساعته عرفت قصده ومغزاه

اليا وصلته يانديبي بمكتب

**************** قله يابو ناصي كلام قضيناه

حنا بعد ما جا كتابك بمندب

*************** معدال خصمك يالسنافي خذيناه

تحر جيتنا من اليوم وارقب

*************** بعد ثلاثه ايام من يومنا ذاه

نبي نجيك وكل مكسور ينضب

*************** نبي نجيك وكل مشلوح نرفاه

العلم طال وقفلت البيت شيب

************** ولولا يطولن السوالف شقرانه

وفي ختامها عداد من زار يثرب

*************** وعداد من كبر لفرضه وصلاه

وعداد من وجه يبي الشام واجنب

************** صلوا على من حكم الدين وارساه

.
.
.


عيد بن سعود الشدّادي

الشاعر عيد الشدادي

صح لسانك انت والشاعر عثمان الشهري

وعزالله انكم قلتوا وابدعتوا الله يعطيكم العافيه

وقصايد جزله من شعار اجزل

لك تحياتي

هلا والله بعيد

من طول الغيبات جاب الغنايم


صح لسانك وصح لسان عثمان


وننتظر المزيد

الله عليكم وبيض الله وجيهكم



وانا اشهد انكم ابدعتم كلكم


تقبلوا تحياتي واعجابي .

الاخ عكاشه

.اول شي اقول لك انا اسف لان ردي عليك جاي متاخر

. وذلك لانقطاعي عن المنتدى لظروف خاصه

.صح بدنك ومشكووور على هذا الاطراء

-------------------------------------

.الاخ سعود العتيبي

.صح بدنك والله يعطيك العافيه

.وابشروا بالجديد ان شاء الله

-----------------------------------

.الاخ ضاوي

.صح بدنك والله لايهينك

.ومشكور على مرورك



.

اخي الغالي الشاعر عيد الشدادي,



صح لسانك ولسان الشاعر عثمان الشهري...


شعراء ولا عليكم كلام ....



ولكن وين الغيبه يا عيد؟؟







اخوك,

الاخ الغالى : عيد




صح لسانك





ولسان عثمان




والله يبيض وجيهكم




جزلين




للكل تحياتى

والله انها محاورة دعائية ظريفة جدا وأسعدتمونا بها يا عيد ويا عثمان أسعدكم الله بالجنة

بس يا خوكم أنا عندي اعتراض على مواتركم

وبما إن في بالي موتر مجرب حبيت أتليقف واتطفل عليكم وأخرف لكم ها الكلمات...


شفت النجيب بعيني درب الفلا..طب

............................. يا زينه ويا زين ممشاه زيناه

عبّه بنزين وخل الباقي على الرب

.................وخله ينصى القفرَ اللّي غيره ما ينصاه

يلعب على طعوس ٍكما لعب مركب

..........................على موج البحر يوم الريح ِبقفاه

صدره عريض وداخله مجلس ٍ رحب

..........................وغيره قبر ٍفي ضيقه واعوذ بالله

زوله جميل وياخذ العقل واللب

......................ويرهم كما الاصايل صوته يا محلاه

حاولت بعيوبه أبرّق واثره صعب

...........................واللي ظنيته عيب ٍ أثره مزاياه

ظنيت زود البستن ايقصّر الدرب

.........................لنّ البستن مقسوم ٍ بانزينه وياه

ثمان ابساتن بطنه ولا هو يشرب

...................وغيره ستة وشربه كاالهيم بمضماه

ولا من لقيت مغرّز عنّه ما جنّب

.....................مديت القلص له ويا قوه قواه

عزمه شديد ووزنه راهي على السحب

....................وغيره خفيف ويحفر الارض تلقاه

نسنس هوى الشمال ايلا مكيفه هب

.........................والحرّ برّا ويا حرّ الحرّ حرّاه

قد جربت الجيوب ومثلي مجرب

.....................بس اليوكن يا صاح يفرّحني طرياه

وصلاة ربي عدِّ ما خط يــِكتــَب

...................وعداد همالٍ من وبلٍ نثر ماه

علىنبينا الهاشميّ المعرّب

....................وعسى الرحمن ربي يجمعنا وياه



طبعا تعرفون اليوكن اللي هو ورع السوبربان الدبل جير

إضغط وشف

http://www.gmc.com/gmcjsp/yukon/images/photo11_lg.jpg







.

الاخ سعيد الحمالي

.صح بدنك والله لايهينك

.والغيبه لها ظروف والا بودنا التواصل معكم

.ولك تحياتي

____________________

.الاخ خالد الذيابي

.صح بدنك والله يبيض وجهك

.ومشكور على اطراءك

___________________

.الاخ الفهد
.صح السانك والله يبيض وجهك

.لكن ان تعرف ان الشعراء في كل دب يهيمون وهذا حنا ماخلينا

.شي الا وصفانه حتى الكامري وصفتها بس بقصيده خاصه

.وعلى كل حال ماقصرت وابياتك جزله بس والله ياموترك

.ماعرفته الامنك ترى ماهوب مشهور وهو اللي يبي له دعايه

.اما الفكسار والشبح ما خلو الشعار من وصفها شي

.وتقبل تحياتي

عيد الشدادي


صح لسانك ولسان عثمان الشهري


قصائد وافيه من وافين


لاهنت ياعيد


تقبل تحياتي

شبيب

اخوي الغاااااااااااااالي



عيد الشدااااااادي



صح لسااااااانك مليووووووون


والله وصح لسااااااان الشاعر عثمان الشهري



انشهد انكم قصدتوووووووووو ووصفتووووو



وكلٍ اووفى لخوووويه



ومزارق الطيب عااااده بين النشااااااامااااااا


لاهنتووووووووو يالشقرديه



على امتاعنااااااا بهاتين الراااائعتين



لكماااااااا التحيه والتقدير من اخوووووووكم




نايف المطيري

اخوى الغالى عيد

صبحك الله بالخير يالقرم











وصح السسسسسسسسسسسسسسسسسانك ملياااااااااار







وصح السااااااان راع القصيده الجزله





وسجل اعجابى




اخوك// مطلق العبيسان

هلا والله ومرحب بالشداي ...والله ردك أسعدني

أما بخصوص الموتر فصحيح كلامك ما أخذ دعاية كافية

لأن خبرك بديوك لا جربوا الشي وجاز لهم والله ما يتنازلون عنه ولا يجربون غيره لو وش تسوي لهم ....وهذا اللي يخليهم ما يتنازلون عن الشبح والا الفكس آر

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الاخ شبيب بن شاهر


صح بدنك والله انك وافي

وماعليك زود وبيض الله وجهك



وشكرا على مرورك وتقبل تحياتي يالغالي








[/poet]