لشعر وقعه مثل وقع البلاجيك

الأخ الغالي / خالد الهاجري


صح بدنك يالقرم


ومشكور على تصفحك للقصيده











سنجار ( محمد بن عبدالله )

يالله يالي كل حيٍ يراجـيك
……………...........مايـنقطع قلبٍ تعلق برجواك

يامــزن اشوف الـبرق يشعل مناشيك
……………..اسنـين يامـزن الحـيا ننتــظر مـاك

يادار يازيـن المـشي وسـط اراضـيك
..…………....والله ينـسا مـن مع الـوقت ينـساك

قال الجـعيد الي بـدع قـاف ياتـيك
..………….... مثـل الـقمر بنور في وسط الافـلاك

ماهـو بنــورٍ مثـل نـور الأتاريك
...……..…..........نـورٍ لـيا سارت خــطاويك قداك

في هـجـرتي ياقاف دايم مـخاويـك
…………......ماينـقـض عهـدي ولو طال مسـراك

ابـدع بـيـوتٍ كنـهـن السراميك
……….........بـيضٍ تـلالا لمـسـها مثـل الأشواك

ماخـلي البـيـبان واتي الشـبابـيك
…….......لي معرفـه تـخرج من البـحر الاسماك

قد عرضتـني هـجـرتي لتهـالـيك
……….......يوم افتكر يانفـس مدري وش انـجاك

قضيت وقـتي في هموم وتشـاكـيك
……………...... احداٍ مـعك فـزاع وحـد يتـوطاك

كم ليلة حـاسبت في مـطعم البـيك
.……………..وكم حزمة حـملت من شجرة الراك

وكم في جيوب الثوب حطيت من شيك
…………...….لكن طلـع فاضـي كما كـرز تنـباك

وكم صاحبٍ يضـحك يقول لك لبيك
…………….....ون غبت مره ياحسـايف تعـشـاك

هذا الـزمن فازو عليـنا الصـعاليـك
………..…......وتبـدلت خـضر الرياحــين بجراك

وياصـاحبي فيــحان الأيام تنـبيك
…………....وتلقى صقـور الجو مع بعـض الأدياك

النـذل ماياخـذ على شان يعـطيك
…………........جـحادة المعـروف لو قلـت يفـداك

احذر تصـافـح كل كلـبٍ بـياديك
………….......يمـكن يحـط يديك في وسـط الأسلاك

اصحــابك اليـومه وبكـره تعاديك
..…………........اسمــع كـلامي قلـت اياي ويـاك

ايـاك لو بـعض الـيالي تحــاكيك
...……….......تضحك شوي وبعـدها مسرع ابكاك

ومن بعـدها قلـبي سوات التمـاتيك
……………........يشـبك ويفصل لاحـصل فـيه تكاك

اسباب خلٍ مادخــل فيه تشـكيـك
…………......حبه سطا فالقلب ونهــكنـي انـهاك

حـبه رمـاني في بعـيـد المــداريك
...……........واسقط بعمري في صعيـبات الأشباك

سقوط بـيـزنطـه على ايدي المماليك
……………....محدٍ وقـف في نحـرها غـير الاتـراك

حبه يفـكك مهـجة القـلب تفكيك
……………......فك الحـام الي ثبـت قبـل مفـكاك

ياخـل صافيـني وقلـبي يصـافيـك
………..........ولانـي بـراجي فالزمـن غـير لاماك

لو للـهـوى حكـام بالله لشكيك
……………........لكن حسـافـه ياعسـى الله يبـلاك

وياصاحبي فيـحان انا اعرف مـراميك
…………….....وتعرف مرامـيه تـجاه الـهدف ذاك

لشعر وقـعه مثـل وقـع البـلاجيك
…………........لاوالله اقوى كـانه العـلم يـنصاك

انشدك في بعض الـخلايـق وناجيك
……………......مابى يمـينك تصـفـق بكف يسراك

ون كان ياصـاح السـواليف ترزيك
……………....... ماكنها وصـلتـك ظـرفي تعـداك

سنجااااااااااااااااااااااااااااااااااااااااار

صح لسانك يا مبدع

و الله العظيم انك مبدع و شاعر جزل و رائع بكل ما تحمله الكلمه من معنى

قصيده جميله جدا جدا جدا جدا جدا جدا جدا

و الله لا يهين راس بدعها

اخوك و مغليك فيصل العاصمي

اخوي سنجار


صح لسانك وبيض الله وجهك







كفوووووووووووو والله قول وفعل



تقبل تحياتي