Tweet
غــار منـا وغـار منا وليه كـل البلبلــه
ولــيه يعــني كـل هذا وتو ماجبت الجحـيم
والله ان البيت عنــدي مثل ذيك السنــبلــه
في ربيــعٍ لو دخلـته تقــسم انـك في نعيم
في ربيـعٍ والســنابل ماتــبي لك بـهــذله
تــرتـوي بحــروف تمـطـر بـين سرايه وديم
على ارضٍ ماتنمي فيــها عــرق الحنـــظلـه
راســيه ذيــك المعـاني شامخه في صدر غيم
احلى من ذاك العـذوق اللي على ساق انخلـه
واحــلى من بدر غدى زوله على سيـلٍ هشيــم
والله ان سيــفي اصيــل وفي عــذابك منسله
لوتمــعن بالمعـــاني تــدري ان حظك عتيم
مــــير دمــي بالعروبـــه حر والله منسلـه
مااحـــدك في رضـــوخك حــتى ماتبكي سقيم
مـــدري كم وكم كم ومن يحـــل المســـأله
اشهـــد اني منتصر بك وانشد الشر الخصيـم
يانحـــــل وينه رحيقـك وانت قـاعك ممحله
ماتت اورودك بليــله من تعــابير النسيـم
يانحل بعــضك وبعضــك ولو تشــوف المنحله
ارتـــوى بعــضي وبعضــي راجــع لحبٍ قديم
عشــت في ذكر النـصيحه يـوم عمـر المجهله
يوم ابوي الله يبيحه ينصح العصــر الغشــيم
خل قلبك فالمعـــالي في حـــــدود المرجله
لاتنـــادي من يكبـك وانت في سلمـك سلـيـم
والله ان بعض الشــــوارب لـو تجيــك امفتله
ماتســرك وانت ثاني ساقـــك بيـومٍ عظيــم
ايـه ياحلم السراب اللي يـفر المغـــزلـه
والله ان ابلــيس هيـن فالقرايــه يستقيــم
اسمحــي لي ياعيــوني اشغــلتنـي المهـزله
انـت صــدر الحلم كلــه لو تبلـــني حـريم
مثـل عينك ذاك حظـي مثل خصــله مستــله
فــوق خــدك شفـت حظـي اســودٍ يبكي نديم
والله ان دربــي طويــل ولـو اعيده مطوله
انتي موتــي لو اطولك انتظر لجلك واقيم
ياحيـــاتي وصــوت شعــري ياطموحٍ مقبله
اشغلـــيني شوق يالله واتركيني زود اهيــم
لك على صمـــتي معاني وبالمشـــاعر منزله
مالك بذيك المكــانه فوق هالمعـــنى غريـم
الهارف
تعليق