مــــــــــاضي
حياتي لو تعطل عالم الوصل وغدي ماضـــى
________وذكرتك وانتهض حبك وحبك صعب ترويضه
أنا ادري ما رحلتي يا بعد عمري و أنا راضـى
________رحلتي غصب عن عيني و قلبي مات في غيضـه
أنا عن زلة الدنيا أغــض الطرف متـغاضـى
________و ابطوي بالهوى صفحه جمـيله ناصـعه بيضه
أنا القلب الحنون اللي رحل عنك وهو فاضـى
________وصبر نفسه بكذبه من ابداعه وتحريضـــه
أنا المسجون في قلبك أنا السجان و القاضـى
________تشتت كل ما فينى و عمري صعب تعويضـه
أنا ذاك الانيين اللي صدر من آخر انقاضـى
________وأنا ذاك الهجير اللي يعانق بالغلا قيضـــه
حياتي أخذى الحاضر أنا يكفيني الماضـــى
________وحب ٍ عاش فى قلبي أنا أدرى صعب ترويضه
وسلامتكم
تعليق