Tweet
قصيدة.. ربّما ..قصيدة..
ارجو ان تقبلوها على ما بها من عيوب
وأرجو أن تقبلوا عذري..
ــــــــــــــــــــــــــــــــــ
طالت الرحلة وخوّتنا ضعافه
ماحدٍ منّا تنازل عن خويّه
صاحبي وشلون نقطع هالمسافه
والطريق اشواك والدنيا رديّه
والكفوف خليّ والمزهب سخافه
والزمان يهوزنا بالشوشليّه
والمدى يضحك علينا في عفافه
والليالي بالولاده قيصريّه
والضحى.يبس المسا. زاده نشافه
شاف له عجّه وبشّر ببرديّه
وانت لك رايٍٍ وانا عندي خلافه
فالدقيقه نطلع بستين نيّه
مات فينا حلمنا ويّا الحصافه
وانولد فينا الصّلف والعنجهيّه
كلّما قلنا انتهينا ياحسافه
توّنا نبدا التّعب وهو الحذيّه
والهدف ينحاش من زود الجلافه
لا قربنا قال:لا،بكره .قفيّه
مطلبٍ ماحقّقوه اهل العرافه
خلّ عاد اثنين بافكار غبيّه
صاحبي في رحلة الدنيا، المخافه
كل منّا لازمٍ يترك خويّه
ـــــــــــــــــــــــــــــــ
أخوكم / عبدالرحمن
تعليق