(((( الـقــدر مكتوب))))

السلام عليكم ورحمة الله وبركاته0
___________________________________________________


سامح الله من نظر فيني وهو متعـــدي
،،،،،،،،،،،،،، واشعل افكاري بنظرة عينه وسلهامه
يوم ناظـــرني بعينه قـد قلبي قدي
،،،،،،،،،،،،،، ياعذابي يـــوم صوب خافقي بسهامه
ماقـدرت اصد سهم اعيون ماينصــدي
،،،،،،،،،،،،،، نظرة مــن حــرها سميتها فــطامـه
من سببهاطحت مثل اللي وقع متردي
،،،،،،،،،،،،،، الصويب اللي نهارالحرب سلب احزامه
ياعــذابي ويش اسوي ودي، اولا ودي
،،،،،،،،،،،،،،ودي اسلم منه وابغي اقضي العمرقدامه
اتصبر طول عمري والصبر لـه حـدي
،،،،،،،،،،،،،،وانتهى صبـري ومليت الدهــر وايامـه
الغلا سيطـر على قلبي وبيح ســدي
،،،،،،،،،،،،،،مــايلام العاشق،الآ لعنبو مـن لامـــه
تهت في بحرالهوى بين الجزر والمــــدي
،،،،،،،،،،،،،،بحر حـب من زمــان راح ماحـــد عامـه
يـاسهوم الحب لاصبي فـؤادي هـــدي
،،،،،،،،،،،،، لاتتلين الفواد ،وتجــــرحين اصيــــامه
ادري ان هـذاالقـدر مكتوب ماينردي
،،،،،،،،،،،،، مير بعض الناس ،مايدري خبل (وهلامــه)

__________ تمت _________________________________
حسن المسعودي
[تم تعديل الموضوع من قبل حسن المسعودي بتاريخ 12-06-2001 الساعة 03:21 PM]

الاخ العزيز / حسن المسعودي








صـــــــــح لسااااانك










الله لايهينك على ذالقصيدة الجزله





















تقبل تحياتي

اخوك / عبدالله سالم العجمي

اخي /

حسن المسعودي



مساك الله بالخير

وصح لسانك


على ذالقصيدة الأكثر من رائعة




سجل إعجابي

اخيك /


سعود العتيبي

[الوحيد]

اخوي حسـن المسعـودي



قصيـده رائعــه من شاعـر رائــع

صح الله لساانــك يالقــرم


تقبّل تحيات اخووك / الوحيــد

تهت في بحرالهوى بين الجزر والمدي
،،،،،،،،،،،،،،بحر حـب من زمــان راح ماحـــد عامه
يـاسهوم الحب لاصبي فـؤادي هـــدي
،،،،،،،،،،،،، لاتتلين الفواد ،وتجـرحين اصيــــامه
ادري ان هـذا قـدر مكتوب مايندري
،،،،،،،،،،،،، مير بعض الناس ،مايدري خبل (وهلامــه)


الله الله عليك يالمسعودي


قصيدة رائعه ياخوك


وانشهد انك ابدعت



تقب تحياتي وخالص شكري

اخي وعزيزي حسن المسعودي

صح لسانك ياحسن


وبيض الله وجهك على هالقصيدة الجزلة

سامح الله من نظر فيني وهو متعدي
،،،،،،،،،،،،،، واشعل افكاري بنظرة عينه وسلهامه
يوناظـــرني بعينه قـد قلبي قدي
،،،،،،،،،،،،،، ياعذابي يـــوم صوب خافقي بسهامه



والجزل من الجزل شي ماثوق

حسن ياحسن

صح لسانك يابو على

جزلة ياراعى الطيب...


الشريفى

اررررررحب ياحسن المسعودي ..

شهادتي فيك مجروحه الابداع دوما من صفاتك الملازمه لك في كل حرف تكتبه ..

يـاسهوم الحب لاصبي فـؤادي هـــدي
،،،،،،،،،،،،، لاتتلين الفواد ،وتجـرحين اصيــــامه

جميل جدا هذا البيت لفت انتباهي وكل القصيده مافيها كلام ابدا ..

لكن احذف الحرف الزائد في البيت الاخير في الشطر الاول حرف الراء زايد غلطه مطبعيه ..

تقبل تحيات اخوك /// ابو مهدي

مرحبا بالمبدع حسن المسعودي



الشاعر الذي تتسلل كلماته الى العقل والقلب




قصيده جميله وراقيه وعذبه



صح السانك



ملاحظه

البيت الثاني ( ساقط منه الميم في اول كلمه ان صحت قراءتي)



لاهنت لاهنت يالمسعودي

اخي الغالي ابوعماره الف شكر على الزياره الجميله لك اجمل التحايا





المسعودي

ألأخ العزيز سعود العتيبي شكراً لك على المتابعه ولك التحيه وألأحترام





الفمسعودي

الوحيد الف هلا بك والف شكر لك والف تحيه لك والله لآيهينك




حسن المسعودي

ألأخ الغالي فهد محمد دائماً اتشرف بحضورك لآهنت يالغالي



حسن المسعودي

اخي ابن العم محمد الحبابي ياهلا والله وعلا حضورك يشرفني ويكمل جمال القصيده الف شكر والف تحيه



حسن علي المسعودي

ارحب ياعوض والله يحييك يالغالي ولآهنت على متابعتك الدايمه وهذا دليلَ على صفأك لك اجمل التحايا



المسعودي