Tweet
السلام عليكم ورحمة الله وبركاته
راكب اللي يوم شفته قمت ادق له التحيه
رونجروفر لونه اسود تو طلع مـ الوكاله
يوم شفته فز قلبي قلت : والله وآهنيه
واحد مطنوخ داير طارته والخير فاله
لوحته سينات في سينات والأرقام ميه
لامشى ماهمه وعورة طريقه وأعتداله
سايقه ياسايقه رح به لحي .......
رح لقصر ........ اللي يظلنا ظلاله
ولا وصلت القصر سلم لي على ضاح الثنيه
حب لي راسه ويدينه وسلمه الرساله
قله أني من بعد فرقاه والعيشه رديه
وقله ان طيفك وزولك دايمٍ ياقف قباله
رح لداره ياسعد واشرح له جكاية خويه
وقله : ان الجسم ناحل بعدكم والحال حاله
قله : يروف بحياته لايلحقه الأذيه
يكفي اللي قد جراله.. يكفي اللي قدجراله
عقب ماكانت مشاوير الهوى روحه وجيه
صدته دنياه عني وابعدت عني وصاله
ياسعد روح وخلاني على جمر الغضيه
وكل ماقلت ايهدا جمر الغضا زاد أشتعاله
فيه فرق بيننا في المستوى والمقدريه
وفيه فرق واجد مابين حالي وبين حاله
الله يسامح طعونه والله يهون عليه
والله يسهل دروبه والله يحقق مناله
ياعسى عيني تشوفه دايم بعيشه هنيه
وياعسى الله يحفظه ويقر عينه في عياله
أعطه المظروف وأستاذن منه واقبل عليه
وأعرف أني جالس حيران .. وأتحرى الرساله
تعليق