قم ياولد شغل الفكسار ! ! ! !

اللي طلب مني المسيـــــــــار *** لزوم اقوم له بزيــــــــــــارة

قم ياولد شغل الفكســـــــــــار *** واكشف على الزيت وعياره

غير له اللي يريد غيــــــــــار *** تفقده وافحص انـــــــــواره

تفقده والله الستــــــــــــــــــار *** ماهوب يا قرب مشـــــواره

خذ معك مايلزم المشـــــــوار *** قبل انك تغادر الحــــــــاره

لاتوقف الا من ورا الصـرار *** فترة عشا واقضب الطــاره

من بعد خيطان لف يســــــار *** ملفاك في بيت اخو ســـارة

يرحب بشوفة الخطــــــــــار *** يوفي مواجيب خطـــــــاره

ناس غلاهم يشب النـــــــــار *** دايم وهي تلتهب نــــــــاره

في وسط قلبي وانا محتـــــار *** كيف اني اعالج اضــراره

الحب ماهوب عيب وعــــار *** من قبلنا بنيت اســـــــواره

لاتحسب لقيمة الدينــــــــــار *** لعيونها ترخص اسعــــاره

ان قلت ويش اخر الاخبـــار *** آخر خبر مطلبي ســــــارة

العتيبي صح السانك على القصيده الطيبه


تحياتي لك

السلام عليكم




الاخ العزيز / سعود





قصيدة ممتازة ورائعه من شاعر مبدع










لاتوقف الا ورا الصـرار *** فترة عشا واقضب الطــاره






يا حي ذالعين من طاري الصرار













لاهنت ياسعود وصح لساااااانك مليووووووووووووووون













تقبل تحياتي

اخوك / عبدالله سالم العجمي

صح السانك يابن العم


وانت شاعر جزل ولاتقدم الا كل جزل



قصيده جميله



بيض الله وجهك يالقرم


وسجل اعجابي

.. الغالي . سعود العتيبي


.. صح السانك ولاهنت يالقرم

.. ولكن

. لاتوقف الا من ورا الصـرار *** فترة عشا واقضب الطــاره

الا ترا معي ان كلمة (من) في هذا البيت زائده . ربما اكون مخطئ وربما تكون من الطباعة ولكن وجب الاستفسار

.. ولك كل التقدير والاحترام

لاتحسب لقيمة الدينــــــــــار *** لعيونها ترخص اسعــــاره

ان قلت ويش اخر الاخبـــار *** آخر خبر مطلبي ســــــارة




الله ينوّلك مطلبك قريباً .....



صح لسانك يا شاعر....






أخوك,

الأخ محمد بن هضيبان


صح بدنك


ولك جزيل الشكر

الأخ الكريم / عبدالله



وعليك السلام



شكرا لك على مرورك لقصيدتي




أخوك / أبو فهد

هلا والله باخوي / ضاوي العصيمي



أشكرك من عمق قلبي على متابعتك لقصيدي






مرة أخرى أشكرك بقسوة



أخوك أبو فهد

صح السانك ياسعود العتيبي

قصيده وطلب على وضح النقا0ليت كل الشعار مثلك0

الاخ / سهيل



صح بدنك وأشكرك على مرور قصيدتي


أما عن ملاحظتك أو استفسارك فهو في محله البيت أصلاً هو :

لاتوقف الا ورا الصرار .... إلخ


وأشكرك جدا على هذا الإستفسار



أخوك / سعود العتيبي

الأخ الكريم / سعيد الحمالي


صح بدنك


والله يسمع منك يارب





مع تحيات أخوك
(((( سعود العتيبي )))

الاخ / هادي الرزقي


صح بدنك ياطويل العمر


لكن مسألة ان كل الشعار مثلي فأنا لا أوافق على هذه المسألة


لماذا ؟ لأن يوج في هذا المنتدى شعار أكفأ مني



الله يستر عليك ودربك خضر ياخوي



أخوك / سعود العتيبي

اخي وعزيزي سعود العتيبي



صح لسانك ياسعود


وبيض الله وجهك على


هالقصيدة الجزلة

من جزل تتميز قصائدك بالجزاله

وهي داله علي شخصك

الأخ الكريم / محمد الحبابي



مسيت بالخير

وأشكرك على متابعتك لقصيدي

وأبيض وجه ولاقصرت

وصح بدنك