انا لاغبت عني قام قلبي يزعج الونات ...

خواني النداوية ...

مساكم الله بالخير ....... إليكم هذه القصيدة وأتمنى أن تحوز على رضاكم وإستحسانكم .. أقول :-

ألا ياسايق الجيب الشبح يا سيد الزيـــــــــــــنات *** عليّ ارفق ترى قلبي رقيق لا تعذبــــني

ابو سود غواضي رمشها مضفي على الوجنات *** بسهم عيونها سود الوساع النجل صوبـني

تكهربنا بنور خدودك اللي كنها اللمــــــــــــبات *** سطع نور القمر في خدك الناعم وكهربني

عطاك الله جمال ميزك عن باقي البـــــــــــنات *** صفاتك نادرة ماغيرك من البيض يعجبني

انا لاغبت عني قام قلبي يزعج الـــــــــــــونات *** ولايرتاح بالي لين اشوفك لاتكذبــــــــني

اعرف انك مثل ماهواك تهواني وفيه اثــــــبات *** ولكن الهوى متعبك ياروحي ومتعبــــني

لكن اصبر وانا بصبر علشان نعوض اللي فات *** نعوض بعدنا بقرب يناسبك ويناسبـــــني

سعود العتيبي
صح لسانك

ماشا الله

وزن +قافية +معنى=ابداع


اتشرف بان اكون اول من يبدي اعجابه بهذه الابيات الجميلة والمعبرة

تحيايتي
[تم تعديل الموضوع من قبل وحيد بتاريخ 12-05-2001 الساعة 12:15 AM]

مررررحبا اخوي وحيد



مساك الله بالخير في هالجو الجميل

وصح بدنك واعجابك وصل يا وحيد

العزيز سعود


ابدعت في الاجتماعيه


وكذلك في الغزليه



وهذه صفة الشاعر الحقيقي



صح السانك ولاهنت يالغالي

اخي الحبيب / ضاوي العصيمي


مساك الله بالخير ... وبعد



أشكرك بصراحة من عمق قلبي على متابعتك لقصائدي ومرورك عليها

تعتبر شاهدة عليها بالكمال





اخاك / ابو فهد

ابوفهد

تقول:

ألا ياسايق الجيب الشبح يا سيد الزيـــــــــــــنات
عليّ ارفق ترى قلبي رقيق لا تعذبــــني

ابو سود غواضي رمشها مضفي على الوجنات
بسهم عيونها سود الوساع النجل صوبـني

السؤال:

ابوسود هو اللي يسوق الجيب ولا فيه سواق يسوق فيه \\ نبي نعرف حنا داخل ولا برا السعوديه

الا اذا انها راعية ابل ؟؟؟؟؟؟؟

تدوم يا ابن العم

اخوي داهم


صح بدنك وماقصرت




أما عن سؤالك فأقول : (((((( إنها راعية الابل وحنا لم نطلع من السعودية )))))))



أخوك المحب / أبو فهد

اخي وعزيزي سعود العتيبي



الاياسايق الشبح ياسيدالزينات


صح لسانك ياسعود


وبيض الله وجهك على




هالقصيدة الجزلة

الاخ محمد الحبابي



جزاك الله كل خير

على متابعتك لمواضيعي


وصح بدنك ياخوي


وماقصرت









اخوك / ابو فهد