Tweet
صباح الخير يا اهل الذوق ....
الله واكــــــبر يالسنين البايده
..........................العــــــمر يجري والليالي في رحيل
والعمــــــر لو طاولني بمكايده
..... ....................مــــــازلت اميز بالقصير وبالطويل
اخـــــاف ربحـه والجاء لفوايده
........................واشــــح بالما وادري ان الما سـبيل
حــــــاولت اغير بالفكر عوايده
.............................ومن يرخص الدينار بعيون البخـيل
مايفــــزع اللي يدعي المحايده
..........................الين ضـــــــــاعت بين معتل وعليل
من عقب طــــرده صرت من طرايده
..........................وشــــــليت همه لين ضاق به الشليل
لاصار شـــــاعر صـرت من قصايده
........................ولاصــــــار قاتل صرت من سيفه قتيل
استفرســت فيني العيون النايده
..........................وان غـــــبت عنها خلني بعد الخليل
كذا حياتي بالنواقـــــص زايده
............................وكــــــــذا سنيني لاتحل ولا تحيل
وكـــذا خذيت من الدروس الفايده
...........................وكــــــذا جذبني صوت رعاد المخيل
وكــــذا خطفت من الشعر شرايده
..........................وكـــــذا فهمت العز في موت النخيل
لا صـــــرت كايد لا تحن الكايده
.........................ولا صـــــرت واني لاتحـــــط ولا تشيل
يا طول صــبري لو تعود العايده
.........................وانا جــــــــمعت من الزمن شي قليل
واقفيت والمســيود تحت السايده
.....................وابعـــــــدت ظلّي عن وهج شمس الاصيل
وعودت من جور السنين البايده
.........................واقبـــــــــلت مالي لا ظلال ولا مقيل
عايض راشد
تعليق