الزمن

يازمن موجــك من الايام عاتي
******************** والعـواصف غيرت مجرى السفـينه
والغــريب يدور دروب النجاتي
*********************الوطن جافاه والغربه تهينه
والثمـن مدفـوع من زهرة حياتي
*********************** غربةٍ في العمر من أغلـى سنينـه
الفضـاء شفته كهوف مظلمـاتي
************************ وشمس الايام أصبحت شمعه حزينـه
واللـيالي في سهـرها نايمـــاتي
************************ والقمـر كل النجـوم تقول وينه
والشـروق يطل من خلف الفـلاتي
************************** والزهـور تصـد عنه وتستهيـنه
والربيع اللي ضحك في وقت فاتي
*************************** بدل الضحكات صوت من ونينـه
والغروب يروح يبحث عن مباتي
************************** الحزن غاشيـه وجروحه دفيـنه
والكرم شيخ الشيوخ ابو عبـاتي
************************** إستحى من بعد ماخليت يدينـه
والشهـامه تحتضر جتها الوفاتي
*********************** بعد ماهي تاج فوق الروس زينـه
والوفـاء حيٍ ولكن في سـباتي
*************************** والشرف مكسورهٍ نفسه وعيـنه
والعـوايد والسلـوم الغالياتي
************************** عايشه في متحف الماضي رهينـه
وانزوى التاريخ في صدور الرواتي
*************************** والحضاره حاضـره لكن هجينـه
والشجر فيه العبر سيد النبـاتي
*************************** مد ظـله والثمـر والله يعيـنه
والجزاء بعد الوفاء حذفه حصاتي
**************************** حطمت في خاطره صمت وسكينه
والطيور اللي خماصٍ سارحـاتي
************************* راعها في الصبح صياد وكمينـه
والجياد السابقات الصافنــاتي
**************************** نسيت المركاض ورماحٍ سنيـنه
والامل جاء والبشاير منه جاتي
************************** و الفـرح ماتم له والله غبيـنه
جاه جيش اليأس من كل الجهاتي
************************* حاصره في قلعـته وايتم جنيـنه
والزمن نفسه بدا فيه الشماتي
*************************** حملـوه الهـم نـاسٍ عايشـينه

وش بعدها يازمان المعجـزاتي
**************************** في سجلك من قرا يندى جبينه
يازمن ماباقي الاأكتب وصـاتي
************************** والخبر يوخذ يقينه من جهيـنه
فيك شفت الباقيات الصالحاتي
************************** والصبر على الدهر عسره ولينه
وغيرها اما أحلام والاذكرياتي
***************************** وشوق لايام مضت يكوي حنينه

اخوي النايف






صح لسانك





قصيده جميله تشكر عليها





تقبل تحياتي

اخي النايف


صح السانك



قصيده رائعه وجميله ولاجمل شاعرها المبدع النايف



تقبل تحياتي

\\\\\\\\اخوي عزيزي النايف //////////

تسلم وتحفتنا

باجمل مايكون

وصح الله لسانك

علي هذهي القصيدة

الرائعه من رائع

ومبدع



تقبل

تحيات

اخوك


محمد الحبابي


((((((أبومطرف))))))

-----------أشكر الجميع

لا يفســــــــــد الود رايٍ غير عن رايك


---------- وش فيكـــ ثاير على الدنياء ومن فيها


ومن حيث معنى القصـــــيده كنت انا جايك



----------- والخير فالناس لين اللــــــه يسويها

اشكر الجميع-----



-----------وعذرا ان كان هناك بعض القسوه ولكنها مشاعر شاعر في وقت مـــــــا

الاح الشاعر/ النايف
اتحفتنا بقصيدتك الممتلئه بالمعاني القويه
وكنت محظوظ بدخولي على صفحتك

وتقبل تحياتي

اخوك/ حسين العتيبي