بكل فخر .... انا سعودي

اخوي العزيز.....عايض

شهادتي فيك انت بالذات مجروحه....

وما اقول الا...

صح الله لسانك مليون يا ابو راشد...

وانشاء الله ايامكم كلها اعياد في اعياد...

عايض بن راشد
:كل ما هب نسناس الهوى من شمالي
............................ يملي الصدر حاجه والله اللي علمها

يملي الصدر حب ماتشيله جبالي
... ....................... ويطرب النفس حب اللي تعالت قيمها

:
:
كل ما هب نسناس الهوى من شمالي
............................ يملي الصدر حاجه والله اللي علمها

يملي الصدر حب ماتشيله جبالي
... ....................... ويطرب النفس حب اللي تعالت قيمها

:
:





كل ما هب نسناس الهوى من شمالي
............................ يملي الصدر حاجه والله اللي علمها

يملي الصدر حب ماتشيله جبالي
... ....................... ويطرب النفس حب اللي تعالت قيمها



وحنا نقولك ياابوراشد كل ماهب منك الشعر نحلق مع نسائمه
ونسمو مع جزالته
ونرتقي بمفرداته
ونفتخر بك كشاعر يتجاوز نصه نص بعد نص
الى الامام
وسجل اعجابي من هنا الى يوم يبعثون

اخوي الغالي العالي الشاعر الرائع المدهش عايض بن راشد

لله درك واناخوك قصيده هي الجزاله

وفيت وكفيت يالوافي

تقبل خالص الحب والتقدير.......................(لاعدمتك)



...........................................اخوك خالد العتيبي

الله الله

يابو راشد

لبا والله قلبك

قصيده جت في وقتها

وهذي عوايدك ياطيب المبدا

سباق للعلوم الغانمه

اخوك ابو منذر

الاخ العزيز والشاعر القدير/ عايض بن راشد

صح السانك والله لايهينك على هذه القصيده الروعه وحفظ الله ملكنا ذخرا للمسلمين والاسلام

وعفوا على الغلطه المطبعيه السابقه وشكرا على سعة صدرك

اخوك/ سعيد علي المري

شكرا لكل من قراء قصيدتي ومن رد عليها ..

............................................................

اخوي الغالي سعيد الحمالي ...

هلا بك وغلا ومرحبا ...

دائما سباق للخير وشخص يهمني رايك ..

لاهنت وعسى عمرك طويل ..

............................................................

الاخ العزيز مجعد بن متعب ..

هلا بك ياغالي ...

انت شخص يميزك التواضع لانك ترد على الناس كلهم وهذي ميزه ماقدرت اطبقها ..

ورايك مبني على ساس .. وانت شاعر وكفو ..

لاهنت يابو متعب..

............................................................

هلا وغلا يابن هضيبان ..

ومشكور على كل حرف شرفتني فيه ..

والوطن حقه ارواحنا .. وانت ردك مونسني ..

لاهنت ياغالي ..

............................................................

اخوي العزيز عبدالله الملحم ..

ارحب يابو عابد ..

والله لا يهينك ..

وكلك ذوق ياغالي .. يكفيني وجود اسمك .

............................................................

اخوي الغالي ... هادي الرزقي ..

ارحب ارحب .. هلا بك وغلا يابو صالح ..

ولاهنت على كلامك الطيب .. يا طيب ..

ومشكور على اطلالتك ..

............................................................

هلا وغلا يابو خالد ...

هلا بالنجم اللامع .. هلا بالقرم السنافي .. هلا بصديقي الصدوق ..

تشرفني دايم يابو خالد بمعرفتك قبل القصيد وقبل كلش ..

لاهنت وعسى ابوك في الجنه ..

............................................................

ارحب يالمورقي ...

وقاد ... هلا بك وغلا .. والله لا يهينك ويرحم والديك ...

والشعب السعودي والكويتي شعب واحد في الخير والشده ..

وعسى الله مايطول على شيخنا جابر باس ..


لاهنت ياغالي .

............................................................

ارحب يابو فلاح ..

اخوي الشاعر العذب .. عبدالله ابن ذويبان..

هلا بك وغلا وترا متابعتك هذي تزيد حملي .. لان المبدعين مثلك مايجوز لهم الا الابداع ..

رايك على عيني وراسي ياغالي ...

لاهنت ويسلم راسك وراس شايبك ..

............................................................

ارحب يا سعد القريشي ...

هلا وغلا يابو مسعود ...

والوطن زي ماقلت انت ... له حق علينا كلنا ..

وعسانا نتوفق ونوفيه حقه ...

لاهنت يابو مسعود ...

............................................................

السلااااااام من جديد

يا فهد يا ذرى العربان ياراس مالي
... ....................... كل طيبه مشت بالناس بيده وسمها

مثل ماتسقي الديره حقوق خيالي
........................ ... كل ديره من ايدي فهد جاها قسمها


وانا اشهد وربي

تسلم يمينك اخوي عايض راشد

صح لساااااانك

تحياتي

الله عليك يا نبراس




عايض راشد قال الكثير والكثير



شعور رائع لايستغرب من ابناء هذا الوطن المعطاء






تحياتي لك


وصح لسانك

هلا وغلا يا شفق ... ارحب يابو مهنا ...

هلا بالاستاذ الرائع .. والصديق المخلص ..

اطلالتك تعنيلي الشي الكثير ..وات غالي عندي بالحيل ..

والف شكر على اطرائك ..

لاهنت يا شفق ..

............................................................

هلا وغلا يالمحايد ...

ارحب طال عمرك...

وملكنا الغالي .. عسى عمره طويل ... يستاهل نفوسنا ..


لاهنت يالمحايد وعساك سالم ..

............................................................

الاخت العزيزه ... سميره العبدالله ... حياك الله ونعم فيك من يوم كنتي طيوف لين صرتي سميره ..

والف شكر على اطرائك وحضورك ..

............................................................

ارحب يابو زياد ...... هلا والله وغلا ...
ضاوي العصيمي

هلا بالشاعر العذب والصديق العزيز ..

لاهنت يابو زياد والف شكر لك على تشريفك قصيدتي ..

............................................................

حنين الشمال ...

هلا فيك .. بس تراني مافهمتك ..

يعني ما ادري وش قصدك بالرد هذا ..

على ايه حال .. مشكوره ..

............................................................

ريم قطر ... هلا وغلا ...

هلا بك وهلا بحروفك من يوم سارت من الدوحه عبر سلوى عبر الحسا لين وصلتني ..

الف شكر لك ولاهنتي .. وتراك مقصره بمشاركاتك ..


هلا وغلا
............................................................

ارررررررحب يابو فيصل ..

اخوي الغالي .. ممدوح المسطح .. هلا بك والله ..

وهذي شهاده انا اعتز فيها من شاعر كبير مثلك ..

لاهنت يابو فيصل ووجود اسمك هنا يشرفني ..

الف شكر لك ..

............................................................

ارحب ارحب يابو محمد ..... هلا وغلا ..

الغالي خالد العتيبي .. الشاعر العذب ..

وجودك يرفع منزالي ويزيد قدري ..

لاهنت على كرمك .. وعلى طيب .. وعلى ردك ..

............................................................

ارحب يابو منذر ... لبا سراجيف معلوقك ...

ولو اني زعلان عليك بس قريت اسمك ورضيت ..

هلا بك وغلا اعداد السيل ..


والف شكر لك ..

............................................................

ارحب يا المري ..

وش حالك يامحلفي .. والخطا وارد والصدور وسيعه ..

وانت غالي .. والغالي له حق على الروح ...

لاهنت وعسى عمرك طويل ..

............................................................


الف شكر لكل من رد او قرا قصيدتي ...

وعسى الله يديم الخير والرخا على هذا الوطن الغالي ..

ويحفظ ملكنا من كل سوء .. وولات امورنا كلهم ..




اخوكم:

عايض راشد







............................................................

اهلين رحايل ......

هلا بك وغلا ...

ومشكروه على ردك ... والوطن هذا غالي على المسلمين كلهم ..

عسى الله يحفظه لنا عز وفخر ..


اخوك:
عايض راشد

اخوي الغالي .. زايد الرويس ...

هلا بيك ياغالي ...

والف شكر لك والله لا يهينك ...

يشرفني وجود اسمك وردك على قصيدتي المتواضعه ..


لاهنت وعسى عمرك طويل ..


اخوك:
عايض راشد

ابوراشد يالبي قلبك ياشيخ على هذي الرائعه انا صراحه حبيتها ويمكن من حبك ومن غلاك

اخوك/عبدالله

عايض راشد.....

شهادة حق انت والابداع متلازمان....


فهل لك ان تعطينا سر هذا التلازم؟؟!!


عايض.....

وقصيده شامخه بشموخ من قيلت فيه.... جعله الله

ذخرا للامة الاسلامية.....


تقبل تحياتي وتقديري بحرفك وبشخصك...



اخوك.......... حسن النايف