نظرة اشعبي

[الحادي]

اشرقي ياشمس عمري ولا كيفك اغربي

........ دام في ليلي صباحك قد تساوى مشرقه



الاسد يومٍ تفيقه شوفو به فعل الظبي

.......... قام يطعنه بدلاله لين غير منطقه



حاتمي حبي ولكن فيه نظرة اشعبي
..........الهوى بكثر العطايا شوي يبهت رونقه



لو تصافينا ليالي ليله وانت تلعبي
..........خاصميني ولجل عينك كل كوني بحرقه





غّبي عني في الزياره اه ياكبر تعبي


...... لك يزيد الحب اكثر ويحترق لك اصدقه




المطر ان غب يغلا اه من بعد جدبي

......... ما حلى همسة طشاشه لي يمازجها عبقه




زير انا يابنت لكن النسا مش مطلبي

............. انت لي كل العذارى والشعور اللى ا نطقه




انت راحي ومستراحي والندامى ومشربي

............ والكحل اللي اكتحل به والفصول المورقه



والشعر يومٍ كتبني صادقٍ طفل يحبي
.................ابتسم بين الحنايا يوم سحرك ارقه



قام يتشيقى ويلعب في دفاتر مكتبي

.......... مره يكتب لي غرامك ومره اسمك ينطقه



والخيال اللي عتقني شايبٍ اصله عربي
..............حلته عز البداوه وجوده اللي يسبقه




كني خادم من عبيده فزيلبي اللي يبي
............ولجل عينك ياحياتي كل عبدٍ اعتقه




اشرقي ياشمس عمري وسط صدري اغربي

.......... انت لي وجدي وجودي من غروبه لمشرقه







زايد محمد الفلاحي

الحادي

الشاعر الحادي



صح السانك


قصيده طيبه لاهنت



تقبل تحياتي

اشرقي ياشمس عمري ولا كيفك اغربي

........ دام في ليلي صباحك قد تساوى مشرقه



الاسد يومٍ تفيقه شوفو به فعل الظبي

.......... قام يطعنه بدلاله لين غير منطقه



حاتمي حبي ولكن فيه نظرة اشعبي
..........الهوى بكثر العطايا شوي يبهت رونقه



لو تصافينا ليالي ليله وانت تلعبي
..........خاصميني ولجل عينك كل كوني بحرقه





ياسلالالالالالالالام يازيد الفلاحي


صح الله السانك على القصيده الجميله كجمال الحادي وبيض الله وجهك


تحياتي لك اخوك
فيصل المورقي

الأخ المـحـتـرم الحـادي

صـح الســانــك

قصـــيـده طـيّبـه لاهــنــت يالقـرم