<<<<ناصــر الــنفـــيعي>>>>

عبد الله ذويبان



الشكر لك مليون



ومليون تحيه

تسلم

سعيد المري



سعدت بردك ومجاملتك الغاليه


لا عدمتك



تحياتي

داهم




مشكور


ولك اجمل تحيه

ارحب ///يا استاذ ياأخي ياعلم //////فيصل\\\\\\\


اخي واستاذي القدير العلم في عالي المجد والله بجهدك


تحياتي والله لايهينك يابوبدر


دايم في ابداع واستاذنا ناصر ماقصر


وبيض الله وجيهكم


وتقبلو تحياتي

ردي على قصيدة الزميل / ناصر النفيعي

،
،


هلا والله عــدد وبل المزون اللي رعدها د ن

----------- وعددمافي بنوك الراجحي والآهلي عديت

مجال الشعر واسع وأنت شعرك كله أنبر ون

----------- ياناصر يالنفيعي يارفيع الذوق يالعفريت

على شعر الرجال أهل العقول أفكارنا يضمن

----- وسكبت الماء القراح العذب فوق أفكارنا وأرويت

غزيت الهاجس اللي يطربه فنك يا(مستر بن)

----------- أنا أعرفك ليا طبيت في سوق الأدب نقّيت

على روس الجبال العاليه حلّقت ياكبتن

----------- وجبت أجمل هديه غاليه يازينها وأهديت

هواجيسك سمينه يالنفيعي والكلام أسمن

----------- تخيرتك خويي وأدري إنك نعم من خاويت

ترى مدحك يشرفني وفيك من المدوح أحسن

----------- عن سلوم الرجوله والوفاء يارجل ماصديت

عتيبي من رجالٍ مارضوا بالهون والأهون

----------- معادنهم ذهب،ماتقبل القصدير والجرنيت

عتيبه مجدهم مثل الجبال الراسيه وأرزن

----------- وأنا أحب الرجال أهل الشهاميه، ورب البيت

تعاملني معاملة الصديق الصادق المؤمن

----------- بوقتٍ فيه خلق الله يخلطون العسل والزيت

وأنا والله مابور ولاأنكر المعروف لين أدفن

----------- وصية شايبٍ ذاق الحلا والمر والحلتيت

صديقي من يساعدني على همومي لياكبرن

----------- ويفزع لي لياعديت في رجم العنا وأوميت

ماهوب اللي يصادقني على ضحكه ولعبة صن

----------- يجامل معي يوم أضحك ويشمتني ليا ونيت

أبا أغني على صوت الهبايب كل ماهبن

----------- دخيلك يالهوى الغربي تلاحيني لياهبيت

أنا فكري على رسم البيوت النادرات أدمن

----------- أوقتها على نبض القلوب الواعيه توقيت

لاوالله ماتحركنا العواصف والعلوم . أبدن

----------- لو الدنيا تولع فالبحر بالزند والكبريت

مادام الشمس تنشر نورها ، ياقلب لاتحزن

----------- نظام الكون مايخضع لصوت المزح والتنكيت

ياناصر ياوسيع العرف قلبي للقصايد ، حن

----------- ثلاث سنين ماعديتها عشرة بيوت ، أبطيت

ترى ساعات (سيكو) تحترم ساعات (سيتي زن)

----------- لكن أحيان يحصل بين عداداتها تفويت

تعرف أخبار (بنسلفانيا) وأخبار (واشنطن)

----------- وتعرف مهرجانات الصخب ونهاية الأوبريت

رمانا وقتنا بسهوم، كم صابن وكم أخطن

----------- وش إيفيد العتب لوكان قلنا يازمان أخطيت

وهلا والله عدد وبل المزون اللي رعدها دن

----------- وعدد مافي بنوك الراجحي والآهلي عديت



.......................................



__________________
اللـهـم تـقـبـل مـنـا رمـضـان ، وأرزقـنـا فـيـه العـمـل الصـالـح ،

وإغـفـر لـنـا زلا تـنـا وخـطـايـانـا، وإجـعـلـنـا مـن
الـراشـديــن ،،، اللـهـم آمــيــــن ،،،
----

alhabaaib.com فيصـل الــريـاحــي





[تم تعديل الموضوع من قبل محمد الحبابي بتاريخ 12-07-2001 الساعة 06:03 AM]

ونعم يا بوبدر وبيض الله وجهك
وانت اشهر من نار على علم

وانت يا ناصر النفيعي
ما اقول فيك شى لان
شهادتي فيك مجروحه
ولكن تستاهل ما قاله ابوبدر

ترى مدحك يشرفني وفيك من المدوح أحسن
عن سلوم الرجوله والوفاء يارجل ماصديت

عتيبي من رجالٍ مارضوا بالهون والأهون
معادنهم ذهب،ماتقبل القصدير والجرنيت

عتيبه مجدهم مثل الجبال الراسيه وأرزن
وأنا أحب الرجال أهل الشهاميه، ورب البيت

اخوكم
داهم