Tweet
مريمت قلبي وصار المعبد بجسمك
............ومر.. يمّ العطر وتبعثر احساسك
تذكر مدارك وذاك الكون لي ضمك
...........ان كنت ناسي تذكر حرقة انفاسك
السبحه اللي كرزها ذاب في فمك
............ ظلت تسبح ضياي.. يعاني اغلاسك
والراهب اللي تعبد هاجسه همك
........... تذكر بصدره كيف يلملم الماسك!
صبحي توضى بليل السكر في دمك
..........وانتـه تعربد بقلب العابد الناسك
ياجل ناري وجلنار الهوى اسمك
............ خل القصيده تفل الاه من باسـك
ياقاسي اللين لانت قسوتي يمك
............. يالين صار انهزامي جل نوماسك
ان كنت ناوي تعذب خافقٍ لمك
..........اسقيه هجرٍ بليل الوصل من كاسك
يا هيه قلي عذابي منك ما همك
........... تقد دبر القميص وتشكي الباسك
ياعاري الحس قلبي ساترٍ جسمك
......... ياساتر الجسم حبي جرد احساسك
اتمنى ان تنال اعجابكم
زايد محمد الفلاحي
تعليق