ارجيك ياحظ عسى اللة يجيبة...

اول قصيدة اكتبها فى المنتدى الشعبى وهى على كل حال محاولة..


قصيدة قديمة ارسلتها لصديق غالى وهو محمد بن مبارك الودعانى
من سكان الوادى ..


فكـــرت فالدنيا ولاهى عجيـبة.......دنيا تدور وياللة المستعانى

كم واحـــد يسعى وتقطع نصيبة......اليوم ثم بكرة لهاشكل ثانـى

ايام فيها والليالى غريبة.......ماعدت اميز عشرها والثمانى

النار فى قلبى تولع لهيبة......والموت انا شفتة ومرات جانى

الراس فية اليوم سبعين شيبة.....وعزة اللة انة صابنى ماكفانى

ارجيك ياحظ(ن) عسى اللة يجيبة......لى مدت(ن) وارجية طول الزمانى

هذا قدر مافية شك(ن) وريبة.......راضى بما يكتب على المودمانى

يامن يود العلم والايجيبة..........واهدية خنجر صنع كف اليمانى

اقولها من طيب اصلة وطيبة.........الدوسرى راع العلوم السمانى

هم(ن) بقلبى جاهلة مادريبة.......وماظن ترضى ياعريب المجانى

وانا على حروى الردود القريبة.......اتشوقنى بعض البيوت الحسانى

هذى بيوتى والقصايد تعيبة.........والشعر لة عزة وحشمة وشانى



وسلامتكم

الشريفى

مساك الله بالخير يالشريفي


صح ألسانك وقصيده رائعة


الراس فية اليوم سبعين شيبة.....وعزة اللة انة صابنى ماكفانى

ارجيك ياحظ(ن) عسى اللة يجيبة......لى مدت(ن) وارجية طول الزمانى

هذا قدر مافية شك(ن) وريبة.......راضى بما يكتب على المودمانى



والله لايهينك



تحيات اخوك ماجد

صح الله لسانك ياذيبان كلام طيب من شاعر كفو يستحق كل تقدير

اخوك/عبدالله

الاخ الشريفي


صح السانك


الله يعطيك العافيه ماقصرت

الشريفي

القصيده طيبه
لكن ماظن انها أطيب من راعيها

بيض الله وجهك يالشريفي


مشهور......

ماجد الزعبى

حضورك وتشريفك لة مكانة عندى يالغالى..
لاهنت لاهنت..



الشريفى

اخى عبداللة ابن هادى

حضورك وتعليقك وكلامك نوماس لى وتاج اضعة فوق الراس ياشاعر ..

لاهنت يالغالى..


الشريفى

ابو متعب

جعل العين ماتبكيك يالغالى...

صح بدنك وحضورك شرف.


الشريفى

الاخ مشهور الخيال

مرحبا ملايين يامنبع الطيب..وكنت متوقع حضورك وتعليقك واقدر اقول انك فارس المنتدى بدون منازع...

لك فائق احترامى وتقديرى..


الشريفى