انت غلطه والخطا مهما يكون/مايعاد وجعل ياقلبي فداك

مساكم/صبحكم الله بالخير

مصافحه متأخره للنداوي واعضاءه الغالين , يعلم الله اني اكن لهالمنتدى عظيم الوفاء
اتمنى ان تنال القصيده على رضاكم ,,,





ما احترق فيني سوا بيض الظنون
و دامـك مـقـفّـي فَـلا تـنـظــر وراك

الزمـن و الناس , مع خضر الطعون
عـلّمـتـنـي مــا عـجـز عـنّـه مــداك

ســكّـتـي فـالـعمـر بامشيها بهون
لاتحَسْـب انـك بـتِـعْـجِـز من شَرَاك

مـا شـريـتـك لاجْـل ابيـعك يالفتون
و لا رجـيـتـك ضـحـكـتـك ولاّ عطاك

لا يـغـرّك طـيـبـي وضحك السنون
و الـصـفـات اللـي تـعدّت مستواك

كـان غـرّك , فـ انـت واهِم و مْغَبون
ما تـعـوّدت الـسّـمـاحه من قِساك

شـد عـزمك و الحـق اللي يـرحـلون
طـبـعـنـا طـيـّب مـع الـغـير و معاك

ان وفيت , آمِر ومـسـكـنـك العيون
و ان جـفـيـت فـ صدّنا يعمي جفاك

و الا انا يـا جـعـل مـثـلـي مـايـهون
ما قِـصَـر حبلـي قـبـل تبدي رِداك

ارْتـفِـع مـثـل الـسـما والا انت دون
كــان ودّك تـفـتهم , نـاظـر سِـمـاك

اعْـبـرك مـثْل الـسـحـايب والمزون
و فـالـمـزون من العطا ومن الهلاك

لا تحَسْب انـك عـلـى قـلبي تمون
ولا تـظـن انّـي مـسـيّـر فـي غلاك

انـت غلطه , والـخـطـا مـهما يكون
مـا يـعـاد وجـعـل يـاقـلـبـي فــداك

مــات حـبـك , وانطوى بين الكفون
و يـا فـوادي جـعـلـهـا دفـعـه بـلاك



وسلامتكم




اخوكم/ فهد بن عبدالكريم القحطاتي

ان وفيت , آمِر ومـسـكـنـك العيون
و ان جـفـيـت فـ صدّنا يعمي جفاك

صح اللسانك

ان وفيت , آمِر ومـسـكـنـك العيون
و ان جـفـيـت فـ صدّنا يعمي جفاك

صح اللسانك

صح بدنك يا محمد

ان وفيت , آمِر ومـسـكـنـك العيون
و ان جـفـيـت فـ صدّنا يعمي جفاك

صح اللسانك

صح بدنك يا محمد