مرزوق وعياله

[align=center]الشايب اللي بعيداتٍ هقاويه
عاثو ضعاف الذمم في مرزق عياله

إيدينهم في محاثله ومخابيه
وإن قام لي هم على يمناه وشماله

يعطي عياله وتلقفها الحراميه
وإن صب فنجال شربو نصف فنجاله

بيته كبير و ورعانه شقرديه
ولا يشوفون غير إقفاه وإقباله

هو يحسب إنهم بخير وفي رفاهيه
واللي على بالهم ماهو بعلى باله

مايدري إن العيال اوضاعهم سيه
والبعض في حال يوسف له ويرثاله

صحيح بوهم غني وبلادهم حيه
وكلٍ على دارهم يفرح بمدخاله

والعود من طيبته مافي العرب زيه
وده يقلط كلٍ منهم على فاله

لكن تبقى بعض الاحوال سريه
والعلم ماودهم يقعد على حاله

ابطو وهم صابرين وصادق النيه
معادله حيلة والربع حياله

وافكار بعض الجماعه خنفشاريه
الله يستر على مرزوق وعياله[/align]

والعود من طيبته مافي العرب زيه
وده يقلط كلٍ منهم على فا



الله ساتر على مرزوق وعياله الحين والباقي في علم الغيب يجيب الله مطر !!