أخو عجــــــــــــــــرة

هذه القصيدة قلتها في حفل الشيخ ناصر بن سعيد الشهراني على شرف الشيخ بندر بن فهد آل عجران شيخ ال صبيح الخوالد

[poem=font="Simplified Arabic,6,#04093B,normal,normal" bkcolor="" bkimage="" border="double,6,#050F36" type=0 line=0 align=center use=ex num="0,#400000"]
سلام من راسٍ على العزّ مركيه =يشوش للجزلة و يدفع ثمنها
وسلام من صدرٍ من الطّيب غاذيه =كل العلوم الغانمة يحتضنها
يهدا لشيخٍ يرفع الرّاس طاريه=اللي يبدّي فزعته ما خزنها
و يهدا لمن شوره عن اللاش مغنيه=يقدح سطر وان ساعفت له قرنها
ويهدا لمن ربعه تعزّه و تغليه=ولا جات فاللزمات يقوم عنها
شرواك يا بندر فدوك المسافيه=من جاك يطلب حاجةٍ له ضمنها
صيتك يا خو عجرة طوالٍ مبانيه=صبيح تفخر يوم شرواك منها
صيتك ظهر و الك النّعم وأنت راعيه=شرواك لا شاف الجمايل حبنها
يشوفها قبّا تجوب التهاتيه=يلكد لها طنخة و يقضب رسنها
من روس قومٍ طبعها ما تخلّيه=تشهد مواقعهاو يشهد صحنها
خوالدٍ سقمٍ على اللي تعاديه=وحصنٍ يمثّل به على من زبنها
وعن ناصر بن سعيد و القيل كافيه=رد البرا والطايلة ما دفنها
وأقبل سلام الدوسري مع قوافيه=مثايلٍ مثل الذّهب لك وزنها[/poem]

كفو كفو كفو
بيض الله وجهك ولاهنت
ويستاهل المدح الممدوح
شاعر متمكن وجزل

تحياتي