كيف حالك؟!!!

هناك شخص أنا الوحيد الذي تجرأ ووقف معه في محنته و بفضل من الله ومشيئته نقلته من حال الى حال ماكان يحلم به .. وفجأه ينقلب الخير اللي سويته الى نقمه من ذلك الشخص فبدأ بنسج الكذب والبهتان بما لا يليق بي ليوهم الآخرين أني عدوه ويكذبون مايعرفون من حقيقه أوصلته الى ماهو فيها .. تباً له ولإشكاله

ذلك الموقف جعلني ألتجي الى صديق لي عزيز علي فرقتنا ظروف الحياه و قل التواصل بيننا لإحدثه بما صار لي بعده وأعبر عن مشاعري تجاهه فكتبت هذه القصيده ... ...


[poem=font="simplified arabic,6,darkblue,bold,normal" bkcolor="transparent" bkimage="backgrounds/4.gif" border="double,8,indigo" type=2 line=0 align=center use=ex num="0,black""]

كيف حالك ياخويٍ مع الذيب يعوي=جعل يفداك الردي والكثير من أصدقاي

فدوةٍ لك كل من عابني وأنا سوي=فدوةٍ لك كل من باعني و أرخص غلاي

لذكرتك يالخوي والله ونعم الخوي=لاتجامل حضرتي ولا أتكلم في قفاي

كم خويٍ في غيابي يصيد ويشتوي=مايخاف الله وأنا مخاشره تمره وماي

يقطعه وجه كذوبٍ و شدقٍ ملتوي=لو رقى فوق السما مايوصّل مستواي

مادرى إني مابغيته يصير ويستوي=ماحسبت حساب شيٍ وأنا ربعي وراي

والله إني يالخوي مستهيد ومرتوي=فرقتنا ظروفنا وجيت أجدد لك ولاي

لفقدتك والله إني مثل ورع بدوي=أتنشد كل من فوق الأرض وفي سماي

الردي يالله عسى حبل وصله ينطوي=لا سلبته حاجةٍ له ولا هو من رداي

من قطع وصله وأنا عادني حيٍ قوي=العذر منه الى مت لا يحضر عزاي

[/poem]


[align=center]قهد بن سالم ال عليه المري[/align]